JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prezidenti KFP aktualiza servisu ba PM Taur

Prezidenti KFP aktualiza servisu ba PM Taur

Prezidenti Komisaun Funsaun Públika (KFP), Faustino Cardoso, Sesta (28/9/18), aktualiza polítika avaliasaun dezempeña ba rejime kareira Funsaun Públiku nian ba Primeiru Ministru (PM), Taur Matan Ruak, atu bele intende.

Iha sorumtu ne’e Prezidenti Komisaun Funsaun Públika, Faustino Cardoso, hato’o problema sira ne’ebé iha ligasaun ho Funsaun Públika, no mós preparasaun komisaun funsaun públika nian atu halo promosaun ba funsionáriu sira.

“Ha’u mai halo audiénsia ho Primeiru Ministru, hodi halo aktualizasaun ba problema sira iha Funsaun Públika nia laran, ida mak kona-ba estrutura orgaun nivel ministerial nian, tanba iha kada ministériu nivel mais alto mak Diretor Jeral sira, maibé akontese iha ministériu balun, Diretor Jeral ne’e liu husi ida. Entaun Preokupasaun Primeiru Ministru nian, se hanesan ne’e, se mak atu rona se”,deklara Faustino Cardoso, ba jornalista sira hafoin sorumutu ho Xefi Governu iha Palásiu Governu.

Maibé Faustino dehan, iha sorumutu ho Xefi Governu ne’e, sira la’os atu buka solusaun ba problema Diretor Jeral iha Ministeriu balun liu husi ida ne’e, maibé KFP informa de’it situasaun aktual funsaun públika nian ba Xefi Governu.

Faustino dehan, KFP sei buka atu identifika vantajen no des-vantazen husi situasaun ne’e, tanba Diretor jeral sira ne’e, sai nu’udar pozisaun ás liu iha funsaun públika, ne’ebé bazeia ba profisionalidade, la’os polítika.

“Ha’u aktualiza ba Primeiru Ministru kona ba ita nia polítika kona ba, avaliasaun dezempeñu. Kona ba rejime kareira ita nia iha Funsaun Públika, ita nia rejime kareira iha funsaun públika ne’e sa’e vertical no horizontal”,dehan Faustion Cardoso.

Iha sorumutu ne’e, Faustino aktualiza ba Xefi Governu kona ba preparasaun ne’ebé mak oras ne’e dadauk KFP hala’o hela, hodi fo promosaun iha tinan oin mai, hahú iha fulan Janeiru.

Lee hotu :   PRESIDENTE DA REPÚBLICA PRESIDE AO CONSELHO DE ESTADO

Tuir nia, oras ne’e KFP halo hela preparasaun atu avansa ba promosaun iha funsionáriu públiku rejime jeral nian.

“Ita iha funsionáriu permanente rihun 29 resin, no husi númeru ida ne’e, 13.636 tama iha rejime jeral nian, rihun 10 resin priense rekejitu atu tama iha promosaun. Promosaun ne’e atu sa’e grau ka horizontal, tanba iha sistema promosaun ne’e, garu G ne’e mak ki’ik liu, no garu A ne’e bo’ot liu. Promosaun ne’e KFP sei halo avaliasaun ba nia dezempeñu servisu, no sei tuir teste,”dehan tan faustino Cardoso.

Faustino mós informa ba Xefi Governu kona ba problema infrasaun disiplinar, ne’ebé KFP hanoin atu liga problema ne’e ho reforma ba sira ne’ebé idade tama ona tinan 60.

“Ita ko’alia kona ba reforma, bazeia ba lei rejime kontributivu iha nia preamblu, no lei ne’e kontempla prinsipiu obrigátoriu. Maibé prinsipiu ida ne’e la kontempla ka operasionaliza liu husi ninia artigu, tanba kuandu atu implementa reforma ne’e, tenki hatur iha artigu ida. Tanba ne’e mak ha’u aktualiza ba Primeiru Ministru situasaun ida ne’e, no mosu hanoin atu halo alterasaun ba dekreitu lei ne’e hodi buka asegura katak, obrigatoriu ne’e tenki hala’o katak, se mak idade tinan 60 ona, obrigatóriu tenki tama ona reforma hodi nune’e fó fali tempu ba jerasaun foun sira. Tanba ita nia lei ne’e dehan katak, atu reforma ne’e, bazeia ba rekerementu ka pedidu husi funsionariu  ne’e, se nia lahatama pedidu, reforma laiha. Funsionáriu públiku ne’ebé atu reforma ne’e, agora rihun ida resin ona, no ema sira ne’ebé idade tama ona tinan 60 ne’e mós rihun ida resin ona”,dehan nia.

Lee hotu :   Governu Cuba kontinua apoiu TL

Iha sorumutu ne’e, PM Taur sujere ba KFP atu prepara proposta ida ba alterasaun dekretu lei ne’e, hodi bele obriga reforma kuandu atinji ona tinan 60.

“Ami ko’alia mós kona ba funsionáriu kontratadu sira, tanba ita iha funsionáriu permanente, no ita mós iha funsionáriu kontratadu. Funsionáriu kontratadu ne’e, iha kategoria tolu principal, ida mak ajentes da administrasaun públika ne’eb’e to’o oras ne’e ita iha rihun 4 resin, no ida seluk mak casual sira, no ita iha rihun 6 resin, sira ne’ebé kontratasaun ho dekretu Governu númeru 6/2015 nian”,dehan Faustino Cardoso.cos

Add to Comments Here!!!!

error: Content is protected.
Secured By miniOrange
You might also like:
MS promete kombate barata iha HNGV

Ministériu Saúde (MS) liu husi Primeiru...

Mudansa estrutura FRETILIN depende polítika partidu

Vise Xefi bankada FRETILIN, deputadu Francisco...

Governu sei reforsa kapitaliza BNCTL

Governu konstitusional daualu iha hanoin ona...

Close