JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranus eziji PR harii lalais Konsellu Veteranus

Veteranus eziji PR harii lalais Konsellu Veteranus

Veteranus munisípiu Bobonaro, Ermera no Liquiça eziji ba Prezidente Repúblika (PR), Francisco Guterres ‘Lú Olo’, atu harii lalais ona Konsellu Veteranus, atu nune’e bele deskobre no identifika loloos veteranus iha Timor-Leste.

“Ami Konsellu Veteranus hakarak eziji nafatin ba PR atu harii la-lais Konsellu Veteranus ne’e, tanba kuandu iha ona mahon ida maka, fasil tebes ba ita atu identifika sé maka veteranus no sé maka la’os veteranus,” Veteranu munisípiu Bobonaro, Apolinario Barros hato’o ninia preokupasaun ne’e wainhira partisipa diálogu telekonferensia ho PR, husi Palasiu Prezidente liga ba munisípiu Bobonaro, iha salaun fundasaun Dioseze Maliana, postu administrativu Maliana, munisípiu Bobonaro, Sesta (23-03-2018).

Nia afirma, Konsellu Veteranus tenki hamriik ona, atu nune’e bele identifika sé maka veteranus no sé maka la’os veteranus, tanba karik Konsellu Veteranus ne’e la hamriik kleur, sei kontinua mosu liafuan provokator.

Hatan ba preokupasaun ne’e PR Lú Olo informa, nu’udar Estadu sei tane valor veteranus ninian hódi fó rekoñesementu, tanba ne’e maka Estadu halo lei hodi fó valor no rekoñesementu ba veteranu sira.

“Ha’u hanoin preokupasaun Estadu ne’e nian boot tebes no ha’u lakohi ko’alia fila-fali ba kotuk, katak ida ne’e veteranu no ida ne’e la’os veteran, ha’u lakohi atu tama ba asuntu sira ne’e, maibé atu dehan de’it katak, ida ne’ebé maka veteranu sei la’o tuir lei Estadu nian, tan ne’e nia iha diretu ba saida tanba lei garante,”hateten PR.

PR, Francisco Guterres Lú Olo relata, uma kain Konsellu veteranus ne’e la’os uma kain família nian, maibé uma kain ba veteran sira atu nune’e bele satan netik husi loro manas, hódi hatudu sira nia valor no transmiti mós sira nia valor ba oan sira no ba povu.

Lee hotu :   PN fó votus pezar ba vítima terramoto-Indonesia

Iha mandatu eis Prezidente Taur Matan Ruak, Governu haruka ona lei lei Konsellu Veteranus nian ne’e, maibé eis Prezidente Taur veta lei ne’e. Entretantu PR Lú Olo mós kontinua veta, tanba dekretu lei ne’e seidauk di’ak, tanba lei ne’e envez de halo veteranu sira hamutuk, maibé atu fahe fali veteranu sira no lei ida ne’ebé maka hatama ikus hodi PR promulga ne’e diak, tanba fó valor ba veteranus. Ves

Add to Comments Here!!!!

error: Content is protected.
Secured By miniOrange
You might also like:
Konsolidasaun iha Suku Bemori, FRETILIN hametin konfiansa juventude

Konsolidasaun iha Suku Bemori, Postu Administrativu...

PNTL investiga autor kesi labarik ho tali

Polísia Nasionál Timor-Leste (PNTL) Munisípiu Baucau,...

DIT asina akordu ho INAP, Oferese formasaun IT ba funsionariu RAEOA

Dili Institute of Technology (DIT) no...

Close