Governu sei muda Lei Eleitoral

Foto:GMNTV

VII Governu Konstitusional ne’ebe lidera husi Primeiru Ministru (PM), Mari Alkatiri, komesa estuda dau-daun atu muda lei eleitoral hodi fasilita estudantes ho ema sira ne’ebe servisu iha Dili bele vota deit iha Dili.

“Ami estuda dadauk estudante sira eskola no ema ne’ebe mak servisu iha Dili vota deit iha Dili , tanba haree ba kondisaun hanesan oras ne’e dadauk tempu udan,” hateten PM Mari Alkatiri, ba jornalista sira, iha Universidade Nacional Timor Lorosae (UNTL), Segunda (12/2/2018).

Alkatiri dehan, duranta iha eleisaun prezidensial ho eleisaun parlamentar, foin lalais ne’e, taxas partisipasaun  eleitor ne’ebe la tuir  vota ho numeru ne’ebe mak a’as tebes. Tanba ne’e, Governu hakarak haree didiak fila fali dekretu lei hodi bele prolonga fila fali atu bele minimiza numeru eleirores sira ne’ebe la tuir vota. ety