JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM TAUR: HASAI ALKATIRI HUSI RAEOA PRESIZA ALTERA LEI

PM TAUR: HASAI ALKATIRI HUSI RAEOA PRESIZA ALTERA LEI

Primeiru Ministru (PM), Taur Matan Ruak, hateten, promesa atu hasai Mari Alkatiri husi Rejiaun Administrativa Espesial Oe-cusse-Ambeno (RAEOA), presiza halo alterasaun ba lei estatutu RAEOA no ZEESM.

Taur Matan Ruak hateten, dadaun ne’e Governu sei konsentra hela, ba programa loron 100 nian, ne’ebé foka liu ba diagnóstiku institusionál.

 “Dadaun ne’e iha ami nia programa, ami koa’lia saida mak diak atu hadia servisu iha ne’eba. mudansa hotu ne’ebé sei halo, lei ne’e tenki halo alterasaun. Dezenvolvimentu iha Oe-cusse ita rekoñese, apezar iha problemas,”relata Taur Matan Ruak, ba plenária Kinta (26/7/18), bainhira responde preokupasaun deputadau bankada FRETILIN nian kona-ba pozisaun PM Taur nian ba Mari ALkatiri.

PM Taur dehan, prioridade VIII Governu nian iha loron 100 ne’e mak, halo diagnostiku ba situasaun ne’ebé Governu detekta  iha Governasaun, hafoin  simu posse.

“Segundu, rezolve ita-nia problema sira, liu-liu kona ba orsamentu duodésimu husi Jullu to’o Agostu, Orsamentu Jeral 2018 no Orsamentu Jeral 2019,”tenik Taur Matan Ruak.

Entretantu, debate programa VIII Governu ba loron rua, bankada FRETILIN husu ba Primeiru Ministru, Taur Matan Ruak, atu esplika kona-ba razaun hasai Mari Alkatiri husi projetu Zona Eespesial Ekonomia Sosial Merkadu (ZEESM) Oe-cusse, ne’ebé lideransa Koligasaun AMP sira koalia iha tempu kampaña.

Debate Programa VIII Governu, tama ba loron rua, bankada opozisaun kontinua esplora, krítika  maka’as hasoru Governu.

Tanba tuir Deputadu Marito Mota husi bankada FRETILIN katak, kompromisu polítiku ne’e, lider másimu AMP nian hato’o iha tempu kampaña eleitorál.

“Ha’u hakarak hetan esplikasaun husi Primeiru Ministru, kona ba separasaun ZEESM ho RAEOA, karik ida ne’e mak ita bo’ot nia polítika ne’ebé promete ona iha tempu kampaña katak, ita bo’ot mai ukun, sei hasai Alkatiri husi ZEESM Oe-cusse?” afirma Marito Mota iha plenária PN.

Lee hotu :   KESTIONA LEGALIDADE FOTI OSAN FP, PUDD HUSU PJR FISKALIZA ABSTRATA

Nia haktuir, iha tempu kampaña mós, Xanana ho Taur Matan Ruak hateten katak, Xanana ho Taur sei moris, FRETILIN sei la ukun.

“Ha’u hanoin kompromisu ida ne’e mak agora atu implementa iha Oe-cusse, ha’u presiza esplikasaun, tanba antes prezensa ZEESM iha Oe-cusse, Oe-cusse ne’e ita haree katak, Oe-cusse ita lalika ba to’o Suku sira ne’e, iha villa de’it mós, estrada hanesan dut laran, diferente ho agora ZEESM, tinan tolu de’it ita haree Oe-cusse sai sidade, tanba ne’e mak ami presiza esplikasaun,” katak Marito.

Deputadu Marito Mota husi bankada FRETILIN ne’e mos hateten, problema ne’ebé komesa hamosu dadauk husi VIII Governu mak hanesan, iha ministériu balun, komesa muda dadauk ona funsionáriu balun, ho razaun katak, AMP mak ukun.

“Ita hotu hatene katak, iha VII Governu ne’ebé minoria, lidera husi eis Primeiru Ministru Mari Alkatiri, moris husi osan duodédimal, maibé konsege lidera Governu ne’e to’o fulan 9, no konsege realiza eleisaun antesipada ho susesu, no lahamosu problema. Tanba saida mak iha VIII Governu ida ne’e ho maioria,  ita bo’ot lidera la’o de’it iha fulan ida nia laran, mosu ona problema oi-oin, hanesan Ministru no ministra balun uza seguransa sivil, no lahatene hetan pagamentu husi ne’ebé, no uza osan ida ne’ebé,” dehan Marito.

Marito afirma, iha Primeiru Ministru, Taur Matan Ruak nia diskursu rasik iha Parlamentu Nasional hateten, ukun ne’e la’os atu muda tu’un sa’e ema atu halo konfuzaun de’it, maibé realidade agora dadauk muda ema tun sa’e akontese ona iha ministériu balun.

Hatan ba preokupasaun ne’e, PM Taur esplika, iha Governu nia laran, iha kategoria funsionariu tolu mak hanesan, funsionáriu permantente, kontratadu no funsionáriu nomeasaun polítika.

Lee hotu :   Arão Noe: Masakre Santa Cruz muda Mundo nia pozisaun ba kazu Timor-Leste

“VII Governu susesu, VIII Governu kria problema ne’e, ami nia problema mak osan laiha. Normalmente troka funsionáriu ne’e, sira ne’ebé nomeasaun polítika, ou sira ne’ebé kontratu atrazu, kuandu iha nesesidade ita halo extensaun, laiha nesesidade ita labele halo extensaun. Kontradu barak mak la halo extensaun, ida ne’e karik ita iha lista ruma, bele fó ba ha’u nia membru Governu sira, ne’e para ami hatene se, iha ministériu ne’ebé, no tanba saida mak la halo extensaun,” relata Taur Matan Ruak.cos

Add to Comments Here!!!!

error: Content is protected.
Secured By miniOrange
You might also like:
KONSENTRA BA FM HO FT, XANANA GUSMÃO REZIGNA-AN HUSI MECPM

Prezidente koligasaun Aliansa Mudansa ba Progresu...

PROGRAMA VIII GOVERNU COPY PASTE VII GOVERNU NIAN ■PM TAUR: LA’OS BUAT FOUN

Deputadu husi bankada opozisaun Fretilin ho...

PR LÚ OLO PREOKUPA NESESIDADES F-FDTL

Prezidenti Republika (PR), Francisco Guterres “Lú...

Close