JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN preokupa joven sira kontinua oho malu

PN preokupa joven sira kontinua oho malu

Reprezentante povu iha uma fukun Parlamentu Nasional (PN) kontinua preokupa ho situasuan ne’ebé oras ne’e dau-daun Timor-Leste infrenta, liu-liu kazu joven sira kontinua oho malu iha Díli no munisípiu.

“Akontesimentu iha Aimutin-Díli ne’e hanesan lisaun ba joven sira atu labele komete iha aktu krime hirak ne’e, akontesimentu ne’e rezulta joven ida mate no seluk kanek todan iha ninia maluk Timor-Oan nia liman, ba oin  labele akontese tan ona, ha’u hanoin ida ne’e sai ona lisaun boot ba ita hotu no ba joven sira para ona, mate la’os natural, mate hanesan ne’e la justu, joven sira ne’ebé mate, alende mate iha Aimutin no sira seluk ne’ebé mate liu tiha, tanba iha futuru ne’ebé sei naruk no iha família ne’ebé sei iha atu forma sira akaba estudu no iha mehi sira ne’ebé duni hela, maibé tenki kotu iha dalan, tan deit asaun violentu no la simu malu, ita Timor-Oan halo ba malu, nune’e ha’u kondena maka’as asaun ida ne’e no husu ba ministériu kompetente buka tuir problema nia hun “, deputada bankada PD, Elvina Sousa liu husi sesaun plenaria iha PN, Tersa (24-09-2019).

Husi sorin seluk, deputadu CNRT, Ricardo Batista senti tristi ho kazu ne’ebé akontese iha Aimutin-Díli no husu joven sira atu hapara hatudu atitude violentu sira ne’e.

“Ha’u nu’udar joven tristi ho joven sira halo asaun violentu, polísia no intelijente sira tenki halo servisu, ema hotu bele livre no bele reexpresa sira nia direitu iha rai ida ne’e, nune’e joven sira tenki hapara atitude violentu no prepera-an tanba Timor nakloke ba  ita hotu, joven sira ne’ebé kontinua eskola tenki eskola di-di’ak no sira ne’ebé servisu kontinua servisu hodi hadi’a moris”, tenik Ricardo.

Lee hotu :   PD labele ameasa governu AMP

Hatán ba preokupasaun ne’e, Ministru Reforma Lejislativa Asuntu Parlamentar (MRLAP), Fidelis Magalhães hateten, governu fó ona orientasaun ba ministériu kompetente, atu responde situasaun ne’e.

Iha loron 23, fulan ne’e, mais ou menus tuku 11 meudia akontese konfrontu entre grupu deskoñesidu, iha aldeia Postu Penal, Aimutin-Comoro, rezulta joven mane ida mate no seluk hetan kanek.

Tuir informasaun ne’ebé GMN rekolla iha terenu katak, konfrontu ne’e mosu deskonfia entre grupu Komando Libertasaun Maubere (KOLIMAU) 2000 ho joven sira iha aldeia Postu Penal, Aimutin-Comoro. ety

Add to Comments Here!!!!

error: Content is protected.
Secured By miniOrange
You might also like:
(Tetum) KHUNTO husu CNRT-PLP troka membru governu pendente CNRT konsidera vingansa polítika mai husi FRETILIN

Bankada Kmanek Haburas Unidade Nasional Timor-Oan...

Kontinua akontese aktu kriminal, PN konsidera impaktu husi laiha servisu

Reprezentante povu iha uma fukun Parlamentu...

Disputa rai iha Kaitehu, Advogadu ME aseita MJ bongkar mafia

Advogadu Privadu husi Marino Enterprise (ME),...

Close