JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Uluk ha’u nia tempu deputadu sa’e taxi ba Parlamentu Nasional

PR Lú Olo: Uluk ha’u nia tempu deputadu sa’e taxi ba Parlamentu Nasional

Prezidente Repúblika (PR), Francisco Guterres ‘Lú Olo’, hatete uluk nia sei Prezidente Parlamentu Nasional (PN) iha primeira lejislatura, deputadu sira sa’e taxi deit ba servisu iha PN no perdiem US$5 deit, agora oin seluk ona.

Atual Xefe Estadu hato’o lia hirak nee ba jornalista sira, Sesta-feira nee relasiona ho asaun manifestasaun nebe Movimentu Universitariu Timor Leste (MUTL) halao  hodi kontra dezisaun PN nian atu sosa kareta foun ba lejislativu sira.

“Hau la bele hatete dehan nesidade ou la iha nesidade, maibe uluk  hau nia tempu ami sae taksi  deit maka mai hal servisu iha Parlamentu Nasional no ami nia perdiam $5 dollar  amerikanu, no ami la sae kareta prado hodi halo servisu iha Parlamentu Nasional ne’e ami nia esperensia, maibe agora oin seluk ona”,  realsa eis Prezidente Parlamentu ba lejislatura dahuluk nee.

Prezidenti Republika  Francisco Guterres Lu-Olo hatete, Movimentu Estudante Timor Leste (MUTL ) ne’ebe  halo manifestasaun  ka demonstrasaun hasoru Parlamentu Nasional (PN) ne’e  hanesan asaun ne’ebe lei no konstituisaun fo dalan ba sidadaun hotu hotu atu espresa sira nia sentimentu , inklui mos estudante sira, tamba sira mos nudar sidadaun.

“Estudante sira halo manifestasaun, ita nia lei no ita nia konstituisaun Diretu liberadade ba sidadaun hotu para atu bele espresa sira nia sentimentu no sira nia hakarak liu husi  manifestasaun no reklamasoens liu husi petisaun buat sira ne’e hotu no  Parlamentu Nasional bele responde ba ita nia estudante sira” dehan Prezidenti Republika.

Xefe Estado haktuir katak nia seidauk rona informasaun ofisial husi Prezidente Parlamentu Nasional konaba PN aprova orsamentu ketak atu sosa kareta foun.

Lee hotu :   Opozisaun konsidera Kalbuadi Lay halimar ho PN

Ejiensia MUTL

Kordenadór  MUTL, Jones Chega hatete MUTL kontra dezisaun Parlamentu nasional atu sosa kareta 48 ba deputado foun tamba povu ohin loron nee sei kiak no mukit.

Kordenador MUTL nee husu mos ba Ministeriu Publiku atu hasai karta mandadu ba PNTL atu  rekolha Prado neebe antes nee Parlamentu halo ona leilaun ba deputadu terseira Lejislatura, tanba kondisaun sei diak atu deputadu Kinta lejislatura bele uza.

Nia hatutan, MUTL husu nafatin ba Prezidente Parlamentu Nasional  atu obriga eis deputadu terseira Lejislatura atu entrega hikas kareta Prado iha tempu badak  bainhira Parlamentu mantein ho desizaun nee MUTL sei kontinua halao manifestasaun hasoru Parlamentu Nasional.

Manifestasaun distansia 100 metru

Komando Polisia Nasional Timor-Leste (PNTL) Munisipiu  Dili, autoriza Movimentu Universitariu Timor-Leste (MUTL) halo manifestasaun, maibe  tenki   ho distansia 100 metru husi edifisiu Parlamentu Nasional (PN).

MUTL sira konkorda hodi realiza manifestasaun  iha area universitariu Fakuldade Ekonomi Universidade Nasional Timor-Leste (UNTL) nebe kuaze 100 metru husi Parlamentu Nasional.

Ofisial Treinador Munisipiu Dili, Sarjentu Polisia   Marcal  Aly Metan, husu movimentu  universitariu Timor-Leste atu mantein paz no estabilidade durante halo manifestasaun.

“ Karta  ne’ebe mak ba ne’e dehan halo manifestasaun iha kampus ekonomia, tenki tuir lei 100 metrus I tenki dook husi edifisiu Governu. Tanba ne’e mak ami mai para koordena ho sira, atu manifestasaun ne’e lao iha dame nia laran,”esplika Sarjentu Polisia   Marcal  Aly Metan, ba jornalista sira iha Resintu Parlamentu Nasional.

Manifestasaun ne’ebe mak  organiza husi MUTL  hodi ejiji ba Parlamentu Nasional atu  hapara sosa kareta foun ba deputadu sira tamba kareta nebe deputado kuatru lejislatura uza nee sei diak.

Lee hotu :   PN laiha koñesimentu deputada FRETILIN uza kupon Estadu enxe mina ba kareta privadu

Nunee mos ejiji orgaun lejislativu nee atu dada kareta Prado husi eis deputadu sira sei uza atu entrega ba deputado foun sira hodi uza ba halo fiskalizasaun.

Iha manifestasaun nee, MUTL lori espaduk nebe hakerek hapara sosa kareta foun no dada kareta tuan nebe eis deputado sira sei uza no mo lori kaisaun nebe tau foto Prezidente Parlamentu nian no Vise Presidente Parlamentu.

Manifestasaun nee lao kontroladu tamba hetan seguransa masimu husi Polisia Nasional Timor Leste.Oly/ avi/aba

 

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 28 Outubru 2018

Mundu ho Tétun GMNTV 27 Outubru 2018

JORNAL NACIONAL GMNTV KALAN, Loron-28 Fulan-Outubru Tinan-2018

Close