JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alexandrino: husu governu tau atensaun ba DNSPP

Alexandrino: husu governu tau atensaun ba DNSPP

foto:facebook Alexandrino Xavier Aroújo

Sekretariu Estadu Protesaun Sivil (SEPS) Alexandrino Xavier Aroújo hatete, presiza tau atensaun ba kondisaun baziku Diresaun Nasionál Seguransa Patrimonio Públiku (DNSPP) nian.

Tanba ne’e, nia parte agradese ba na’in- deputadu sira iha uma fukun Parlamentu Nasionál ne’ebé ho fuan bo’ot aprova ona subsidiu alimentar husi 1 dolar ba 2. 50 sentavos ba DNSPP.
“Iha DNSPP ha’u dehan bebeik ona, sira nia kondisaun bazíku ls sufidirnti, tanba ne’e ha’u agradese ba na’i deputadu sira bele aprova ona subsidiu alimentar uluk $1 loron ida, agora sa’e ba $ 2.50 sentavos loron ida.” Dehan Alexandrino, ba jornalista sira hafoin remata enkontru ho xefe gabinete no supervisor husi Munisípiu 12 inklui Raeoa iha edifisiu DNSPP Matadoru, Sesta-Feira (05/10/ 2018).

Nia hatete, nia parte iha ona planu atu sosa fardamentu inklui fó formasaun ba pesaol seguransa sira, oinsa atu bele profesionaliza sira nia servisu wainhira hala’o kna’ar iha servisu fatin. Inklui prepara estatutu ba diresaun ne’e nian para bele rekoiñese pesoal sira nia estatutu iha prosesu servisu.

“Diresaun ida ne’e hanesan diresaun seguransa patrimoniu públiku, entaun sira tau atensaun ba patrimoniu públiku, tanba ne’e maka ligadu ho sira nia fardamentu no subsidiu tanba sira servisu durante oras 24. No buat importante maka atu prepara estatutu diresaun ida ne’e nian para rekoiñese sira nia estatutu iha prosesu servisu, balun moras no mate derepenti karik oinsa ho sira nia estatutu”.

Nia dehan, iha enkontru ne’e mós, nia parte fo orientasaun ba xefe gavinete no supervisor husi Munisípiu 12 no Raeoa atu kontinua manten disipliña no kumpri regras sira ne’ebé establesidu ona iha servisu fatin.

Lee hotu :   PR Lú Olo : Kompozisaun VII Govenu refleta nesesidade Estadu

Entertantu, Alexandrino akresenta katak, pesoal kontratadu 140 ne’ebé durante ne’e hala’o servisu iha diresaun refere kuaze tinan 10 sedauk hetan kontratasaun. Tanba ne’e nia parte tenta ona ho funsaun públiku atu foti ema hirak ne’e sai hanesan agente administrasaun públiku.

“Ba sira ne’ebé kontratadu iha 140, balun sai ona, ida ne’e ha’u tenta hela oinsa para atu bele halo planu ida ligasaun ho funsaun públiku para foti sira ba agente administrasaun públiku. Ho razaun tanba sira balun servisu durante tinan 10 no balun to tinan 10 ona desde tinan 2002 maun Davit Ximenes mai ka’er iha ne’e to fali agora sira sei nafatin kontratadu. Ida ne’e maka iha ona planu, para atu bele oinsa tau kondisaun ruma ba sira.”

Iha fatin hanesan, Diretor Nasionál DNSPP, Francisco Soares da Silva, hatete, enkontru refere importante tebes ho ojetivu tanba sekretariu estadu foin maka asumi kargu refere, sedauk halo enkontru geral ida ho DNSPP. Tanba ne ohin foin realiza enkontru ida ne’e.Aes

Add to Comments Here!!!!

error: Content is protected.
Secured By miniOrange
You might also like:
Estrada difikulta komunidade Bobonaro

Prezidente interinu Autoridade Munisípiu Bobonaro (AMB),...

PNTL bandu lori atributu partidu simu Xanana

Polísia Nasionál Timor-Leste (PNTL), bandu ema...

HABURAS VIDA ESPIRITUAL GMNTV Edisaun.41

Close