JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KSDS nomeia komandante ba komponente haat iha F-FDTL

KSDS nomeia komandante ba komponente haat iha F-FDTL

Konsellu Superior Defeza no Seguransa (KSDS) ne’ebé lidera husi Prezidenti Repúblika (PR), Francisco Guterres “Lú Olo”, iha Tersa (9/7/19), nomeia komandante komponente haat (4), ne’ebé kompostu husi komponente navál, terrestre, apoiu servisu, no sentru formasaun treinu ho mandatu tinan rua (2019-2021), iha instituisaun FALINTIL-Forsa Defeza Timor-Leste (F-FDTL).

Liu husi reuniaun ne’ebé hala’o iha Palásiu Prezidensial, Bairro Píte-Díli, KSDS desidi komponente terestre, lidera husi Tenenti Koronél, Renilde Corte-Real da Silva, troka Tenenti Koronél, Marcelino Ximenes Rijai, komponente apoiu servisu  Tenenti Koronél Armindo Nunes dos Santos, troka Tenenti Koronél, Bendito Diaz Quintas “Punufanu”, husi komponente sentru formasaun no treinu Tenenti Koronél, Cezario Ximenes Belo “Haksolok”, troka Tenenti Koronél, Celestino Pinto “Daileva” no Komandante komponente Naval, Kapitaun João Silva, troka Komandante Sesante Kapitaun Fragata, Adão Brito “Zecky”.

“Nomeiasaun ba komandante foun husi komponente 4 ne’e, PR Lú Olo uza ninia kompeténsia hafoin halo konsultasaun no rona opiniaun husi KSDS, ita bele dehan mandatu tinan 2 la sufisiente, agora flexibilidade iha komando nia laran bele máximu tinan 3 no Xefi Estadu iha kompeténsia atu nomeia no exonera Komandante komponente sira”, Xefi Estadu Maior F-FDTL, Majór Jenerál Lere Anan Timur ba jornalista sira hafoin reuniaun KSDS, Iha Palásiu Prezidensial Nicolau Lobato, Bairo Píte-Díli.

Lere esplika, maski Xefi  Estadu iha kompenténsia desidi nomeia Komandante sira, maibé la temi kona-bá tomada de pose, tanba pose ne’e fó de’it ba Xefi Estadu Maior Jeneral no Vise Xefi Estadu Maior F-FDTL.

“Ohin (9/7) Xefi Estadu Lu Olo desidi hodi nomeia, maibé seidauk anunsia iha Jornal da República,  ha’u sei fó pasajen komandu, ka ha’u nia Vise Xefi Estadu halo exonerasaun, la’os tanba la susesu, maibé ami nia estrutura halo rotasaun Komando komponente”, haktuir Xefi Estadu Maior F-FDTL ne’e.

Lee hotu :   KAZU BOBY, KOMJER PNTL: IMI JORNALISTA RONA JENERAL LERE KA LAE

Konsellu Superior Defeza No Seguransa (KSDS) kompostu husi Prezidenti Repúblika (PR), Francisco Guterres “Lú Olo”, Primeiru Ministru (PM), Taur Matan Ruak, Xefi Estadu Maior F-FDTL, Majór Jenerál Lere Anan Timur, David Diaz Ximenes “Mandati” (deputadu FRETILIN), Adérito Hugo da Costa (deputadu CNRT), Abel Pires (deputadu PLP). Ety

 

Add to Comments Here!!!!

error: Content is protected.
Secured By miniOrange
You might also like:
Lere: GAM mak fatór instabilidade

Xefe Estadu  Maior Jeneral F-FDTL Major...

Opozisaun akuza AMP uza forsa maioria altera lei RAEOA-ZEESM ■Vise PPN konsidera opozisaun ‘bobar lia’

Bankada opozisaun FRETILIN no Partidu Demokrátiku...

DIA 10/07/19|| GMNTV LIVE STREAM || DADER KMANEK

Close