JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEMANA OIN, GOVERNU APREZENTA PROGRAMA BA PN

SEMANA OIN, GOVERNU APREZENTA PROGRAMA BA PN

Primeiru Ministru (PM), Taur Matan Ruak, hatete, semana  oin Governu konstitusional daualu (VIII) sei aprezenta programa ba Parlamentu Nasional (PN), tamba konstituisaun hatete loron 30 tenki aprezenta ona programa.

“Ami halo  esforsu los mais  ou menus semana oin Governu tenki aprezenta ona programa, tamba iha loron 22 monu iha loron Domingo ona, entaun antes ida ne’e semana klaran programa Governu nian tenki tama ona Parlamentu Nasional,”  dehan PM Taur ba Jornalista hafoin remata enkontru ho Prezidenti Repúblika, Francisco Guterres ‘Lu Olo’, Kinta (12/7/18), iha Palasiu Prezidensial Nicolau Lobato-Bairo Pite, Díli.

PM Taur realsa, maske Governu aprezenta programa maibe membru Governu  seiduak  kompletu, maibe sei kompleta iha tempu badak.

“Governu nia mandatu durante tinan lima, tamba ne’e Governu sei kompletu, no la bele dada fali ne’e to’o tinan lima,”dehan PM Taur.

Xefi Governu ne’e hatutan, kona-ba orsamentu,  maske Governu enfrenta difikuldade, maibe sei esforsu atu atvidiade Governu nian la’o nafatin, liu-liu hanesan prepara aprezenta programa Governu nian, inklui haree orsamentu ba tinan 2018 nian  no importante liu Orsamentu Jeral Estadu ba tinan 2019.

“Nune’e ativa fila fali ita-nia atvidade sira hotu ho kompletu, nune’e ita-nia ekonomia bele la’o oituan,  tamba ita prátikamente Estadu mak investe maka’as, no setor privadu ita nian sei iha difikuldade barak, tamba ne’e mak  kuaze tinan ida investimentu Estadu nian laiha, naturlamente afeta. Tamba ne’e, ita tenki servisu maka’as oinsa mak orsamentu tinan 2019 planeia diak, nune’e buat hotu iha tinan 2019 ne’e bele la’o diak  liu tan,”Subliña PM Taur.

Konstituisaun RDTL

Artigu 108.o (Governu nian Programa) (1). Wainhira Governu nomiadu ona, nia sei halo nia programa hodi hatudu nia objetivu no knaar oioin ne’ebé nia hakarak hala’o, medida ne’ebé atu uza no orientasaun polítika prinsipal sira-ne’ebé nia hakarak tuir iha domíniu atividade governu nian; (2). Primeiru-Ministru hato’o programa governu nian ne’ebé Konsellu-Ministru aprova tiha ona ba Parlamentu Nasionál atu apresia iha prazu la liu loron tolunulu, sura husi loron ne’ebé Governu hahú nia funsaun.

Lee hotu :   Bankada AMP husu PR kria diálogu ■ FRETILIN-PD hasoru PM Taur

Artigu 109.o (Apresiasaun ba Governu nia Programa) (1). Programa Governu nian sei hato’o ba Parlamentu Nasionál atu hetan apresiasaun, no Parlamentu la funsionál karik, tenki konvida ka konvoka sira ba asuntu ida-ne’e; (2). Debate programa Governu nian labele liu loron lima, no to’o remata, grupu ida-idak iha Parlamentu bele husu atu lasimu, eh Governu bele husu votu konfiansa ida; (3). Atu lasimu programa Governu nian, tenke iha apoiu mai husi maioria deputadu husi sira- ne’ebé sei hala’o hela knaar.

Artigu 110.o (Husu votu konfiansa) Governu bele husu ba Parlamentu Nasionál halo aprovasaun ba votu konfiansa ida kona-ba deklarasaun polítika jerál nian eh ba asuntu seluk importante ba interese nasionál.

Artigu 111.o (Mosaun sensura nian) (1). Ho inisiativa baluk-haat ida ¼ deputadu ne’ebé sei hala’o hela knaar, Parlamentu Nasionál bele halo votu sensura ida ba Governu, kona-ba nia programa eh buat seluk ne’ebé relevante ba interese nasionál; (2). Mosaun sensura la hetan apoiu karik, sira-ne’ebé asina mosaun ne’e labele aprezenta fali mosaun seluk, iha sesaun ne’ebé la’o daudaun.Oly  

Add to Comments Here!!!!

error: Content is protected.
Secured By miniOrange
You might also like:
TRIBUNAL LA REJISTA KAZU KRIMI HUSI MEMBRU GOVERNU CNRT  XANANA: PR LÚ OLO HAKAT LIU KONSTITUISAUN

Tribunal Distrital Dili (TDD) deklara katak,...

PNTL SEI HALO OPERASAUN BA KARETA HO MOTOR

Polícia Nasional Timor Leste (PNTL) liu...

UEUMB LA MENTA DESIZAUN MS HAPARA KONTRATU DR METAN

Maski Ministériu Saúde hapara ona kontratu...

Close