JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komete krimi explorasaun sexual, Xineza na’in 3 hatán iha TDD

Komete krimi explorasaun sexual, Xineza na’in 3 hatán iha TDD

Tribunal Distrital Díli (TDD), iha Segunda, loron 16, fulan ne’e, kontinua halo julgamentu ba sidadaun Xineza nain tolu (3), arguida LBH, ZLX no arguidu LHZ, tanba deskonfia komete krimi explorasaun sexual iha Timor-Leste (TL).

Iha julgamentu kontinuasaun ne’e, tribunal fó tempu ba arguida sira atu fó sira nia deklarasaun kona-bá sira nia involvimentu iha kazu ne’e, maibé arguida hili sira nia direitu nono’ok, hodi lakohi fó deklarasaun ba tribunal.

Hafoin ne’e, tribunal mós desidi adia fali julgamentu ba loron seluk, hodi kontinua rona fali deklarasaun husi arguidu.

Antes ne’e, tuir akuzasaun husi Ministériu Públiku (MP) ne’ebé lee sai husi juíz prezidi katak, iha loron 1, fulan Dezembru, tinan 2016, mais ou menus tuku 16:00 lokraik, iha loja One Dolar besik Eskola Sekundáriu São Paulo VI, iha ámbitu fragante de leitu arguida LBH halo kontratu ho ema ida, hodi hala’o servisu iha fatin prostituisaun no wainhira polísia to’o iha fatin aktividade prostituisaun ne’e mós la hala’o, maski nune’e, iha fali loron tuir mai arguida aluga uma ida ho sala 6, utiliza sala 3 ba fatin toba, 1 ba aktividade enkontru, sala 1 ba aktividade negósiu One Dolar no sala 1 ba coziña, maski nune’e, iha mós kuartu ida ne’ebé utiliza ba salon no tau mós kama 1.

Alende ne’e, arguida ZLX no arguidu LHZ hela hamutuk ho arguida LBH, hodi halo negósiu One Dolar Shooping, maski vistu negósiu la válidu no iha mós feto Xineza balun ne’ebé servisu ba arguida LBH hodi prátika aktividade prostituisaun, maibé wainhira mane ruma ba iha fatin refere arguida LBH mak halo kontratu folin no folin ne’ebé estabelese mak ho valor USD30 ba minutu 3 no lezada sira simu deit USD20 no USD10 ba arguida ni’an, hafoin kontratu, mane sira mak eskolla feto.

Lee hotu :   Kazu droga kilograma 250, TDD aplika TIR tanba kilograma 50 lakon

Ho hahalok arguida no arguidu sira ni’an ne’e, MP akuza arguida LBH, ZLX no arguidu LHZ ba krimi explorasaun sexual ne’ebé previstu iha artigu 174, husi kódigu penal no krimi entrada permanensia ilegal, ne’ebé previstu iha artigu 72, husi lei númeru 9/2003 kona-bá imigasaun.

Audénsia ba julgamentu ne’e prezidi husi juíz kolektivu, Edite Palmira, João Ribeiro no juiza estajiada, MP reprezenta husi procuradora, Lidia Soares no arguida sira hetan asisténsia legal husi defensor públiku, Marcal Marcarenhas. ita

Add to Comments Here!!!!

error: Content is protected.
Secured By miniOrange
You might also like:
FRETILIN sadik MJ bongkar máfiozu iha TP •CNRT apoia total

Deputadu bankada FRETILIN Antoninho Bianco, sadik...

Ema ta’a Mane nain tolu iha Díli ■PNTL duni tuir suspeitu

Mane nain tolu hetan ta’a  husi...

La rezolve impase polítiku, PN trava PR Lú Olo ba Nova Iorque

Parlamentu Nasionál (PN), liu husi plenária...

Close