JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri la preokupa AMP sai bankada tolu

Alkatiri la preokupa AMP sai bankada tolu

Sekretariu Jeral Partidu FRETILIN, Mari Alkatiri hateten, nia la preukupa ho desizaun Bloku Aliansa Mudansa ba Progresso (AMP) ne’ebe maka ba Parlamentu Nasional iha V Legislatura ho Bankada tolu.

Mari Alkatiri hato’o lia hirak ne’e, hafoin sorumutu ho Prezidenti Republika, Francisco Guterres Lú Olo iha Palasio Prezidensial, Bairo-pite, Dili, Segunda (04/06/2018).

“Ha’u lahatene ne’e legal ka konstitusional ka lae, ne’e so tribunal maka bele deside, hau lakohi luta ona ba bankadas, ka bankadeiras, hau nian maka hakarak tun ba povu deit,” hatete Mari Alkatiri.

Kona-ba asuntu legalidade, Prezidenti Conselho Diretiva Nasional AMP, Dionisio Babo Soares  hateten, lei partidu politiku fo dalan atu AMP bele forma bankada ketak-ketak iha Parlamentu.

“Iha lei partidus politikus hateten klaru katak formasaun aliansa ka pre eleitoral depende ba partidu sira ne’ebe forma aliansa ne’e, no avansa pre eleitotal depois eleisoens bele deside. Sira iha lista unika ne’e tur hamutuk ba sekuensia ne’ebe determina ka sira tur tuir bankada ida-idak nian, depende ba komprimisiu ne’ebe halo antes eleisaun, ne’ebe partidu tolu ne’e la hanoin atu ketak-ketak, tanba sira mai ho programa ida, vizaun ida deit, ne’ebe bele fahe, hodi  nune’e iha vizibilidade intermus politikus ba partidu tolu katak sira mantein partidu ketak-ketak no identidade iha nafatin, maibe sira forma Aliansa Maioria Parlamentar iha parlamentu atu bele garante estabilidade governativa iha tinan lima mai, ne’ebe la’os buat foun, no lei rasik garante tiha ona,” hateten Prezidenti CDN-AMP, Dionisio Babo Soares iha programa Grande Entrevista, iha estúdio 2 GMN-TV, Bebora, Dili, Segunda (04/06/2018).

Nune’e mos vise Prezidenti CDN-AMP, Fidelis Magalhães esplika liu tan, iha rejimentu Parlamentu Nasional artigu 11 fo dalan atu partidu tolu ne’ebe forma pre-eleitoral ne’e bele harii ida-idak ninia bankada iha PN.

Lee hotu :   PM Taur husu DPJ foun asegura segredu justisa

“Iha rejimentu parlamentu artigu 11 koalia katak partidu sira, maske iha koligasaun pre eleitoral, wanhira to’o iha parlamentu iha direitu atu bankada ketak-ketak, no sira partidu ida, maibe forma akordu ida forma koligasaun ida ne’ebe bankada tolu tur hamutuk mos la taka dalan, ka partidu ida labele konkorda katak derepente nia fila nia hanoin atu la konkorda ho desizaun ruma, hau hanoin ida ne’e bele akontese, maibe hau fiar sei la akontese, partidu tolu ne’e sei metin nafatin, tanba governu ne’e governu AMP nian, bankada ketak la iha implikasaun kona ba estabilidade governativa, estabilidade governativa ne’e depende ba partidu nain tolu nia serbisu hamutuk atu atinzi objetivu ba dezenvolvimentu nasaun nian,” salienta Fidelis Magalhães.

Entretantu bloku Koligasaun AMP forma husi Partidu tolu hanesan partidu CNRT, PLP no KHUNTO. Partidu tolu ne’e sei fahe kadeira kompostu husi CNRT ho kadeira 21,  PLP 8 no KHUNTO 5. mia

Add to Comments Here!!!!

error: Content is protected.
Secured By miniOrange
You might also like:
PR Lú Olo rekoñese mak AMP ■ AMP insiste ho bankada 3 iha PN

Prezidente Repúblika (PR), Francisco Guterres ‘Lú...

HABURAS VIDA ESPIRITUAL GMNTV-Edisaun 25

Loron Mundial Biodiversidade no Ambiente sei hala’o limpeza

Atu komemora loron biodiversidade no meiu...

Close