JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mariano Assanami: Ukun ne’e povu nian, presiza hamutuk ■PM Alkatiri kontaktu José Neves

Mariano Assanami: Ukun ne’e povu nian, presiza hamutuk ■PM Alkatiri kontaktu José Neves

Prezidenti Partidu Demokratiku (PD) Mariano Assanami Sabino, konsidera katak, ukun ne’e povu nian, tanba ne’e, Timor oan hotu presiza hamutuk ba servi nasaun ho povu ida ne’e.

“Ita hotu mesak Timor oan,  ha’u sempre koalia ba povu hamutuk ita bele, ukun ne’e povu nian, PD kumpri prinsipiu halo komprimisiu ho povu no ba rai ida ne’e,”  hateten  Prezidenti PD, Mariano Assanami Sabino, ba jornalista hafoin reuniaun ho Primeiru Ministru (PM) Mari Alkatiri iha Palasiu Nobre, Lahane, Dili, Sesta  (22/9/2017).

Mariano Assanami hateten, susar tebes ba partidu hotu atu manan maioria absoluta iha eleisaun parlamentar, tanba ne’e, fo liman ba malu atu bele asegura aleserse ukun rasik an hodi servi nasaun hp povu.

Assanami mos koalia tan, la’o hamutuk ba oin tenke nakloke  ideia programa la’o ba oin, programa dezemvolvimentu Nasional  uluk lidera husi FRETILIN mosu iha tinan 2002, maibe ba tinan 2017 halo renova ba planu estratejiku dezemvolvimentu Nasional iha kontinuidade la’o ba oin no  PD hamri’ik iha koligasaun defende ideia ida ne’e la’o ba oin garante programa VII Governu Konstituisional atu bele hetan vota afavor iha Parlamentu Nasional (PN).

Iha fatin hanesan Adjuntu Sekretario Jeral Jose Reis, esklarese katak, partidu FRETILIN ho PD haree hela atu kompleta estrutra VII Governu Konstitusional.

“Lista membru Governu ne’e kompetensia iha Primeiru Ministru no semana oin PM Alkatiri sei fo sai ba públiku kona-ba membru Governu foun,” hateten Jose Reis.

Informasaun seluk ne’ebe GMN asesu husi fontes oi-oin katak, PM Mari Alkatiri halo ona kontaktu via telephone ho intelektuias sira lubuk ida, inklui membru partidu balun atu priense estrutura Governu ne’ebe nia lidera.

Lee hotu :   LÚ OLO‘BOLU’ XANANA HO ALKATIRI Palacio Prezidenti taka metin

Infomrasaun ne’ebe sirkula dau-daun katak, figura potensiais hirak ne’ebe PM Alkatiri kontaktu, ida mos mak eis kandidatu Prezidenti Republika, José das Neves “Sama-Larua” atu priense pasta Governu nudar Vise Ministru Edukasaun. Maske nune’e, Sama-Larua, sei koalia fali ho Prezidenti Partidu Libertasaun Popular (PLP), Taur Matan Ruak, atu responde ba kontaktu PM Mari Alkatiri nian ne’e.

Potensiais seluk husi PLP nian ne’ebe hetan mos kontaktu mak Ajavedo atu assume kargu Vise Ministru Turismu ne’ebe tutela ba iha Ministru Turismu Hernani Coelho. Maibe, Ajavedo mos sei tetu hela.

Husi fali partidu CNRT nian, tuir informasaun katak, PM Alkatiri halo kontaktu ba Herlder Lopez atu kontinua assume pasta vise Ministru Finansas no posibel kontaktu mos Dionisio da Costa Babo ou Isabel Ferreira, atu assume kargu Ministru Justisa.

Maske nune’e, to’o notisias ne’e publika seidauk hetan konfimasaun husi naran hirak ne’ebe mensiona ona atu assume paste ministru no vise ministru iha estrutura VII Governu Konstitusional. Ety

Add to Comments Here!!!!

error: Content is protected.
Secured By miniOrange
You might also like:
PROMO MUSICA SEMANAL

MUSICA SEMANAL special edition goes to ATAURO...

TOUR DE TIMOR Loron-21 Fulan-Setembru Tinan-2017

JORNAL NACIONAL GMNTV Loron-21 Fulan-Setembru Tinan-2017

Close