JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dúvida dada kadoras GS mai TL, MJEDPTL husu sosiedade sivil labele “asbun”

Dúvida dada kadoras GS mai TL,  MJEDPTL husu sosiedade sivil labele “asbun”

Movimentu Juventude no Estudante Pro Demokrasia no Povu Doben Timor-Leste (MJEDPTL), husu ba sosiedade sivil, no ONG sira, atu labele “asal bunyi/asbun” hodi dúvida ho kapasidade Timor-Leste nian ba dada kadoras husi kampo mina-rai Greater Sunrise (GS) mai Timor-Leste, maibe presiza análiza no peskiza klean hodi hatudu dadus konkretu ba públiku.

Tuir MJEDPTL katak, sosiedade sivil, ho ONG sira mak laiha estudu viabilidade ruma nune’e hasai deklarasaun laiha baze fundamental mak hamo­su de’it konfuzaun ba povu.
Nune’e mos, Movimentu Juventude no Estudante Pro Demokrasia no Povu Doben Timor-Leste (MJEDPTL), husu orgaun soberanu ha’at, hanesan Prezidenti Repúblika, Parlamentu Nasionál , Governu no Tribunal Rekursu atu hametin unidade nasio­nál hodi fó espasu ba Xefe Negosiador Prinsipal atu kontinua halo negosiasaun to’o dada kadoras mai Timor-Leste, ne´ebé mak durante ne´e povu hein hela.

Movimentu Juventude no Estudante Pro Demokrasia no Povu Doben Timor-Leste (MJEDPTL), nu’udar movimentu ne´ebé mak independente ho povu doben Timor-Leste, fó parabens ba Kay Rala Xanana Gusmão, no senti orgullu ba asina akordu sosa asaun Cono­coPhillips 30% iha kampu greater sunrise, hodi fó dalan ba partisipasaun Estadu Timor-Leste, husi Kompaña nasionál Timor GAP ba operasaun greater sunrise.

Objetivu final husi prosesu sira ne´e mak atu lori fabrika gas greater sunrise mai Timor-Leste. “Ami fó parabens no gratidaun ba heroi ida ne´ebé nunka sura kolen, fuan osan mean ba povu rai doben ida ne´e. Ami hakarak husu ba orgaun soberanu ha’at, hanesan Prezidente Repúblika, Parlamentu Nasionál , Governu no Tribunal Rekursu atu hametin unidade nasionál hodi fó espasu ba Xefe Negosiador Prinsipal atu kontinua halo negosiasaun to’o dada kadoras mai Timor-Leste, ne´ebé mak durante ne´e povu hein hela“.esplika Portavos MJEDPTL, Julio da Silva ba jornalista sira Sabadu (07/10/18) iha Jardim 5 de Maio, Díli.

Lee hotu :   PN DESIDE ONA MEMBRU KEP

Husu ba partidu politiku sira labele politiza greater sunrise hodi impede negosiasaun tanba nia benefisiu ba povu tomak la´os ba grupu ka individu balun de´it. No husu ba povu Timor-Leste laran tomak atu kontinua fó konfiansa nafatin ba komandante Xefe Kay Rala Xanana Gusmão ba esforsu tomak atu dada kadoras ne´e mai Timor-Leste. Husu ba lia nain sira no amu lulik sira, atu kontinua hamulak no fanun rai lulik , foho lulik,, fatuk lulik,, tasi lulik, be-lulik martires sira atu hader ba hodi fó kbiit ba abo Nana, sarani sira reza nafatin para maromak fó kbiit ba negosiador prinsipal Kay Rala Xanana Gusmão.

“Tan ne´e ami husi Movimentu Juventude no Estudante Pro Demokrasia no Povu Doben Timor-Leste (MJEDPTL), fó votus konfiansa ba susesu bo’ot, tanba ita bo’ot nia lia fuan ne´ebé motiva ami jerasaun kroat tebes ba Timor-Leste, ida buras liu. Ha´u nia luta la´os mai ha´u, ha´u nia luta ba imi no bei oan sira, ohin imi bele hamnasa no haksolok tamba iha esperansa dia’k ba imi nia futuru. Adeus ho duvida bem vindo kadoras mai Timor-Leste“,dehan Julio da Silva.

Xefe Negosiador Fronteira Marítima Kay Rala Xanana Gusmao, lori Estadu Timor Leste, asina akordu ho Prezidente Conocophillips Chris Wilson, hodi sosa Interese ConnocoPhillips pursentu 30, iha kampu Greater Sunrise, iha Sesta, loron rua nulu resin walu, fulan Setembru, iha otel conrad nusa dua Bali, Indonézia.avi

Add to Comments Here!!!!

error: Content is protected.
Secured By miniOrange
You might also like:
PN forma ona KIP fiskaliza projetu 142

Meja Parlamentu Nasionál (PN) deside no...

Alexandrino: husu governu tau atensaun ba DNSPP

Sekretariu Estadu Protesaun Sivil (SEPS) Alexandrino...

Estrada difikulta komunidade Bobonaro

Prezidente interinu Autoridade Munisípiu Bobonaro (AMB),...

Close