JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante UNITAL halo agresaun fízika hasoru ema ho defisiénsia

Estudante UNITAL halo agresaun fízika hasoru ema ho defisiénsia

Asosiasaun Difisiente Timor-Leste (ADTL) lamenta tebes ho Atetudi estudante Universidade Oriental Timor Lorosa’e (UNITAL), ne’ebé halo agresaun fízika hasoru ema ho difisiénsia  moras mental, Anina Ximenes.

Porta-voz ADTL Cesário da Silva, hatete, ADTL ho membru sira ne’ebé servisu no tau matan ba ema ho difisiénsia iha Timor-Leste, kondena maka’as aktu violentu agressaun fízika hasoru vítima Anina Ximenes, husi estudante intelektual UNITAL .

“Ami preokupa uitoan ho aktu violentu ne’ebé estudante UNITAL sira halo agresaun fíziku ba ami-nia maluk difisiente Anina Ximenez,  liu husi vídio ne’ebé espalla iha média sosial, grupu joven lubuk ida ne’ebé hobur  maluk difisiénsia psikososial ida, ami triste liu tan wainhira estudante intelektual sira ne’ebé utiliza Uniforme ALMAMATER Universidade nian mak komete violentu ida ne’e hasoru  sidadun ho kondisaun moras mental. Ho ida ne’e ami husu ba orgaun judisiáriu sira atu investiga ba aktu refere”, hateten Cesário da Silva ba Jornalista iha edifisiu Salaun CNE Kaikoli Díli Sabadu (21/09).

Cesário da Silva ho membru sira hotu, husu ba Parte orgaun Judisiáriu sira atu halo investigasaun lalais ba aktu violentu hasoru inan feton ho difisiente psikososial ne’e.

Nune’e mós Vise Prezidente Konsellu ADTL, Gaspar Afonso, informa,   bainhira parte PNTL no orgaun Judisiáriu sira la rezolve, sira sei lori kazu ne’e hasoru malu ho responsável orgaun soberania haat iha Timor-Leste.

Antes ne’e, parte Komité 12 Novembru hatama ona keixa ba Komando PNTL Munisípiu Díli nian, tanba ne’e membru Asosiasaun Difisiensia Timor-Leste sira husu ba Komando Munisípiu Díli atu kaptura lalais estudante hirak ne’ebé diskonfia halo agresaun fízika hasoru inan feton difisiente moras mental, Anina Ximenes.

Lee hotu :   2020, Governu sei sosa bis ba estudante sira

Entretantu, to’o notisia ne’e publika, GMN seidauk halo konfirmasaun ho parte responsável UNITAL.aba

Add to Comments Here!!!!

error: Content is protected.
Secured By miniOrange
You might also like:
CNRT apoia sasán nesesidade báziku ba vítima inséndiu Laclo

Klibur Profisionais Saúde (KPS), Partidu CNRT...

Amo João de Deus hakotu is iha HNGV

Padre João de Deus Pires SDB,...

Lere: TNI preokupa Fiji apoia Papua Oeste

Xefe Estadu Maiór Jenerál FALINTIL-Forsa Defeza...

Close