JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kansela plenaria, BOAMP konsidera PPN halai husi responsabilidade

Kansela plenaria, BOAMP konsidera PPN halai husi responsabilidade

Prezidente Parlamentu Nasionál (PPN), Aniceto Guterres Lopes, Segunda (08/1/18), deside kansela sesaun plenária, tamba ne’e, Bloku Opozisaun Aliansa Maioria Parlamentar (BOAMP) konsidera PPN halai husi responsabilidade.

“Maske Prezidente PN halo boikota, maibe ami kontinua mai nafatin hodi priense Quorum. Ami ezije ami-nia dever dirije plenária, dehan presaun ne’e la lójika, tanba tuir rejimentu katak, Segunda no Tersa ne’e tenke halo plenária normal, ne’e obrigatoriu, maibe agora laiha ajenda, sekuandu atu enkontru iha komisaun permanente ruma mós presija iha plenária, tanba plenária mak soberanu. Argumentu ne’ebé PPN fo ne’e, atu halo auto defeza de’it, hodi halo propaganda para manan antena de’it, tanba tenke iha konferensia líder bankada, hafoin iha plenária, agora PPN halai husi responsabilidade atu organiza reuniaun líder bankada, halai tan husi plenária,  depois dehan fo presaun, ne’e laloos, tanba PPN ne’e nia dever atu halo plenária,”hateten Xefi bankada PLP, Fidelis Magalhães ba jornalista iha Parlamentu Nasionál, hafoin laiha plenaria.

Fidelis konsidera, PPN buka meius hodi dada tempu,  bainhira hatama rekursu ba Tribunal hafoin Tribunal fo fila destituisaun ne’ebé AMP halo ba kargu Prezidente Parlamentu Nasionál, tanba laiha inkonstitusionalidade iha karta refere.

Hatan ba kestaun ne’e, Prezidenti Parlamentu Nasionál Aniceto Guterres Lopes, justifika, kansela plenária ba Segunda ne’e, tanba ajenda rua (mosaun sensura ho destituisaun ) ne’ebé pendente husi tinan kotuk 2017 nian seidauk bele halo ajendamentu ba diskusaun.

“Kona-ba proposta destituisaun, Tribunal notifika ona katak laiha inkonstitusionalidade no iha kestaun polítika. Iha Tribunal, sira la apresia no la hola desizaun, hodi fo fila mai PN, maibe ha’u hatama tiha ona ha’u-nia rekursu iha loron 3 fulan Janeiru ne’e. Tanba ne’e desizaun final seidauk iha, tanba ne’e seidauk bele halo ajendamentu hodi diskute iha Plenaria, kona ba mosaun sensura iha loron 18 fulan Dezembru. Ha’u anunsia no notifika governu atu mai hatan iha prazu loron 30 uteís, depois de anunsia, foin dadauk iha loron 03 fulan Dezembru ne’e, ha’u ahruka tiha ona karta ba Primeiru Ministru (PM) hodi informa nafatin kona ba anunsia ho nia prazu notifikasaun ne’ebé ha’u hato’o ona, hanesan mós rekerimentu ida husi bankada KHUNTO nian ne’ebé husu loron 8 fulan Janeiru ohin (Horiseik) atu diskute mosaun, ha’u anexa ona ba PM, maibe presija governu tenke fo uluk resposta mai PN,  data saída mak governu prontu atu mai hatan ba mosaun ne’e. Bainhira sira konkorda mak PPN foin bele fiksa ordem do dia no marka plenária ba ida ne’e, tanba ne’e, mezmu ohin loron 8 fulan Janeiru, tuir pedidu bankada KHUNTO ninian, maibe seidauk bele ajenda, tanba ne’e kestaun liga ho orgaun soberania seluk, PN labele obriga ho data ida para atu mai obrigatoriamente, tanba ne’e mak pratikamente ohin (Horiseik) labele halo plenária,”esplika Aniceto.

Lee hotu :   MOPTC sei revé eis membru Governu uza telefone gratuita

Antes ne’e, Prezidente Parlamentu Nasionál, Aniceto Guterres Lopes, iha plenária ikus tinan 2017, anunsia ona, atu hahú hikas plenária iha loron 8 fulan Janeiru tinan 2018.say

Add to Comments Here!!!!

error: Content is protected.
Secured By miniOrange
You might also like:
Mundu ho Tétun Loron-30 Fulan-12 Tinan-2017

Mundu ho Tétun Loron-23 Fulan-12 Tinan-2017

Happy Hour Eps 20 hamutuk ho fundador “LE-ZIEVAL”

Close