JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

NAIMORI ORIENTA UZA UNIFORME KHUNTO  MANTEIN JURAMENTU IHA RAMELAU

NAIMORI ORIENTA UZA UNIFORME KHUNTO  MANTEIN JURAMENTU IHA RAMELAU

Sei freska hela iha publiku nia futar matan kona-ba lalaok tomada de posse membru VIII Governu Konstitusional ne’ebe halao iha Palacio do Nobre, Lahane, Dili, Sesta (22/6/2018).  Prosesu serimonia tomak ne’ebe prezide husi Prezidente Republika (PR), Francisco Guterres “Lu Olo” marka mos istoria foun ba distinu nasaun ida ne’e nian. Maibe, iha sikun balun, publiku lubun wain senti enkomodadu hodi buka hatene membru Governu nain 6 ne’ebe mai husi partidu KHUNTO nian.

Oinsa lae? Membru Governu husi lista KHUNTO nian ne’ebe simu posse ne’e, sira nia style kazaku la hanesan ho membru Governu sira seluk.

Ema wain ba wain ne’ebe partisipa iha serimonia ne’e husu ba malu, tanbasa mak membru Governu husi KHUNTO nian uza kazaku la hanesan ho kazaku ofisial ne’ebe ema sempre uza. Ho nune’e, Segundu Vise Prezidente Parlamentu Nasional ne’ebe reprezenta partidu KHUNTO iha PN, Luis Roberto, esklarese katak, kazaku ne’ebe mmbru Governu KHUNTO nian tua iha posse ne’e nudar uniforma ofisial partidu KHUNTO nian.

Deputadu Luis hateten, membru partidu KHUNTO uza uniforme partidu KHUNTO tanba simu orientasaun husi Konsileiru Maximu partidu KHUNTO, Jose dos Santos “Naimori Bukar” ho nia sentidu tuir kores ne’ebe iha. Metan hatudu katak nakukun no mutin hatudu naroman.

“Ita kuandu sai ema servidor ka sai membru Governu la bele hanoin ukun iha fuan deit, maibe hanoin mak servi katak hasai povu husi nakukun ba naroman,” afirma Luis  Roberto.

Nia aprofunda mos katak, simbolu husi   membru Governu hatais kazaku nudar uniforma KHUNTO nian ne’e atu hatudu sira nia vontade servi tenke tuir duni filosofia uniforme KHUNTO nian, katak tenke serbisu lori povu husi nakukun ba naroman.

Lee hotu :   Deputadu Arão lamenta, utilizador MedSos provoka situasaun

                                                Mantein juramentu iha Ramelau

Hatan kona-ba kompromisiu KHUNTO nian katak nia membru Governu sira sei ba halo juramentu iha Santuario Ramelau, Luis Roberto subliña katak, partidu KHUNTO sei hein nia membru nain rua simu posse no bainhira membru Governu husi KHUNTO nian simu posse ona maka sei ba halo duni juramentu iha Ramelau.

“Ami sei realiza duni promesa bainhira atu halo juramentu iha Ramelau, “ afirma Luis Roberto.

Partidu KHUNTO nian membru nain 2 ne’ebe seidauk simu posse mak Antonio Verdial sei assume kargu nudar Ministru Interior ho Nelson Turrquel nudar Vise Ministru Negosius Estranjeiro no Kooperasaun (MNEC). etyC

Add to Comments Here!!!!

error: Content is protected.
Secured By miniOrange
You might also like:
LEI KOMPLIKA POSSE BA FILOMENO PAIXÃO

Xefi Estadu Maior FALINTIL-Forsa Defeza Timor-Leste...

PM TAUR MANTEIN HO LISTA LA ’ADMITE’

Primeiru Ministru (PM) Taur Matan Ruak,...

Jornal Semanário GMNTV Edisaun 23 Juño 2018

Close