JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR konkorda eleisaun antisipada iha fulan Maiu “Governu prevé orsamentu 5 milloins”

PR konkorda eleisaun antisipada iha fulan Maiu  “Governu prevé orsamentu 5 milloins”

Ministru Administrasaun Estatal Valentim Ximenes, akompaiña husi Diretór Jerál Sekretariadu Tékniku Administrasaun Eleitorál (STAE) no Prezidenti Comissão Nacional de Eleições (CNE), Alcino Barrís, Segunda feira (05/02/2018) hasoru malu ho Prezidenti Repúblika (PR) Francisco Guterres Lú Olo.

Iha sorumutu ne’e Ministru Valentim Ximenes ho Diretor STAE no CNE hodi informa konaba opsaun Governu nian atu hala’o eleisaun antesipada.

Tanba Governu prefere ona eleisaun antesipada atu hala’o iha fulan Maiu nia laran, no Prezidenti Repúblika, Francisco Guterres Lú Olo rasik mós konkorda ona ho opsaun governu nian atu hala’o eleisaun antesipda iha fulan Maiu tinan 2018.

Ministru Administrasaun Estatal, Valentim Ximenes hato’o asuntu ne’e hafoin hamutuk ho diretór Jeral STAE, Acilino Manuel Branco,  no Prezidenti CNE, Alcino Barris halo enkontru ho Prezidenti Repúblika, Francisco Guterres Lú Olo iha Palásiu Prezidensiál, Nicolau Lobato Díli, Segunda (5/2).

“Konaba data eleisaun antesipada, Prezidenti mak tenki dekreta, pronunsia. Maibé opsaun ida deit, laiha tan seluk ona. Ita tenki halo eleisaun iha fulan Maiu, ne’e di’ak, tanba dentru de trâmbitasaun legais, mínimu seis senta dias, no másimu oitenta dias. I Prezidenti konkorda. Agora hein de’it atu konvida ita boot sira hotu, atu Prezidenti Repúblika bele pronunsia formalmente ba país tomak. Nia (Prezidenti Repúblika) sei halo diskursu ba Nasaun hodi koalia konaba ida ne’e. No atu konvida ita hotu, sidadaun eleitór sira hotu, partidu sira hotu, polítiku, sosiedade sivíl, konfisoins relijiozus hodi partisipa ativamente ba iha eleisaun ida ne’e, atu ita bele iha rezultadu ida di’ak, atu nune’e ita bele iha Estadu ida forte,” hateten Valentim Ximenes ba jornalista sira.

Lee hotu :   PR tenki desidi tuir interese nasional ■ Ba EA, TL sei infrenta krize

Maski nune’e, Valentim Ximenes hateten, preokupasaun governu no Estadu nian ba iha eleisaun antesipada, mak partisipasaun ema nian komesa menus, tanba foin primeira vez halo eleisaun antesipda. Maibé governu sei tenta ho mekanismu hotu atu bele dada ema hodi partisipa ativamente atu bele hetan rezultadu di’ak.

“Ami iha opsaun téknika 5 atu bele garante partisipasaun sidadaun hotu iha eleisaun ida ne’e. Primeiru ita la permite ema atu ba vota iha territóriu laran tomak. Agora ita bele halo opsaun ida atu ema muda nia rezidénsia provizoriamente ba iha sentru sira urbanu, iha Díli, Baucau, Ermera Villa, atu ema bele partisipa, maibé provizoriamente i depois nia tenki muda nia kartaun ba nia rezidénsia antiga. Segundu hanesan uluk Ministériu Adiministrataun prepara kareta tula votante sira vota iha ninia fatin ne’ebé nia halo resensiamentu eleitorál. Maibé agora ho orsamentu ne’ebé mínimu tebes ha’u la hatene bele ga la’e, maibé ha’u sei koalia ami nia diretor sira para haree ba asuntu ne’e. Terseiru mak aumenta urnas, ne’e signifika despeza, ita tenki rekruta tan ofisiais, aumenta seguransa, transporte no ekipamentu sira hotu iha estasaun de votu atu ita bele garante ema nia partisipasaun,” Valentim Ximenes esplika.

  • Governu prevé orsamentu 5 milloins

Iha okaziaun ne’e, Ministru Administratasaun Estatal, Valentim Ximenes mós hateten, orsamentu Estadu nian ho montante 5 milloins sei garante eleisaun antesipda.

“Total orsamentu ba eleisaun antesipada, ami iha 5 milloins, ne’e orsamentu Estadu nian, ne’e ba de’it ESTAE. Orsamentu ne’e bele garante. Husu atu eleitór sira bele partisipa ativamente iha eleisaun ida ne’e. Ha’u hein katak ema hotu bele partisipa ho Maromak nia ajuda no tulun, matebian, rai lulik nia tulun ita hotu ba vota,” Valentim Ximenes harohan.

Lee hotu :   BK akuza BOAMP la kolaborativu ■BOAMP konsidera BK manobra povu

Ministru Administratasaun Estatal mos informa katak, iha Kinta feira semana ne’e governu sei hahú primeiru lansamentu ba resensiamentu eleitorál a nivel nasionál iha munisípiu Ermera no semana oin sei haruka tékniku sira ba iha rai liur hanesan, iha Irlandia, Inglaterra, Portugal, Coreia do Sul hodi atualiza kartaun eleitorál ba eleitór sira atu bele partisipa ativamente iha eleisaun antesipada.

“Rekrutamentu ba ofisiais ESTAE nian, brigada sira iha munisípiu tomak, hahú ohin ami komesaona. I depois resensiamentu iha rai laran ami hahú atu lansa iha Ermera iha Kinta feira, ami hakarak husu ba jornalista sira hotu ba partisipa, lansamentu formál a nivel nasional i depois semana oin ami tenki haruka ami nia tékniku sira ba kedas ona rai liur hanesan, Irlandia, Inglaterra, Portugal, Australia, Coreia du Sul atu bele atualiza kartaun eleitorál ba ita nia eleitór sira ne’ebé iha ne’ebá atu ita hotu bele partisipa ativamente iha eleisaun ida ne’e,” hateten Valentim Ximenes.

Antes ne’e Prezidenti CNE, Alcino Barris mós deklara katak, CNE preparadu ho rekursu no maneira kualifikadu atu halo atendimentu ba eleisaun antesipda hanesan mós ho eleisaun hirak liubá.ías

Add to Comments Here!!!!

error: Content is protected.
Secured By miniOrange
You might also like:
Jogu kasino impaktu fo negativu ba sosiadade Tilman:“ PM Mari Alkatiri la iha kompotensia atu interven”

Provedor Direitu Humanu no Justisa (PDHJ)...

GRANDE ENTREVISTA GMNTV hamutuk ho Dr. Alcino Barris Presidenti CNE nunemos Acilino M. Branco Dir.Jeral STAE

JORNAL NACIONAL GMNTV Loron-5 Fulan-Febereiru Tinan-2018

Close