JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu fó vistu livre ba turista sidadaun Indonesia  Agustinho Gomes: implika ba reseitas

Governu fó vistu livre ba turista sidadaun Indonesia 	Agustinho Gomes: implika ba reseitas

Governu hasai ona  rezolusaun númeru 25/2019, despeza vistu turista ba sidadaun Indonézia, atu livre tama mai teritóriu Timor-Leste (TL).

 “Servisu Migrasaun  Ministériu Interior  Timor-Leste implementa  tiha ona rezolusaun  governu númeru 25/2019, kona-ba despeza vistu turista ba sidadaun Indonézia,  ne’ebé mak tama teritóriu Timor-Leste ho vistu turismu. Aliende  vistu turismu, vistu trânzitu no vistu eskala aeroportu área”,esplika  Diretur Jerál servisu Migrasaun,  Superintendente Agustinho Gomes, ba  jornalista sira iha nia kna’ar fatin Villa-Verde Díli,  Segunda (30/09/19).

Nia hatutan,  iha rezolusaun  25/2019, define  tempu loron  30 no prolonga  dala ida iha tempu hanesan.  No  servisu Migrasaun hahú implementa   rezolusaun governnu  25/2019 ne’e, efetivamente, iha loron 25 Setembru  2019, iha aeroportu, portu no fronteira sira,  no  desimina  mós surat orden embaixada RDTL  ne’ebé mak  iha adidu Migrasaun hala’o servisu iha Indonézia.

“Bazeia ba  relatóriu, sei laiha mudansa ruma signifikante, tanba ohin dia 30, foin mak implementa loron lima, ne’ebé   ita atu hatene lolos ne’e ita sei haree hamutuk iha fulan Outubru, ba  oin ita foin hatene implementasaun rezolusaun governu  25/2019, depeza  vistu ba sidadaun Indonézia ne’e, turista  sidadaun Indonézia aumenta mai  Timor-Leste  ou lae”,dehan  Agustinho Gomes.

Nia akresenta, implementasaun  vistu turista  ne’e,  bele implika ba iha reseitas  ne’ebé mak servisu Migrasaun  rekolla ba kofre Estadu.

“Hanesan  ita analiza  de’it konserteza reseitas sei redus, tanba despeza vistu ne’e  sem pagamentu,  no ita hatene katak, durante ne’e sidadaun Indonézia  ne’ebé mak tama teritóriu númeru 1 mak Indonézia, parese ne’e sei kauza redusaun  ba reseitas  ne’ebé mak  ita rekolla, mas atu hatene klaru ba asuntu ne’e fulan Desembru mak  ita sei halo avaliasaun ba ida ne’e”,dehan Agustinho Gomes.

Lee hotu :   CNRT SEI DISKUTI REGRA GOVERNASAUN HO FRETILIN

Nia esklarese,  governu aplika vistu turista  ba sidadaun Indonézia  atu   iha benefísiu ou la’e, tanba servisu Migrasaun hala’o de’it  desizaun  polítik governu, konserteza katak,  governu implementa rezolusaun ne’e bazeia ba prinsípiu kooperasaun bilataral internasionál, iha mútua benefísiu  sempre iha.

“Tanba   ita-nia  governu implementa ikus ona, ita mós goja tiha  vistu livre  ne’ebé mak Indonézia aplika ona mai ita”, relata Agustinho Gomes.

Enkuantu   rezulusaun  sei vale to’o tempu naruk, wainhira seidauk iha alterasaun ruma.avi

Add to Comments Here!!!!

error: Content is protected.
Secured By miniOrange
You might also like:
konstroe uma iha mota ninin, PN konsidera governu-Autoridade Lokal mak laiha kapasidade jestaun

Bankada FRETILIN iha Parlamentu Nasionál (PN)...

Impase polítiku seidauk rezolve, PN sei la autoriza PR ba rai liur

Parlamentu Nasionál (PN), kontinua kansela  viajen...

Dia 30/09/2019 || GMNTV LIVE STREAM || JORNAL AS 12

Close