JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu halo diálogu ka lae, Lere: Lalika preokupa no hanorin líder ParPol sira

Atu halo diálogu ka lae,  Lere: Lalika preokupa no hanorin líder ParPol sira

Veteranu tinan 24 atual Xefe Estadu Maior Jeneral FALINTIL -Forsa Defeza Timor Leste (F-FDTL), Major Jeneral Lere Anan Timur, husu ba povu sira atu lalika preokupa ka hanorin fali líder Partidu Polítiku (ParPol) sira liu-liu líder nasionál sira atu tur hamutuk halo diálogu, tanba sira hatene saida mak sira atu halo ba rai ida ne’e nia diak ba aban bainrua ninian.

“Diálogu ne’e esensial iha parte de mundo tantu família laran mos fén ho laén diálogu ne’e, bé líder la diálogu ne’e ha’u hanoin ida ne’e ita fora de normal ona, demokrasia mos mosu iha diálogu nia laran. Agora ita laiha diálogu dok malu, mas ha’u bele dehan katak ita labele preokupa líder sira ne’e, ita lalika hanorin sira, mas ita ki’ik sira ne’e ita idak-idak iha nia servisu nusa ó hala’o ó nia servisu ó mos toba dala ruma ó mos sai oportunista ha’u hein líder sira lá diálogu bé ha’u lá servisu, ida ne’e sala boott ba ita kiik sira ne’e”,dehan Major Jeneral Lere Anan Timur, ba Jornalista sira, Kuarta (07/08/2019) iha Palasio Prezidensial Nicolau Lobato, Bairu Pite, hafoin enkontru ho Prezidenti Repúblika Francisco Guterres Lú Olo.

Lere Anan Timur aprofunda hodi fó ezemplu katak nu’udar líderansa iha instituisaun F-FDTL nia parte fó ona servisu ba soldadu no komandante sira ne’e para ba halo, tanba lalika preokupa ho líder sira ne’e.

Jeneral fitun rua reforsa liutan líderansa sira atu tur hamutuk la tur hamutuk ka, agora kestaun servisu lor-loron tenke la’o, polisia tenke iha estarda nafatin, finansas lao nafatin para selu funsionariu sira, Forsa aramada ho PNTL tenke hán ida ne’e mak importante.

Lee hotu :   José Ximenes: PJR sei halo investigasaun projetu 143

“Agora por ezemplu líder sira nain lima maun Xanana, maun Marí, Lú Olo, Ramos Horta, Taur, imi túr hamutuk ka la túr hamutuk problema imi nian, servisu ne’ebé mak imi fó ne’e ami tenke hala’o ida ne’e mak importante,” akresenta, Lere Anan Timur.

Tanba ne’e, Lere Anan Timur husu povu atu lalika preokupa ho líder sira ne’e atu túr hamutuk la túr hamutuk ne’e lalika hanorin sira, ninia properiu konsensia mak sei akuza vida nasaun no povu ninian.

“Lalika hanorin sira. Agora interese nasional mak ne’e, uluk funu ne’e komanda da luta ne’e la’os ida deit, La’os Xanana deit mak komanda da luta, komanda da luta ne’e maun sira sei moris ne’e mak bolu komanda da luta,” hateten, Veteranu 24 anus ne’e.

Lere fo sasin katak tanba iha tempu rezistensia balun atua iha rai liur, balun atua iha rai laran, balun iha klandestina ida ne’e mak bolu komanda da luta, maibe tanba konsensu, iha kordenasaun atividade kondus funu ne’e mak bolu komanda da luta la’os ema ida deit mak komanda da luta. Eus

Add to Comments Here!!!!

error: Content is protected.
Secured By miniOrange
You might also like:
Dia 08/08/2019 || GMNTV LIVE STREAM || DADER KMANEK

Dia 07/08/2019 || GMNTV LIVE STREAM || DADER KMANEK

Dia 07/08/2019 || GMNTV LIVE STREAM || JORNAL NASIONAL KALAN

Close