JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDD la uza ona kruz iha bandeira

FDD la uza ona kruz iha bandeira

Foto:Facebook

Partidu Republikanu retira

Koligasaun Forum Dezenvolvimentu Demokratiku (FDD) deside hasai ona sombolu kruz iha bandeira FDD nian hodi kompri lei partidu politiku nian ne’ebe bandu utiliza simbolu konviksoens relijiozus ho mos simbolu rejistensia nian.

Partidu 5 mak hamahan-an iha koligasaun FDD, kompostu husi  Partidu Uniaun Dezenvolvimentu Demokrátiku (PUDD), Frenti-Mudança, Partidu Dezenvolvimentu Nasional (PDN), Uniaun Demokrátiku Timorense (UDT) no Partidu Repúblikanu (PR). Maske nune’e, foin lalais ne’e, Partidu Republikanu ne’ebe lidera husi João Mariano Saldanha, deside retira husi koligasaun FDD.

Prezidenti Comisaun Nasional Eleisoens (CNE), Alcino Barris, Tersa (27/2/2018),  bolu ofisial estrutura koligasaun Forum Dezenvolvimentu Demokrátiku (FDD) atu klarifika rajaun utiliza símbolu konfisoens relijiozus hanesan kruz iha bandeira.

Tuir lei interpretasaun CNE nian haree katak FDD labele tau sinal kruz iha ne’eba, tan ne’e prezidenti FDD mai halo esplikasaun sobre ida ne’e,” hateten porta voz FDD, José Luis Guterres ba jornalista sira iha CNE, Colmera, Dili.

José Luis esklarese katak, tuir lei ne’ebe iha, CNE reintera ona, maibe FDD mos sei haree fila-fali,  tanba FDD hakarak buat hotu tenki la’o tuir lei ne’ebe regula kona ba lei partidu polítikus nian.

Portavoz FDD ne’e hatutan, iha Timor-Leste maioria mesak sarani apostóliku Romano deit, tan ne’e iha símbolu bandeira FDD nian iha kruz hanesan ai-toos.

Ai-toos ne’e antes de kruz mai ai-toos ne’e iha tiha ona, ai-toos ne’e mos reprezenta ita nia fiar, ne’ebe fiar Maromak, fiar ita nia kultura  ka tradisaun,”  esplika José Luis.

José Luis Guterres, esklarese mos katak, foin lalais ne’e, PR disidi retira aan husi FDD, tanba sira la konkorda ho kondisoens FDD nian tanba ladun favorese ba sira.

Lee hotu :   GRANDE ENTREVISTA Hamutuk ho Xefe Bankada Partido Fretilin

“Normal ami respeita buat ne’e hotu, maibe hau hanoin nasaun ida ne’e sempre valoriza oan sira ne’ebe iha kompetensia. Ha’u fiar se-se deit manan iha eleisoens sei eskolha ema ne’ebe ba Governu tuir kompetensias profisionais,”  hateten José Luis Guterres

Iha fatin hanesan, Prezidenti CNE, Alcino Barris hateten, tuir lei paridus polítikus númeru 2/2016 iha artigu 12 pontu 2 no 3 fo atensaun ba partidus polítikus sira labele utiliza naran konfisoens ou imazen relijiozus. Tanba konfisaun relijioza ne’e refere la’os ba maioria katóliku deit, maibe ba mos relijiaun sira seluk ne’ebe ejisti iha Timor.

“Em prinsipiu sira hatama mai sira nia emblema iha sira nia estatutu partidu koligasaun nian hamos imazen ida hanesan ami interpreta katak Imazen konfisaun relijioza,” dehan prezidenti CNE Alcino Barris.

Alcino Barris esklarese mos katak, iha Segunda, foin lalais ne’e, FDD retira tiha sira nia estututu iha CNE, tanba emblema refere ligadu ho konfisaun relijiozu nian. Tan ne’e iha Tersa (horseik-red) estrutura FDD ba halo klarifikasaun konaba imazen refere ba CNE.

CNE haruka fila fali estatutu FDD nian hodi kompleta dokumentu, hafoin bele hatama fali ba CNE, nune’e CNE bele haruka ba Sekretariadu Tékniku Administrasaun Eleitorál (STAE) hodi bele públika iha Jornal Repúblika, tan ne’e bainhira públika ona iha Jornal Repúblika mak konsidera FDD hanesan koligasaun.

Tuir lei partidus polítikus númeru 2/2016 artigu 12 pontu 2 ho 3 partidu ou koligasaun ruma uza símbolu lei la viola. Maibe lei bandu la bele uza konfisaun relijiozu no ema nia naran iha emblema, inklui palavras veteranus no rezistensia. mia

Add to Comments Here!!!!

error: Content is protected.
Secured By miniOrange
You might also like:
Somotxo: Treinamentu militar balun sekretu

Ministru Defeza no Seguransa (MDS), José...

Materia prima ANP perigu ba TL

Materia prima  ho naran Ammonium Nitrate...

Estrada kontinua át tanba laiha estudu ba rai

Primeiru Ministru (PM), Mari Alkatiri, identifika...

Close