JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDD seidauk hetan kontaktu husi AMP

FDD seidauk hetan kontaktu husi AMP

Koligasaun Frente Dezenvolvimentu Demokratiku (FDD) to’o oras ne’e seidauk hetan kontaktu ruma husi koligasaun Aliansa Mudansa ba Progresu (AMP) ne’ebe sai hanesan manan nain iha eleisaun antesipada tinan 2018.

Maibe FDD prontu nafatin atu fo apoiu ba VIII Governu mai, bainhira koligasaun Aliansa Mudansa ba Progresu (AMP) konvida.

“FDD mantein ninia postura no prontu atu koliga ho se deit karik konvida ami. Rezultadu provizoriu hatudu AMP manan, nune’e wainhira AMP konvida ami prontu ajuda maun bo’ot Xanana. Maibe to’o agora seidauk iha ema ida kontaktu ami, ami sempre hein nune’e wainhira ba Governu, hakarak atu lori solusaun para ajuda maun Xanana, tanba ema barak kritika Governasaun maun Xanana nian durante tinan 10 iha buat barak ladiak, nune’e ami tenta ba to’ok ho ami nia programa hodi fo solusaun, maibe karik sira la konvida mos ami nafatin mantein ho pozisaun ida agora ne’ebe hetan kadeira tolu iha Parlamentu Nasional hodi lori nafatin programa FDD nian,”informa Prezidenti Konsellu Politika Nasional (KPN) FDD, Agostinho Gomes hafoin hala’o enkontru avaliasaun partidu FDD iha hotel Novu Turismu-Dili, Segunda (14/5/2018).

Nia haktuir, programa perioridade ne’ebe FDD sei lori mak bee mos, tanba kuaze Timor laran tomak problema boot mak bee. Nune’e wainhira FDD hetan konvite husi koligasaun partidaria AMP ba ukun karik, FDD sei halo dezenvolvimentu husi knua ba aldeia, suku to’o postu no munisipiu.

Agostinho Gomes mos kontenti ho rezultadu ne’ebe FDD hetan iha eleisaun antesipada hodi hetan kadeira tolu iha Parlamentu Nasional, maibe nia afirma kadeira ne’ebe FDD hetan sei reprezenta ema nain ida husi partidu PUDD, UDT no Frenti Mudansa, PDN labele hetan, ne’e koligasaun tenki simu.

Lee hotu :   Taur: PR mak desidi eleisaun antesipada no VIII Governu ■Solusaun ba problema iha dalan rua

“Ami nia tarjetu laos trez kadeiras maibe minimu sinku ba to’o oitu kadeiras, maibe ami kontenti tanba konsege ultrapasa bareira 4%. Hau tenki honestu katak ami nia kuadru partidu nian iha munisipiu servisu ladun masimu, tanba imi hatene katak FDD hanesan koligasaun foun ida e kuadru FDD seidauk barak, nune’e ami la to’o tarjetu, maibe depois de ne’e mak ita hare fali ba oin atu halo konsolidasaun iha baze hodi halo restruturasaun foun,”dehan Agostinho.

Tuir rezultadu provizoriu apuramentu munisipiu no diaspora ne’ebe Sekretariu Tekniku Administrasaun Eleitoral (STAE) partidu koligasaun Aliansa Mudansa ba progresu (AMP) manan eleisaun lejislativa ho votus 49,59%, partidu Fretilin hetan votus 34,18%, Partidu demokratiku hetan votus 8,03% no partidu koligasaun Frente Dezenvolvimentu Demokratiku (FDD) ho votus 5,50%.

Partidu no partidu koligasaun ne’ebe lahakat liu bareira 4% mak Parridu Esperansa Patria (PEP), Partidu Republikanu (PR), Movimentu Sosial Demokrata (MDS) no Movimentu Dezenvolvimentu Nasional (MDN). Ita

Add to Comments Here!!!!

error: Content is protected.
Secured By miniOrange
You might also like:
Lakon kadeira 2 iha EA, PD deside ba opozisaun iha PN

Lideransa Partidu Demokrátiku (PD), deklara ofisialmente...

Alcino Barris sei husu Xanana Gusmão hadia ‘ Nama baik’ iha Tribunal

Prezidente Komisaun Nasional Eleisõens (CNE), Alcino...

Julio Hornay reskoñese ema sunu uma iha Citrana

Komandante Jeral Polísia Nasionál Timor-Leste (PNTL),...

Close