JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprezenta OJE 2019 iha inisiu Novembru

Governu aprezenta OJE 2019 iha inisiu Novembru

Primeira Vise Prezidenti Parlamentu Nasional (PN), Maria Angelina Sarmento, informa, VIII Governu konstitusional sei aprezenta Orsamentu Jeral Estadu (OJE) 2019 iha inisiu fulan Novembru, tanba tempu maka la permiti atu aprezenta imediatamente.

“Tuir lei orsamentu jestaun finanseira no mós rejimentu PN kada tinan Governu tenki aprezenta  no submete OJE 2019 iha loron 15 Outubru, signifika katak prazu aprezentasaun iha Segunda (15/10) ne’e, maibé atu bele Governu aprezenta  em antesidensia ba PN, kona-bá Governu seidauk bele submete OJE 2019 tuir prazu legal ne’ebé maka determina, iha loron 15 Outubru, entaun Governu haruka ona karta mai PN, informa sobre adiamentu submisaun OJE 2019”,Primeira Vise PN ba jornalista sira iha resintu uma fukun PN, Kuarta (17-17-2018).

Nia akresenta, iha semana kotuk PN simu ona karta husi Primeiru Ministru (PM), Taur Matan Ruak, katak Governu sei aprezenta  proposta OJE 2019 iha loron 9, fulan Novembru, signifika iha informasaun antesidensia husi Governu, ne’e laiha problema, tanba presiza iha komunikasaun entre instituisaun Estadu sira.

“Iha karta ne’e esplika no justifika katak PN foin dau-daun halo debate kona-bá OJE 2018 foin finaliza iha fulan kotuk no Governu laiha biban atu elabora kedas OJE 2019, maibé tuir loloos OJE 2019 tenki aprezenta  iha dia 15 Outubru,” haktuir Maria Sarmento.

Nia haktuir, tuir planu sei hahú debate OJE 2019 iha inisiu fulan Dezembru, maibé PN kontinua husu ba Governu atu kumpri data prevista ne’ebé preve iha lei no rejimentu PN, atu Governu bele kumpri no labele exede limitasaun ne’ebé maka prazu legal estabelese iha lei.

Kona-bá debate tuir rezimentu depois de halo submisaun, sé ninia prazu ne’e normal, entaun PN presiza iha 30 dias atu halo preparativu sira antes to’o iha debate, preparativu inklui audensia ho instituisaun relevante ho komisaun espesializada permanente sira, depois de audensia maka PN sei halo ninia kalendariu liu-liu komisaun C maka sei aprezenta  esbosu kalendariu sobre audensia no debate”,relata Primeira Vise Prezidenti PN ne’e.

Lee hotu :   Governu esforsu ezekuta OJE ho rigor "FRETILIN konsidera OJE laiha balansu"

Husi sorin seluk, Vise Xefi bankada FRETLIN, Francisco Miranda Branco, hateten, tuir lei, OJE 2019 tenki aprezenta  iha loron 15 Outubru ne’e, maibé tanba tempu limitadu, tanba ne’e maka sei aprezenta  ba meja PN iha loron 9 Novembru, tinan ne’e.

“Governu haruka tiha ona pedidu mai, atu PN bele extende sira-nia proposta lei OJE 2019, ami kompriende, tanba tempu ne’e badak liu, ita labele eziji atu Governu buat sabraut no rungu-ranga de’it, depois lori mai PN maka halo orsamentu foun ida fali, ne’ebé atu evita buat sira ne’e hotu, entidade ne’ebé kompotente liu atu aprezenta  OJE 2019, tuir planu Governu sira nian no PN sei hare hodi tetu pezu orsamental, estuda, hodi fó sira nia pareser hodi desidi,” haktuir Francisco Branco.

 Enretantu OJE ba tinan 2019 ne’ebé Governu propoin ba uma fukun PN ho montante billiaun $1.3.ves 

Add to Comments Here!!!!

error: Content is protected.
Secured By miniOrange
You might also like:
PNTL husu komunidade hapara konflitu ■Vijilansia iha estrada sei maka’as

Komandante Polísia Nasionál Timor-Leste (PNTL), Superintendente Xefe...

PN prevé millaun US$2.6 sosa kareta foun ba deputadu

Parlamentu Nasionál (PN) V lejislatura prevé...

OJE 2019, Governu fo prioridade ba insfraestrutura

Primeiru  Ministru (PM),Taur Matan Ruak, informa,...

Close