JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu la responde pergunta 29, AMP sei prosesa ba oin

Governu la responde pergunta 29, AMP sei prosesa ba oin

Pergunta sira ne’ebé foin lalais hamutuk 29 husi bankada AMP hanesan CNRT, PLP no KHUNTO hato’o ba Governu, to’o agora seidauk iha resposta. Tanba ne’e, AMP ameasa atu prosesa ba oin, kuandu VII Governu ne’ebé Xefia husi Primeiru Ministru (PM) Mari Alkatiri lakohi responde perguntas sira ne’e.

Xefi bankada CNRT, Arão Noe, hateten, pergunta sira ne’ebé foin lalais hato’o ba Governu ne’e, AMP ezije relatóriu kona ba utilizasaun orsamentu duo-désimu.

“Maibé kuandu Governu la konsidera, maka ami dalan seluk iha para ami lori ba, ami preokupa ho sasan sira ne’e hotu, no ami fó hatene tiha ona, se la resposta ami sei lori ba prosesu ida ne’ebé aas liu. Maibé depois labele fó sala ami katak, ami buka ami-nia sala, tanba ami hatene katak, buat ne’ebé latuir lei, ami sempre koalia. Ezemplu hanesan orsamentu duo-désimu, fó subsidiu ba kandidatu Prezidenti Repúblika sira, tanba ida ne’e kandidatu sira ne’ebé mak simu osan ne’e mak aprova osan ba sira nia aan rasik, hanesan Ministru António da Conceição hanesan membru Governu, aprova rasik osan ba nia aan,  no Prezidenti Repúblika mós promulga lei ida para finansia aan rasik,” relata Arão Noe ba jornalista sira iha Parlamentu Nasional (PN), Segunda (26/03).

Nia hatutan, durante ne’e AMP buka koopera ho Governu no bankada Governu, hodi fó hanoin atu hadia, bainhira detekta buat ruma la’o lalos.

“Pergunta sira ne’ebé mak ami hato’o ba Governu, ami seidauk hetan resposta to’o agora, tanba preokupasaun ne’e interesante tebes ba interese nasional, maibé komu resposta laiha, ami sei buka meus  seluk,” katak Arão Noe.

Lee hotu :   Xanana promete hakotu problema veteranus

Nia esplika, tuir lei partidu polítiku nian, subsidiu ne’e so fó de’it ba partidu polítiku sira, la’os fó ba kandidatu Prezidenti Repúblika.

Foin dadauk AMP hato’o perguntas 29 ba Governu kona ba ezekusaun Orsamentu duo-désimu, nomós husu ba Governu atu hato’o relatóriu kona ba orsamentu duo-désimu ne’e rasik, maibé to’o agora Governu seiduak responde pergunta sira ne’e.

Iha sorin seluk, deputadu Antoninho Bianco husi bankada FRETILIN hateten, normalmente relatóriu ne’e, to’o trimestral mak Governu foin bele hatama.

Nia hatutan, tanba pergunta sira ne’e eskrita, entaun Governu mós sei responde eskrita.

“Regras ezekusaun orsamentu ne’e, kada tinan Governu ezekuta, maibé la’os fulan fulan tenki hatama relatóriu, fulan tolu mak Governu hatama nia relatóriu ezekusaun. Tinan ida Governu hatama relatóriu dala hat. Momentu ne’eba opozisaun haruka perguntas ba, ikus mai Governu sei responde eskrita para esplika detailadu ba sira,” relata Antoninho.

Nia esplika, regras orsamentu duo-désimu ne’e hateten katak, kada fulan ministériu hotu tenki relata relatóriu kona ba gasta osan hira, aprezenta ba Ministériu Finansas mak foin bele hetan fali orsamentu fulan tuir mai.

Ha’u nia kolega sira opozisaun ne’e, kala lahatene regras ezekusaun orsamentu karik aprende tan, tanba regras ne’e hahú husi primeiru Governu to’o agora,” relata Antoninho Bianco.cos

Add to Comments Here!!!!

error: Content is protected.
Secured By miniOrange
You might also like:
Abilio Araújo apresenta delegasaun INVESTL ba Alkatiri

Prezidente kompaña INVESTL, Abilio Araujo, Segunda...

FDD fo posse ba estrutura Ainaro • Agustinho promete la buka pozisaun

Frenti Dezenvolvimentu Demokratiku (FDD), Sabadu (24/3/2018),...

PR Lú Olo: F-FDTL no PNTL labele involve iha vida polítika

Prezidente Repúblika (PR), Francisco Guterres ‘Lú...

Close