JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2019 PJR propoin milaun US$4.9  adisional milaun US$2

OJE 2019 PJR propoin milaun US$4.9 	adisional milaun US$2

Prokurador Jeral da Republika, José Ximenes iha Kinta (25/10), partisipa iha reuniaun komite revizaun politika orsamental tinan 2019. Iha reuniaun komite revizaun politika orsamental ne’e, José Ximenes aprezenta planu orsamental tinan 2019 ba Governu ho montante dolar amerikanu milaun US$ 4.9.

Maibé Prokurador Jeral Republika husu tan orsamentu adisional dolar amerikanu milaun 2 ba bens servisu no aumentu prokurador nain lima iha PJR.

“Iha aprezentasaun Orsamentu ne’e, ami aprezenta ba ita nia Governu PJR nia orsamentu total milaun US$ 4.9. Ami husu orsamentu adisional iha saláriu no bensimentu hamutuk rihun US$ 490 resin. Adisional ida ne’e ita husu tanba tinan oin ita aumenta Prokurador nain lima, no ita iha Prokurador balu ne’ebé servisu tiha ona tinan hat, sei promove ba primeira klase iha tinan oin, no iha mós ofisial justisa ne’ebé iha progresu husi sklaun ida ba sklaun seluk mós, iha impaktu ba salarial,” informa José Ximenes ba jornalista sira iha Ministériu Finansas Aitarak Laran Dili.

Nia hatutan, PJR husu adisional ne’e ba  servisu extra-ordenáriu, nomós servisu retornu ne’ebé PJR propoint US$ 15.000 resin.

José Ximenes afirma, iha bens servisu, PJR konkorda atu la husu orsamentu adisional, tanba orsamentu ne’e nesesáriu ona ba PJR atu halo jestaun to’o nivel Distrital hotu.

José Ximenes dehan, iha kapital menor, PJR husu orsamentu adisional US$ 337.000 resin, tanba bainhira aumenta rekursu umanus, tenki iha impaktu mós ba kapital menor.

“Kapital dezenvolvimentu ne’e, ami hakarak harii tan Prokuradoria ida iha Munisípiu Lospalos, atu bele hakbesik liu tan justisa ba ita nia komunidade, hanesan planu estratéjika setór justisa nian, entaun ami husu rihun US$ 700 resin,” relata José Ximenes.

Lee hotu :   Bankada AMP husu PR kria diálogu ■ FRETILIN-PD hasoru PM Taur

Nia esplika, tanba prokuradoria rasik laiha ona espasu, entaun hakarak harii tan edifisiu ida iha Prokuradoria Jeral nia kotuk, atu servisu espesializadu sira hanesan kombate korupasaun, bele funsiona iha ne’eba.

“Ami husu orsamentu adisional total milaun US$ 1.2. ami agradese tebes ba Governu, tanba sira apresia hodi aprova ami nia planu adisional sira ne’e, tanba planu importante PJR nian mak, ema hotu tenki asesu ba justisa,” relata José Ximenes.cos

Add to Comments Here!!!!

error: Content is protected.
Secured By miniOrange
You might also like:
SEPFOPE fahe sertifikadu ba formandu 271

Sekretaria Estadu Polítika Formasaun, Profisionál no...

Membru Tránzitu tula nia oan la uza kapaseti

Membru Polisia Nasional Timor -Leste (PNTL)...

Joven ida kona hana rama ambon “PNTL konsidera fotografia antigu”

Komandante Polisia Nasional Timor-Leste (PNTL), Munisipiu...

Close