JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kandidatu KAK versaun FRETILIN hahú prepara

Kandidatu KAK versaun FRETILIN hahú prepara

Bankada FRETILIN iha Parlamentu Nasionál (PN) hahú prepara hela lista kandidatu ba Komisáriu Komisaun Anti Korupsaun (KAK), versaun FRETILIN ni’an atu rekomenda ba governu, hodi aprezenta hikas ba PN, relata vise xefi bankada FRETILIN, Francisco Branco ba jornalista iha PN, Sesta (12/10/2018).      

Relasiona ho preparasaun kandidatu KAK ne’e, jornalista tenta konfirma identidade kandidatu ne’e, maibe deputadu opzisaun ne’e lakohi anunsia uluk no lakohi fó komentariu bainhira mak atu rekomenda ba governu hodi aprezenta hikas ba PN.

“Xefi bankada mak sei halo hela, sei jere hela situasaun ne’e”,relata Vise Xefi bankada FRETILIN, Francisco Miranda Branco.

Antes ne’e, deputada FRETILIN, Josefa Pereira, deklara, bankada FRETILIN sei aprezenta pessoal ne’ebé durante ne’e haknaar-an iha Prokuradoria Jeral Repúblika.

Iha sorin seluk, Prezidente Parlamentu Nasionál (PPN), Arão Noe de Jesus da Costa Amaral, justifika katak, nia parte seidauk konsege organiza diálogu entre líder bankada opozisaun ho bankada Aliansa Maioria Parlamentar (AMP) liu-liu Fretilin ho CNRT rasik, hodi hetan konsensu ba komisáriu KAK nian, tanba okupadu ho servisu.

“Loloos ne’e hakarak halo duni enkontru ida antes, maibe iha semana ida ne’e preokupasaun mak barak liu, ne’e mak ha’u seidauk fiksa loron para halo enkontru ne’e ho líder bankada sira”,klarifika Prezidente PN, Arão Noe.

Líder másimu V lejislatura ne’e informa, bainhira iha semana ida ne’e ka semana oin mak iha tempu, nia parte sei organiza enkontru ho líder bankada parlamentar sira, hodi buka konsensu atu hetan kandidatu ba komisáriu KAK nian, nune’e bele deside ona tuir kompetensia órgaun lejislador nian, tanba ezekutivu kumpri ona nia dever hodi aprezenta.

Lee hotu :   FRETILIN husu meja PN halo leitura karta lamentasaun husi PR ba deputadu Guntur

“Hein to’ok, se iha tempu besik mak sei konvoka reuniaun ida ho líder bankada sira”,Arão Noe garante.

Antes ne’e, ideia husu PPN organiza diálogu ne’e, rekomenda husi deputadu opozisaun sira, atu nue’e iha konsensu lalais hodi deside ona komisáriu KAK nian, atu labele pendente tan ajenda ne’e, no labele abandona tan instituisaun importante ne’e.

Ajenda ba komisáriu KAK nian, adia ba dala neen ona, tanba laiha konsensu entre bankada opozisaun ho bankada apoia governu hodi aprezenta kandidatu, nune’e bankada FRETILIN sempre abandona plenária hodi la priense kuorum, bainhira to’o ajenda eleisaun ba KAK.

Antes ne’e, VIII Governu liu hosi konsellu ministru aprova no aprezenta ona kandidatu na’in rua ba Parlamentu Nasionál atu deside, mak hanesan kontinua Adérito Tilman ho Sergio Hornai.Say

Add to Comments Here!!!!

error: Content is protected.
Secured By miniOrange
You might also like:
Governu sei kria regulamentu ba media sosial

Dadauk ne’e media sosial sai preokupasaun...

Oscar Lima promete sei fo atensaun ba membru CCI-TL

Kongresu Nasional Camara Comersio Industria Timor...

Ema hana joven ida ho rama ambon iha Paiol ■Autoridade lokal husu PNTL kaptura suspeitu

Júlio Alves ho idade 19 hetan...

Close