JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

STAE garante taxa partisipasaun EA máximu ■La aumenta sentru votasaun

STAE garante taxa partisipasaun EA máximu ■La aumenta sentru votasaun

Diretor Sekretariadu Tékniku Administrasaun Eleitoral (STAE), Acilino Manuel Branco, garante katak taxa partisipasaun votantes iha Eleisaun Antesipada (EA) ne’ebé sei realiza iha loron 12 fulan Maiu, tinan ne’e, sei máximu.

Diretor STAE ne’e relata, laiha possibilidade hodi aumenta tan sentru votasaun iha Timor laran tomak, maske hetan ezijensia husi autoridade lokal sira, relasiona ho preokupasaun husi eleitor sira ne’ebé hela iha área remotas, maibé labele aumenta tanba bazeia ba prosesu ajustamentu ne’ebé halo dezde inisiu.

“Ha’u hanoin laiha posibilidade atu aumenta númeru sentru votasaun ne’ebé mak iha, tanba ajustamentu ne’e la’o kedas desde inisiu,  maibé preokupasaun ema hotu-hotu ninian inklui STAE rasik hó CNE tenki esforsu hó maneira oinsá para garante liu tan partisipasaun máximu iha eleisaun,”hateten Diretor STAE, Acilino Manuel Branco, iha nia knar fatin Vera-Cruz, Segunda (02/04/2018).

Nia afirma,  STAE la loke tan sentru votasaun no sei mantein ho estabelesimentu sentru votasaun anterior nian ne’ebé hamutuk 843, iha rai laran no diaspora 6. Tanba ne’e STAE halo re-identifika hodi muda fali sentru votasaun ba sentru, nune’e bele besik liu tan ba komunidade sira.

Acilino relata tan, sentru votasaun ne’ebé estabele ona iha estranjeiru ne’e, sei provizóriu hela, maibé nia parte tenta  komunika hó Ministériu Negósiu Estranjeiru no Kooperasaun (MNEK), atu bele hatene sentru votasaun ne’ebé mak sei bele funsiona.

“Ita bele dehan provizóriu tanba, neste momento sinkronizasaun sei la’o hela ho baze resenseamentu, ita bele difini konaba estranjeiru ninian,”dehan Branco.

Iha biban hanesan, Vise-Prezidenti Comissão Nacional de Eleições (CNE), Duarte Tilman, deklara, atu loke tan sentru votasaun iha rai laran no estranjeiru ne’e, kompetensia STAE nian, maibé posibilidade sei muda sentru votasaun ida husi Lisboa ba Porto, no husi inglaterra ba Irlanda.

Lee hotu :   KNUA Kay Rala Xanana Gusmão deklara apoiu AMP

Eleisaun parlamentar tinan 2017, realiza mós eleisaun iha sentru votasaun hanesan, Austrália, Korea do sul, Lisboa inklui Inglaterra.Say

 

Add to Comments Here!!!!

error: Content is protected.
Secured By miniOrange
You might also like:
Mari Alkatiri vizita Dom Basílio iha HNGV

Bispo Diocese Baucau, Dom. Basilio do...

Prizoneirus 91 Prizaun Gleno sei partisipa EA

Prizoneiru nain 91 iha Prizaun Gleno,...

Violensia iha Munisipiu Ermera menus

Númeru kazu violensia iha Munisipiu Ermera...

Close