JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komemorasaun loron FALINTIL ba dala 44, Tranzmite valór frente armada ba jerasaun foun

Komemorasaun loron FALINTIL ba dala 44, Tranzmite valór frente armada ba jerasaun foun

Prezidente Repúblika (PR), Francisco Guterres ‘Lú Olo’, hateten, komemorasaun aniversáriu Forças Armadas de Libertação Nacional de Timor-Leste (FALINTIL) ba dala 44 iha tinan 2019 ne’e, atu tranzmite valór frente armada ba jerasaun foun sira.

Xefe Estadu Timor-Leste nu’udar mos komandate supremu Forças Armadas, Lu Ólo hato’o lia hirak ne’e ba jornalista sira hafoin partisipa seremonia komemorasaun aniversáriu loron FALINTIL ba dala 44, iha Kuartel Jenerál F-FDTL Fatuhada, Díli, Tersa (20/08/2019).

PR Lú Olo, hateten liu tan katak, ámbitu komemorasaun aniversáriu iha tinan ida ne’e atu fó valór ba sakrifísiu asuwain FALINTIL sira nian hodi lori Timor-Leste hamriik hanesan país soberanu no direitu demokrátiku.

“Komemorasaun ida ne’e, ita hotu mai hamutuk para atu fó memoria fila-fali ba sakrifisiu ne’ebé mak ita nian asuwain FALINTIL sira fó ita nian rai hodi ohin loron ita bele hetan independensia. Ha’u bele hateten katak, sakrifisiu ida ne’e konaba jerasaun ida ami nian, jerasaun ida que determinadu teb-tebes, iha momentu ida ne’ebé invazaun Indonézia nian, e ami desidi ami-nia án atu bele mate, maibe Timor-Leste tenke ukun rasik án, e nu’udar Timor-oan, atu bele fó liberdade ba povu no rai ida ne’e”,hateten PR, Francisco Guterres ‘Lú Olo’.

“Ohin loron ita atu fó memoria no honra ba sira ne’ebé mate no ba sira ne’ebé sei moris, e hanesan rekuinese sira nian valór bo’ot ida ne’e, e liu husi ha’u-nia mensajen ohin (horiseik), hakarak atu tranzmite valór sira ne’e hotu ba jerasaun foun sira atu labele haluha sira nian sakrifisiu e sai hanesan modelu de vida ba sira hotu ninian iha Timor-Leste”,hateten PR Lú Olo.

Lee hotu :   Falsifika dokumentu, PNTL detein suspeitu Xineza

Eis gerilleiru ne’e mós kontinua apela ba ninia kompatriota sira no entidade hotu atu dignifika eis kombatente libertasaun nasionál fó honra ba sira ne’ebé sakrifika sira nia-an ba rai ida ne’e no servisu nafatin hodi hametin unidade nasionál.

Lere: Membru F-FDTL tenki banati tuir FALINTIL

Xefe Estadu Maior Jenerál, Lere Anan Timur, husu ba membru FALINTIL Forsa Defeza Leste (F-FDTL) Major Jeneral Lere Anan Timur, atu banati tuir  FALINTIL nian valór  diak sira  sei sai hanesan  autór   estabilizadór   hodi fó tulun  nafatin bainhira  governu  husu atu  apoia Polísia Nasional Timor-Leste (PNTL)  iha sirkunstánsia  hotu-hotu.

Lia hirak ne’e hato’o husi Lere Anan Timur, liu husi ninia diskursu, iha komemorasaun loron FALINTIL ba dala 44 iha Kaurtel Jeneral, Fatuhada Díli.

“Loron   ida ne’e  ita komemora  dala ida tan   loron   ne’ebé mak existênsia  FALINTIL  nian, momentu   ida ne’ebé   ita atu reflete FALINTIL  nian misaun  mak atu liberta   ita-nia rain husi  okupasuan  estranejeira  ba auto determinasaun   no konkista  independénsia  nasionál    ne’ebé mak proklama   tiha  iha  28  Novembru tinan 1975. Ikus mai, ita konkretiza  duni  iha loron 20, fulan Maiu, tinan 2002, liu husi restaurasaun  independénsia  nasionál, faktu ida   ne’ebé  mak hetan  rekoñesimentu   de juré  husi Nasoens Unidas  no komunidade internasional”,dehan Lere Anan Timur.

Alende ne’e mós  loron  FALINTIL hodi hanoin hikas jornada ne’ebé mak naruk, hakat liu dezafiu oin-oin  iha tempu rezisténsia, liu-liu  konsiente  katak,   FALINTIL  ténki  hola postura  ida ne’ebé  neutral  no imparsial, ho objetivu  atu halibur  forsa  polítika ida  hotu-hotu  hodi luta  hasoru  inimigu  ida de’it atu hetan independénsia nasionál.

“Independénsia    ida ne’e  ita sosa  ho kompañeiru sira  barak rihun ba rihun  nian vida   no  ita   hotu nian terus  hanesan mate, kanek, moras, hamlaha, hamriik  sadia   no tanis  no seluk-seluk tan, ne’ebé  ita la sura. Hirak ne’e hotu hanesan konsekuensia funu nian ne’ebé  ita ténki aseita no ida ne’e mak  valór  ne’ebé  ita lori  sosa independénsia, liberdade, demokrasia, estabilidade, paz  no prosperiedade povu Timor-Leste”,dehan  Lere Anan Timur.

Lee hotu :   Forsa Reinu Unidus ho F-FDTL vizita GMN

Líder másimu instituisaun F-FDTL ne’e, husu Estadu no Governu  atu valoriza  no rekoñese loron  nasionál sira hanesan FALINTIL. Tuir lolos governu mak iha  devér  no obrigasaun  atu organiza   hodi selebra loron istóriku sira ne’e.

Nune’e Lere Anan Timur, atensaun mós ba veteranu tanba dadauk ne’e veteranu  barak mak terus no run nehan hela, tan la hetan sira-nia dereitu lolós.

“Oportunizmu mosu nab-naban  de’it, tan  ita balun iha interese, tan  ita balun iha interese  partidáriu atu hetan  kadeira  hodi halakon  ita-nia sinseridade ba malu. Ho hahalok  ida ne’e, la marka   ona  diferensia entre  ita ne’ebé  terus  no ida ne’ebé la terus”,dehan Lere Anan Timur.Ito/avi

 

Add to Comments Here!!!!

error: Content is protected.
Secured By miniOrange
You might also like:
Dia 19/08/2019/GMNTV LIVE STREAM/GRANDE ENTREVISTA/Oinsa Falintil Moris ho Luta Libertasaun Patria

Dia 21/08/2019/GMNTV LIVE STREAM/ DADER KMANEK

Dia 20/08/2019/GMNTV LIVE STREAM/ DADER KMANEK

Close