JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PUDD DÚVIDA KAPASIDADE EZEKUTOR PROGRAMA GOVERNU ■PM KONTRA NIA KONSIENSIA

PUDD DÚVIDA KAPASIDADE EZEKUTOR PROGRAMA GOVERNU ■PM KONTRA NIA KONSIENSIA

Deputadu bankada PUDD, , hateten, programa VIII Governu furak tebes, maibe nia parte sei mosu dúvida ho ezekutor ba programa nian.

Deputadu ne’e mós konsidera, membru VIII Governu balun ne’ebé hola ona posse presiza aprende tan, hodi implementa programa ne’ebé passa ho ho didi’ak, maske latempu ona povu atu hein bebeik.

“Ha’u lakohi espesífiku, tau jeral de’it, ha’u meragukan (dúvida) ho membru governu balun ne’ebé monta hotu tiha ona ne’e, maibe fó to’ok prioridade iha 100 dias ne’e implementa to’ok buat ruma ba, depois mak ita avalia fali, maibe em prinsipiu hau tau kedas kestaun katak dúvidas atu ezekuta ne’e, maibe fó to’ok oportunidade, maibe hau haré vise no sekretariu estadu balun kapaz tebes perfeitu, maibe balun presiza aprende tan, maibe povu ne’e la hein ema atu aprende bebeik, povu ne’e hein atu lideransa sira ezekuta de’it ona, la’os atu hein bebeik, tanba ita ukun an tinan 10 resin ona, labele hein bebeik,”hateten deputadu António de Sá Benevides ba jornalista iha Parlamentu Nasionál (PN), Tersa (31/07/2018).

 Tuir lejislador ne’e, Programa VIII Governu ne’ebé foin liu, nu’udar baze husi Planu Estratéjiku Dezenvolvimentu Nasionál (PEDN) nian, tanba ne’e nia parte preokupa de’it kapasidade ezekutor no piorliu tan membru Governu save sira seidauk kompletu.

 Alende ne’e, deputadu PUDD ne’e mós, husu membru Governu atu realístiku ba buat ne’ebé bele no labele, tanba kapasidade membru Governu mak determina imajen Primeiru Ministru no VIII Governu nian.

“Ba ne’e programa hau la preokupa, tanba programa ne’e mai husi PEDN nian, maibe AMP ne’e amatir tiru modifikasi de’it, tanba tiru de’it buat ne’ebé IV, V no VI Governu halo ona, depois sira modifika oituan, estratejia polítika sira nia ne’e kapaz, maibe se mak atu implementa programa ida furak hanesan ne’e, ho kualidade membru governu ida agora ne’e, piroliu tan membru governu de’it seidauk kompletu, hanoin presiza hadia lai karik, Ita tenke realístiku, se iha kbi’it atu hi’it de’it fós karon 10, hi’it de’it mak fos karon 10 ne’e, labele hi’it fali fos karon 20, tanba ne’e mak membru governu tenke realístiku, katak bele ka labele assume kargu ruma, tanba sei barak,”dehan António de Sá Benevides.

Lee hotu :   Alkatiri: FRETILIN-PD seidauk iha akordu lao hamutuk iha EA “CNRT PLP ho KHUNTO hamutuk”

Deputadu ne’e mós konsidera Primeiru Ministru (PM), Taur Matan Ruak, kontra nia konsiensia rasik, hodi simu membru Governu ne’ebé maske nia parte rasik sei dúvida, tanba demokrásia.

“Ba ha’u Primeiru Ministru (PM) ema ida onestu no haraik an, inklui matenek mós, nia hatene hela buat ida ne’e, nia husik buat ne’e akontese tanba demokrásia. Ba ha’u PM kontra hela-nia konsiensia, maibe tanba demokrásia nia hatene hela membru governu ne’ebé labele duni, maibe nia husik de’it,”realsa António de Sá.

Deputadu PUDD ne’e mós sujere, PM Taur presiza halo avaliasaun, hafoin oportunidade loron 100 ba ezekutivu sira atu ezekuta programa prioridade sira kada ministerial nian.

Alende ne’e, deputadu PD, Antonio da Conçeição mos hateten, kapasidade membru governu ba análiza no tradusaun mak sei komprova iha materia implementasaun programa.Say

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 29 Jullu 2018

Mundu ho Tétun GMNTV 28 Jullu 2018

PJR APREZENTA RELATÓRIU ANUAL BA PN

Prokurador Jeral Repúblika (PJR), José da...

Close