JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xefi Estadu na’in 10 sei partisipa komemorasaun loron konsulta popular

Xefi Estadu na’in 10 sei partisipa komemorasaun loron konsulta popular

Vise Xefe Estadu Maior Jenerál Forsa Armada Falur Rate Laek informa, Xefe Estadu na’in 10, sei partisipa komemorasaun tinan 20, loron konsulta popular, no prezensa forsa internasionál INTERNFET iha Timor Leste ne’ebé sei selebra iha loron 30 fulan Agostu tinan 2019.

“Ami husi Defeza hatene mak iha Xefe Estadu na’in 10 mak sei mai partisipa. Ami mós hola parte iha komisaun organizadora no ami hatene ne’e iha nain 10. Restu seluk hanesan Xefe Governu no entidade sira seluk ne’e na’in hira ne’e, sira servisu Polisia mak hatene. Por enkuantu ha’u hatene mak ida ne’e, tanba ha’u mós partisipa iha reuniaun komisaun organizadora entaun ha’u hatene mak ida ne’e”, informa Vise Xefe Estadu Maior Jenerál Forsa Armada Falur Rate Laek ba Jornalista sira iha Palásiu Prezidensiál Nicolau Lobato Bairu Pite, Díli, hafoin hasoru malu ho Prezidente Repúblika Francisco Guterres Lú Olo, hodi informa konaba konaba mudansa pozisaun no servisu forsa sira iha terrêstres, iha fronteira ne’ebé sei hahú akontese iha loron rua nulu fulan juñu ne’e.

Tinan ne’e sai tinan ida ne’ebé importante tebes ba povu timor leste nia istória, tanba ne’e Primeiru Ministru Taur Matan Ruak, lansa programa komemorasaun tinan 20 konsulta popular no lansamentu ezibisaun loron istóriku tinan 1999, iha loron sanulu fulan juñu ne’e iha eis komarka Balide Díli,

Tinan ida ne’e Timor Leste kompleta tinan 17,  ba restaurasaun independénsia, nu’udar nasaun soberanu iha mundu, kompleta mós tinan 20 halo referendum, no tinan rua nulu forsa interfet sama ain ba dala uluk iha Timor Leste, iha últimu fulan setembru tinan 1999.

Lee hotu :   SOMOTXO REKOÑESE AVIAUN F-FDTL PARA DE´IT

Ho nune’e husi parte forsa defeza nian, dadaun ne’e halo preparasaun liu-liu husi parte enjeneria halo hela preparasaun iha Aileu no mós parte forsa nian ne’ebé atu halo seguransa ba Xefe Estadu sira mós hala’o hela preparasaun.

“Atividade sira ne’ebé atu partisipa ba seremonia 30 de Agostu nian mak oras ne’e ami nia enjenaria servisu hala’o hela servisu iha Aileu ne’ebá. No parte sira treinu, forsa sira treinu, ba sira ne’ebé sei fó seguransa ba Xefe Estadu sira mai atu partisipa iha seremonia komemorasaun ne’e. Ha’u informa ida ne’e ba Prezidente Repúblika hateten Falur Rate Laek.

Alénde ne’e iha sorumutu ho Xefe Estadu ne’e, Vise Xefe Estadu ne’e mós informa konaba, preparativu sira ba servisu ne’ebé atu hala’o iha tinan oin.

“Agora dadaun ne’e ami halo mudansa pozisaun ba forsa sira iha fronteira terrêstre. Halo mudansa ba postu hotu-hotu iha territoriu timor laran tomak, apartir de dia vinte. I sira iha Enclave Oecusse ho  Atauro, ne’e komponente Naval mak sei iha ne’ebá, no ida ne’e iha faze preparasaun nia laran para troka malu. No atividade sira seluk ne’ebé atu ba partisipa iha selebrasaun 30 de Agostu ne’e”, tenik Falur Rate Laek.ixo

Add to Comments Here!!!!

error: Content is protected.
Secured By miniOrange
You might also like:
Timor-Leste organiza konferénsia insternasionál oinsa jere rekursus naturais

Timor-Leste (TL) sai uma nain hodi...

Portugal-TL asina PEC iha Lisboa ho montante euro millaun 70

Portugal no Timor-Leste (TL), Tersa (25/6/19),...

DIA 26/06/19 || GMNTV LIVE STREAM || JORNAL NASIONAL KALAN

Close