JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TMR “Ha’u prontu dialogu ho PR Lú Olo

TMR “Ha’u prontu dialogu ho PR Lú Olo

Prezidenti Partidu Libertasaun Popular (PLP), Taur Matan Ruak, promete sei hola parte iha dialogu ho Prezidenti Republika (PR), Francisco Guterres “Lú Olo” ne’ebe mak atu halao iha Palacio Prezidenti, Kuarta (15/11/2017).

“Ha’u prontu atu hasoru Prezidenti Republika iha Palasio Aitarak Laran iha loron 15 agora,” hateten Prezidenti PLP, Taur Matan Ruak, ba Jornalista sira iha Uma Matenek, Colmera, Dili, Sesta (10/11/2017).

Eis Prezidenti Republika ne’e afirma, lideransa partidu opozisaun nian la kria konfuzaun no sira nafatin kontribui hodi dezenvolve nasaun ne’e ba oin.

“Ami la kria konfuzaun, ami serbisu hamutuk nafatin hodi dezenvolve nasaun no serbisu hamutuk hodi halo ita nia nasaun ne’e hakmatek,” afirma Taur Matan Ruak.

Atu asegura forma dezenvolvimentu nasaun nian no kria estabilidade iha rai laran, tuir Taur Matan Ruak, tenke respeita regra nasaun nian, liu-liu Konstituisaun Republika Demokratiku Timor Leste.

Husi sorin seluk, informasaun ne’ebe ne’ebe GMN kobre husi partidu fontes importante sira iha partidu CNRT katak, partidu CNRT seidauk iha informasaun serteza husi prezidenti partidu nian, Kayrala Xanana Gusmão atu to’o iha Timor antes loron dialogu nian.

Fontes sira partidu CNRT nian ne’e hateten mos katak, dala ruma prezidenti CNRT Kayrala Xanana Gusmão, to’o iha Timor loron 20 fulan Novembru ba leten, tanba nia (Xanana-red) halao hela servisu Estadu nian kona-ba asuntus tratadu fronteira maritima iha rai liur.

Dialogu ne’ebe Xefi Estadu atu halo ne’e konvida prezidenti partidu CNRT, Kayrala Xanana Gusmão, prezidenti PLP, prezidenti KHUNTO no Sekretariu Jeral partidu FRETILIN, Mari Alkatiri atual Primeiru Ministru VII Governu Konstitusional.  Xefi Estadu foti desizaun hodi h lo dialogu ho lideransa nain tolu nee relasiona ho estabilidade Governativa. GMN

Lee hotu :   META MALIK-ANTONIO VERDIAL ELEITU BA VISE PREZIDENTE PN

 

Add to Comments Here!!!!

error: Content is protected.
Secured By miniOrange
You might also like:
Taur: Programa no orsamentu laliu, Governu monu “Xanana orienta AMP rona Taur”

Prezidente Partidu Libertasaun Popular (PLP), Taur...

Feto iha kareira Ep.03

Monumentu 12 Novembru 1991, La iha isin no klamar “Alkatiri hein Xanana”

Monumentu Masakre Santa Cruz, 12 Novembru...

Close