JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Jerasaun foun labele arogánte

Lere: Jerasaun foun labele arogánte

Xefe Estadu Maior Jeneral F-FDTL, Maijor General Lere Anan Timur, hateten jerasaun foun atu labele arogánte maibe tenki hatene rona no apriende ho ema seluk. 

Lere Anan Timur apela asuntu ne’e iha seremonia abertura primeiru konferensia Komite Orientadór 25, iha Centro de Convenções Díli, Kinta (07/11/2019).

Eis guerileiru komandante rejiaun ponta leste ne’e hateten, joven loriku as-wain hili ukun án tenki resposabiliza ninia opsaun no tenki hatene jere ninia risku iha tempu independensia ida ne’e.

Tanba ne’e Lere Anan Timur husu ba jovenride as-wain, intelektuais, labele arogánte maibe tenke hatene rona no apriende ho ema seluk.

“Ita sira ne’ebe hili ukun án tenke resposabiliza ninia opsaun, liliu ba joven sira e liliu mos ba ami katuas sira. Ita hili opsaun ida sempre fó riskus ba ita, riskus mak ba mate tanba hakarak hili ukun rasik án. Agora ita ukun án ona, ninia risku mak ita kuandu la hatene jere ita nia independensia ida ne’e, ita sei lori konsikuensia ida ne’ebe que todan. Husu ba imi joven sira intelektuais, matenek, primeiru tenke hatun ita nia arogánte, segundu ita tenke hatene rona, apriende ho ema seluk mas ita nia arogánte mak nafatin ita ida-idak marka ninia pasu e ita nunka la’o ba oin,” hateten Xefe Estadu Maior F-FDTL, Maijor General Lere Anan Timur.

Prezidente Comité Orientadór 25, Constâncio Pinto, realsa katak joventude as-wain ne’ebe arogánte ne’e konsidera mukit iha espíritu nasionalismu no patriotizmu.

“Liliu haree ba iha arogánte, apelu ida ba joven sira atu hatun arogánte hodi nunee bele konsolida ita nia espiritu patrotizmu, espiritu nasionalizmu, domin ba rai ida ne’e. Ida neé importante duni mai komite atu ita nia joven jerafoun sira bele kuda metin espiritu patrotizmu no nasionalizmu iha sira nian fuan baihira sira hatene historia ita nian luta ida ne’e. Katak ita nia liberdade ita ne’e la’os buat ida ne’ebe mak monu deit husi lalehan mai ka buat ne’ebe mak ita haree iha facebook maibe ne’e ita sosa ho teru,” hateten Prezidente Comité Orientadór 25, Constâncio Pinto.

Lee hotu :   PNTL kaptura autor ne’ebe deskonfia produs rama ambon

Primeira konferensia komité orientador 25 nian ne’e ho tema Os Factos da Historia Consolidam a Memória e Germinan Nova Conciênci, no iha abertura ne’e hetan partisipasaun husi sívitas akadémiku, estudante universitarius, joventude loriku as-wain, veteranus, jerasaun patriota no diplomata balun. Ito

Add to Comments Here!!!!

error: Content is protected.
Secured By miniOrange
You might also like:
Marí Alkatiri: Situasaun atual grave tebes ■ EA la’os solusaun hakotu impase polítiku

Sekretariu Jerál Partidu FRETILIN, Mari Alkatiri,...

Governu apoia USD300.000 ba eleisaun Prezidensiál Guiné-Bissau

Governu Timor-Leste  apoiu orsamentu USD300.000 ba...

Komisaun konjunta investiga problema entre F-FDTL-PNTL iha finadu

Foto:Facebook Problema entre membru FALINTIL Forsa...

Close