JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BOAMP ezije PPN ativa plenária

BOAMP ezije PPN ativa plenária

Prezidenti Parlamentu Nasional (PPN), Aniceto Guterres, Sesta (19/01), lidera reuniaun lider bankada sira iha sala konferensia PN, hodi diskuti kona ba konta jeral Estadu 2016, mosaun sensura ba Governu no deklarasaun polítika sira ne’ebé Bloku Opozisaun Aliansa Maioria Parlamentar (BOAMP) aprezenta ba meja PN hodi ajenda iha plenária.

Maibé Lidia Norberta dehan, iha reuniaun ne’e, laiha pozisaun ka opiniaun ruma ne’ebé hato’o husi lider bankada sira kona b a konta jeral Estadu 2016 no mosaun sensura ba Governu. Tanba ne’e, ajenda rua ne’e seidauk iha rezultadu.

“Reuniaun liders bankadas ohin (horseik) ne’e, ko’alia kona ba asuntu tolu, primeiru kona ba apresiasaun no debate kona ba konta jeral Estadu 2016 nian, ida tan kona ba giaun diskusaun mosaun sensura, no ikus liu mak deklarasaun polítika sira ne’ebé mak bankada opozisaun sira hatama mai meja Parlamentu Nasional,” informa Portavos PN,  Lidia Norberta ba jornalista sira iha PN, Sesta (19/01).

Nia hatutan, iha reuniaun liders bankadas ne’e, opozisaun sira ezije ba Prezidenti Parlamentu Nasional (PPN) atu ajenda sira nia deklarasaun polítika iha plenaria PN.

Maibé Lidia Norberta dehan, PPN hateten ba opozisaun katak, tuir rejimentu PN hateten katak, plenária PN so realiza bainhira iha orden do dia, entaun bainhira kuandu orden do dia laiha, automatikamente periodu antes orden do dia mós laiha.

Nia akresenta, haree ba presaun ne’ebé mak opozisaun halo ba PPN atu ajenda deklarasaun polítika iha plenária ne’e, ida ne’e kontra tebes rejimentu PN, maibé PPN promete ona atu ajenda deklarasaun polítika opozisaun sira nian iha plenária semana oin, maibé bankada koligasaun rezeita.

Lee hotu :   ANICETO GUTERRES ELEITU BA PREZIDENTI PARLAMENTU NASIONAL

“Bankada koligasaun FRETILIN ho PD hateten katak, sira lakohi atu PPN viola rejimentu PN, tanba de’it ezensia husi opozisaun,” katak Lidia  Norberta.

Portavos PN ne’e informa katak, segunda semana oin sei laiha plenária, tanba ajendamentu ba periodu orden do dia ne’e.

Lidia Norberta mós rejeita informasaun ne’ebé hateten katak,  PPN la prezide plenária PN tanba tauk atu lakon nia kargu hanesan PPN.

“Versaun ida ne’e mai husi bankada opozisaun, maibé hanesan sidadaun sira iha direitu atu bele ko’alia ida ne’e, maibé PPN deklara ona katak, nia la tauk, tanba ne’e mak nia la halai sai husi plenária, maibé buat ne’ebé agora dadaun PPN halo ne’e mak defende orgaun soberania ida ne’e nia dignidade,” dehan Lidia Norberta.

Portavos PN ne’e esklarese, PPN nunka hanoin atu halai ses husi plenária, ka subar tanba tauk atu lakon nia kargu.

Nune’e mós, Xefi bankada CNRT, Arão Noe hateten, reuniaun lider bankada ne’e, opozisaun ho bloku koligasaun kumpri ajenda ne’ebé mak PPN distribui ba sira antes ne’e.

“Maibé kuandu ohin reuniaun hahú, PPN hateten fali dehan, asuntu sira seluk ne’e laiha ona, ita fokus de’it ba deklarasaun polítika opozisaun nian. Maibé ami dehan, PPN mak prepara tiha ajenda sira ne’e hodi diskuti, tanba saida mak la sai fali prioridade atu ajenda ba debate, tanba konta jeral Estadu 2016 ne’e prioridade no tenki aprova,” katak Arão.

Ho desizaun PPN nian ne’e, bankada opozisaun lamenta tebes, tanba PPN foti desizaun tuir nia hakarak, no la konsidera bankada sira iha PN.

Alende ne’e, Xefi bankada KHUNTO, Luis Roberto da Silva hateten, reuniaun lider bankada ne’e, PPN deside ona katak, semana oin atu ajenda deklarasaun polítika sira husi bankada opozisaun.

Lee hotu :   PN lamenta PR Veta lei 2

“Maibé depois ami halo tiha diskusaun, PPN rona fila fali bankada koligasaun, entaun desizaun ne’e seidauk fiksu. Ida ne’e signifika katak, Segunda semana oin plenária laiha, maibé nia razaun saida ami lahatene, PPN mak hatene,” katak Luis Roberto.

Xefi bankada KHUNTO ne’e dehan, opozisaun nia hakarak ne’e, Segunda no Tersa ne’e, atividade iha PN tenki la’o normal, maibé tanba PPN mak iha poder tomak atu deside, entaun nia nunka rona bankada opozisaun.

“Tuir lolos atu halo ajendamentu ba plenária ne’e, tenki rona mós bankada maioria mak ne’ebé, no minoria mak ne’ebé, maibé agora dadaun ne’e, PPN rona liu bankada minoria, ami opozisaun PPN la rona ami,” katak Luis Roberto.

Ho hahalok PPN nian ne’e, opozisaun konsidera PPN abandona nia responsabilidade, no submete liu ba Governu nia hakarak.

“Governu mak sai fali bulanti ba nia (PPN), entaun nia tuir arus polítika Governu nia de’it, orgaun PN ne’e nia politiza tiha. Maibé ami bloku AMP hala’o nafatin ami nia kna’ar hanesan bai-bain, tanba ami AMP ne’e lakohi atu han gaji buta, kada fulan ida ami deputadu simu US$ 3 mill ne’e povu nia osan, entaun ami deputadu tenki servi povu, maibé bloku koligasaun blokea buat hotu, li-liu PPN,” katak Luis Roberto.cos

Add to Comments Here!!!!

error: Content is protected.
Secured By miniOrange
You might also like:
Filomeno Paixão husu membru F-FDTL labele mete partidu

Vise Xefe Estadu Maior FALINTIL Forsa...

Moçambique prontu hametin kooperasaun ho TL iha área 3

Moçambique espera atu bele hametin di’ak...

Hakotu empase polítika, BOAMP prefere opsaun 2

Bloku Opozisaun Aliansa Maioria Parlamentar (BOAMP)...

Close