JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BOAMP konsidera FRETILIN kari rai henek ba povu nia matan

BOAMP konsidera FRETILIN kari rai henek ba povu nia matan

Xefi bankada PLP, Fidelis Magalhães, hateten, durante fulan 6 nia laran ne’e, bankada koligasaun ko’ali kestaun barak ona ba públiku, maibé saida mak sira ko’alia ne’e lalos no hanesan kari raihenek ba povu nia matan.

Fidelis afirma, faktu ne’ebé hakerek ona labele muda katak, maioria iha Parlamentu Nasional, tanba Parlamentu mak hahoris Governu. Kuandu Governu laiha apoiu maioria iha Parlamentu, entaun ida ne’e hatudu katak, laiha kondisaun atu Governa.

Nia haktuir, tátika polítika ne’ebé bankada koligasaun halo ne’e atu hatudu ba públiku katak, AMP la bazeia ba konstituisaun, hodi nune’e sira kontinua viola konstituisaun.

“Ida ne’e tátika kari rai henek iha públiku nia matan laran, tanba ne’e, desizaun hotu sei  foti husi Prezidenti Repúblika, la’os koligasaun minoritáriu ne’e mak hatama fali sira nia kanuru tohar ba prosesu ne’e,” dehan Fidelis, ba jornalista sira iha Parlamentu Nasional, Kinta (25/1/18).

 “Interpretasaun ne’ebé sira hateten katak, lei lahateten atu intrega ba segundu partidu mais votadu ne’e lalos, ida ne’e pratika normal atu halo argumentu atu kondisiona opiniaun públika, antes desizaun Prezidenti Repúblika  foti desizaun. Ida ne’e tátika polítika ne’ebé sira halo to’o agora, lansa asuntus, kondisiona polítika ho informasaun sira ne’ebé lalos,” katak Fidelis.

Alende ne’e, Xefi bankada CNRT, Arão Noe, hateten, públiku preokupa maka’as kona ba Estadu Timor Leste nia moris inserteza durante fulan ne’e nia laran.

Nia afirma, konstituisaun mós hateten katak, Prezidenti Repúblika intrega ba partidu segundu mais votadu mak forma labele, mak foin hakat ba eleisaun antesipada.

“Tanba ne’e mak Prezidentei Repúblika konvoka diágolu  ho partidu 5 ne’ebé hetan asentu Parlamentar,  no horseik (horibainruak) iha tan reuniaun Konsellu Estadu nian, ita hein katak ho enkontru rua ne’e, Prezidenti Repúblika bele foti desizaun ida ne’ebé justu tuir mandate konstitusional, tanba regras hotu tuir Estadu direitu demokrátiku katak, Estadu ne’e so submete de’it ba konstituisaun no lei,” katak Arão Noe.

Lee hotu :   PLP: La presiza iha diálogu

Xefi bankada CNRT ne’e dehan, nia lakohi komentáriu kona ba isu ne’ebé hateten katak, desizaun Prezidenti Repúblika nian, sei halis liu ba FRETILIN, tanba Prezidenti Repúblika mai husi FRETILIN.

Xefi bankada CNRT ne’e esplika, artigu 106 konstituisaun hateten klaru katak, Governu forma husi partidu mais votado, ou Aliansa Maioria Parlamentar.

Nia afirma, kuandu ko’alia kona ba legalidade, artigu 106 númeru 1, la ko’alia kona ba Bloku Koligasaun, entaun Bloku Koligasaun ne’e mós illegal, tanba konstituisaun lahateten Bloku Koligasaun, maibé hateten Aliansa Maioria Parlamentar.

Alende ne’e, Arão Noe dehan, Prezidenti Repúblika atu desolve Parlamentu Nasional, tuir artigu 86 alinea F, Prezidenti Repúblika tenki iha razaun rua hanesan, kuandu iha krize institusional grave, no aprovasaun orsamentu iha loron 60 nia laran.

“Formasaun Governu la’o hela, ita atu konta loron husi ne’ebé mak hatene katak loron 60, kuandu Orsamentu ne’e rasik seidauk aprezenta mai. Tanba ne’e mak ami hateten katak, laiha razaun ida atu Prezidenti desolve Parlamentu Nasional,” dehan Arão Noe.

Governu ida agora ne’e laiha jestaun, tanba programa laiha, tanba ne’e, VII Governu ne’e seidauk iha plenus poderes.

Tuir nia, Governu ida ne’e monu kuandu nia programa la aprova dala rua, ou mosaun sensura AMP nian pasa iha plenária PN, fó dalan kedas ba formasaun VIII Governu.

Nune’e mós, Xefi bankada KHUNTO, Luis Roberto da Silva hateten, públiku hein desizaun ikus Prezidenti Repúblika nian atu bele ultrapasa tiha impase polítika ne’e.

“Ha’u fiar katak, Prezidenti Repúblika mak hatene liu kona ba lei, entaun ha’u fiar katak, Prezidenti Repúblika sei la halo kole povu ida ne’e dala ida tan. Ami la’os husu atu intrega ba AMP la’e, maibé husu Prezidenti Repúblika atu haree ba situasaun rai laran hodi tetu no foti desizaun tuir ida ne’e,” relata Luir Roberto da Silva.

Lee hotu :   TR deside karta destituisaun hasoru PPN konstitusional “BOAMP husu PPN labele subar-an”

Nune’e mos Bankada FRETILIN liu husi Xefe bankada Francisco Branco, hatete, desizaun Prezidenti Repúblika, Francisco Guterres ‘Lu-Olo’ hodi hakotu impase polítika iha rai laran, tenki tuir konstituisaun haruka. Mandate konstituisaun mak tenki sai baze ba desizaun Prezidenti Repúblika nian, tanba kuandu Prezidenti Repúblika fó desizaun ida ne’ebé lolos tuir desizaun haruka, entaun sei la intrega ba segundu mais votado, no dalan diak liu mak Eleisaun Antesipada (EA).

“Povu hakarak ami servisu hamutuk, tanba povu la fó maioria absoluta ida ba partidu ida, maibé povu fó maioria simples de’it, atu partidu lima ne’e bele kaer liman hamutuk hodi viabiliza estabilidade Governativa ba oin,” katak Francisco Branco ba jornalista sira iha PN, Kinta (25/01).

Nia hatutan, dalan ikus no diak liu atu hakotu impase polítika rai laran mak eleisaun antesipada, tanba polítiku sira ne’ebé hetan fiar husi povu iha eleisaun jeral fulan Julu liu ba, maibé la uza konfiansa ne’e ho diak, hadau malu fali poder.

Tanba ne’e, Branco dehan, diak liu intrega fila fali soberania ne’e ba povu atu povu bele hili fali partidu ne’ebé sira hakarak atu lori sira ba moris diak.

“Eleisaun antesipada ne’e, ita labele haree nia konsekuensia, ita haree katak, ita hadia nasaun ne’e iha dalan lolos, tanba ita hakarak buat ne’ebé los, la’os ita hili dalan terik ne’ebé lalos, hodi fó presedente ladiak ba prosesu moris Estadu nian ba oin,” katak Branco.

Alende ne’e, Branco dehan, orsamentu ba eleisaun antesipada ne’e, kompetensia Governu nian, tanba orsamentu ba eleisaun antesipada ne’e, la liu US$ 3 milloens.

“Ita haree fila fali ba kotuk, iha tinan kotuk ita hala’o eleisaun hat, eleisaun dala rua ba Xefi Suku, eleisaun Prezidensial, no eleisaun Parlamentar, maibé se iha osan. Entaun hanoin ba ida ne’e, kuandu ba eleisaun ida de’it, orsamentu sei la to’o US$ miloens,” tenik nia.

Lee hotu :   PR HARUKA DEKRETU LEI DUODÉSIMU BA TR

Alende ne’e, Xefi bankada PD, Maria Teresa hateten, rezultadu eleisaun hatudu katak, povu fó fiar ba FRETILIN atu kaer ukun.

“Bainhira kuandu inserteza ida ne’e mosu, ami hanoin katak, desizaun ne’ebé diak liu hanesan Bloku Koligasaun tenki fó fila fali ba povu atu deside, tanba povu ninia votu mak aas liu, no povu nia votu mak determina dinámika dezenvolvimentu ba nasaun,” katak Maria Teresa.

Nia afirma, eleisaun antesipada ne’e, kompetensia Prezidenti Repúblika nian, no bankada PD prontu simu.cos

Add to Comments Here!!!!

error: Content is protected.
Secured By miniOrange
You might also like:
PM Alkatiri deskontente ho Edifisiu foun CFP

Primeiru Ministru (PM),  Mari Alkatiri, deskontente...

CNE prontu realiza eleisaun antisipada “Parpol 22 sei konkore

Comissão Nacional de Eleições (CNE) prontu...

PR tenki desidi tuir interese nasional ■ Ba EA, TL sei infrenta krize

Atu hakotu inserteza polítika ne’ebé maka...

Close