JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Embaixador foun Australia hasoru MRM ■Entrega karta apresiasaun

Embaixador foun Australia hasoru MRM ■Entrega karta apresiasaun

Embaisador foun Australia mai Timór-Leste Peter Roberts Tersa(13/03/2018) hasoru malu ho Mnistru Rekursu Minerais (MRM) Mariano Asanami Sabino, hodi aprezenta-an no ko’alia kona-ba situasaun polítika aktual.

Asanami haktuir, iha vizita kortezia ne’e, embaisador Australia mós husu informasaun konaba situasaun polítika aktual no progresu servisu rekursu minerais iha Timór-leste.

“Ami ko’alia oituan kona-ba prosesu polítika to’o iha impase polítika, no liga ba parte minerais nian, ami mós ko’alia konaba rekursu minerais ne’ebé mak ita iha, no saida mak ita halo ona ba ida ne’e,”dehan Asanami.

Asanami haktuir, nia parte esplika mós kona-ba prezensa Ministeriu Rekursu Minerais ne’ebé seidauk to’o tinan, seidauk bele implementa programa ruma, maske iha ona orgánika, tanba mosu impase polítika.

“Ha’u mós esplika ba nia (Peter Roberts) katak ministeriu ida ne’e foun, ita prepara iha kódigu minerais ne’ebé ba atividade ministeriu nian, maibe sei pendente hela, tanba tenke hein fali ba Parlamentu foun, maske iha ona orgánika ba ministeriu nian, ne’ebé konsellu ministru prepara,”haktuir Asanami.

Hafoin enkontru, Mnistru Rekursu Minerais, Mariano Asanami Sabino mós entrega karta apresiasaun ba embaisador Peter Roberts, tanba Governu Australia ho laran luak, bele koopera ho Governu Timor-Leste, hodi rezolve asuntu Fronteira Marítima, iha unidade nia laran.

“Ita agradese ba Governu no povu Australia, ita mós rekoñese katak Fronteira Marítima ho Australia, iha pasadu ita iha ligasaun ne’ebé metin, tanba ne’e mak ita la diskute de’it ho rasio, maibe ho emosaun hanesan maun alin de’it,”katak Asanami.

Eis Ministru Agrikultura afirma, iha oportunidade hanesan, embaisador ne’e mós ko’alia konaba greater sunrise, atu nune’e, Timór-Leste bele halo mós análija klean ba parte pozitivu no negative hotu.

Lee hotu :   Abílio Araújo: “Tinan 10 nia laran buat barak la’o lalós”

“Sira mós ko’alia kona-ba Greater sunrise, maibe sira dehan, ida ne’e sei iha análiza ne’ebé mak la’os tékniku de’it, maibe mós impaktu sosial , ambiental no ekonómiku, maibe polítikamente ita hakarak aselera Greater sunrise ne’e mai Timór-Leste,”tenik Asanami.

Iha oportunidade hanesan, embaisador Australia mai Timór-Leste, Peter Roberts, hateten, nia parte hasoru malu ho Ministru Rekursu Minerais ne’e, nu’udar embaisador foun, hodi aprezenta an, no ko’alia mós konaba situasaun Australia ho Timór-Leste nian oras ne’e dadauk.

“Ha’u kontente tebes bele hasoru ministru, ami ko’alia kona-ba situasaun husi Timór no Australia, liu liu iha semana liu ba, nasaun rua ne’e konsege asina sira-nia tratadu ba FM, ida ne’e importante tebes ba nasaun rua ne’e, no ami hein katak sei bele iha tan kooperasaun diak liu iha nasaun rua ne’e,”hateten Peter Roberts.

Embaisador ne’e hateten, maske asina ona akordu FM, maibe Australia ho Timór-Leste mós sei diskute hamutuk Greater sunrise ho di’ak.

Peter Roberts mós garante, diskusaun ba greater sunrise sei la’o ho di’ak, tanba asuntu FM mós rezolve ona entre Timór-Leste ho Australia nu’udar maun alin.Say

Add to Comments Here!!!!

error: Content is protected.
Secured By miniOrange
You might also like:
Sosializasaun lei KOMSOS, Redus dezintendimentu jornalista ho PNTL

Segundu Komandante Jeral Polísia Nasionál Timor-Leste...

PNTL identifika ona suspeitu tolok Xanana

Segundu Komandante Jeral Polísia Nasionál Timor-Leste...

Prevene TBC, hapara fuma no hemu

Diretora  Sentru  Saúde  Vera  Cruz,  Dulce...

Close