FDD sei vota kontra programa AMP nebe la benefisia povu

Prezidente  Komisaun Politika  Nasional  Frente Dezenvolvimentu Demokratiku (FDD),  Agustinho  Gomes, hatete programa  Aliansa  Mudansa  ba  Progresu  (AMP)  nian  ne’ebé  sei  aprezenta  iha  Parlamentu Nasional  mak  la kondis  ho  moris  povu  nian  FDD  sei vota  kontra.

Agustinho  Gomes hatoó lia hirak nee ba JNDiario, Segunda (21/5) iha sede FDD Fomentu, Dili.

Lider máximo Partidu  Koligasaun  Frente  Dezenvolvimentu  Demokratiku   sei  ba  opozisaun  forte  iha  Parlamentu Nasional  ,tamba  ne’e  wanhira  sira  haree  ba  programa  AMP  nian  ne’ebé  mak  la  kondis  ho  povu nia moris  FDD  ,tenki vota  kontra, tamba  programa  ne’e  la  haktuir  povu nia  hakarak.

“Ami  FDD  sei  hein  desizaun  Tribunal Rekursu  nian  ne’ebé  mak  atu  públika  rezultadu  Eleisaun Antesipada, ita hatene  ona katak,  AMP mak  manan  ona maioria  absoluta  atu  forma  VIII  Governu  Konstitusional, maibe  ami FDD  sei hare  AMP  nia programa  bainhira  atu aprezenta  iha  Parlamentu Nasional  karik  ami hare  ba  mak  programa ne’e  la  kondis  ho  povu nia moris  actual agora  ami  partidu  Koligasaun  Frente  Dezenvolvimentu  Demokratiku  (FDD) sei  vota  kontra”, hatete lider máximo FDD.

Prezidente Konsellu Politika Nasional FDD nee hatutan   FDD  nia  pozisaun  agora  sei  ba  opozisaun forte  iha  Parlamentu  Nasional, ne’ebé  mantein  la’o nafatin  ho nia programa rasik  no  sei ba defende  nafatin FDD  nia programa iha  diskusaun  saida de’it.

Partidu  Koligasaun  Frente  Dezenvolvimentu  Demokratiku (FDD) simu  ona  kontaktu  husi  partidu  FRETILIN  ,maibe  FDD  seidauk  foti  desizaun, tamba  sei  hein  aprovadu  husi  Tribunal  Rekursu.

Kontaktu  informal  ne’ebé  FDD  simu  husi  partidu  FRETILIN  ne’e  atu  hamutuk  sai  opozisaun  ida  ne’ebé  forte  iha  Parlamentu Nasional.

Antes  ne’e  Kuadru Partidu Koligasaun Frente Dezenvolvimentu Demokratiku  FDD hatama  ona  sira  nia  lista  ba Parlamentu Nasional ne’ebé  kompostu husi Antonio  Benevides , Gilman dos  Santos no  Isabel  Ximenes.

FDD mos antes nee hatoo nia protidaun hodi  apoia governu Aliansa Maioria Parlamentar hodi forma governu maibe parte Koligasaun Aliansa Mundansa ba Progresu deklara ona sei forma mesak Oitavu Governu mai. tos