JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Antes deside promulga ka veta, PR sei estuda lei atividade petrolíferu

Antes deside promulga ka veta, PR sei estuda lei atividade petrolíferu

Prezidenti Repúblika (PR), Francisco Guterres Lú Olo, sei estuda hela lei atividade petrolíferu, molok desidi promulga ka veta. 

Maske, Sosiedade Sivíl sujere Prezidente Repúblika, atu veta lei atividade petrolíferu ne’ebé parlamentu altera foin lalais ne’e, tanba konsidera Timor-Leste seida’uk nesesáriu atu altera lei atividade petrolíferu anterior, enkuantu, lei anterior sei kontinua garante transferénsia no akuntabilidade Governasaun.

Mabe, Prezidenti Repúblika, Francisco Guterres Lú Olo, hateten nia parte sei estuda klean lei alterasaun molok desidi atu promulga ka veta.

“Ha’u sei estuda lei, horseik ha’u hateten ona orsida imi rona ona, imi hatene ona dekretu lei ruma husi parlamentu nasional ida 30 dias atu veta ka atu promulga,” deklara, Prezidenti Repúblika Francisco Guterres Lú Olo, ba Jornalista sira, Tersa (27/11/2108) iha Igreza Motael hafoin partisipa selebrasaun Missa de Graça ba selebrasaun loron proklamasaun ba dala 43.

Antes ne’e,sosiadade sivil husi FONGTIL no La’o Hamutuk konsidera lei alterasaun atividade petrolíferu númeru 13/2005, artigu 22, hakarak hasai kbiit no kompeténsia Tribunál de Contas hodi garante Tranferénsia no Akuntabilidade ba fundus atividade petroliferu nian.

Ne’ebé, alterasaun Lei ne’e hetan aprovasaun iha Parlamentu Nasional ho votus a favór 38, kontra 23, abstensaun zero.

Konstituisaun RDTL

Tuir konstituisaun RDTL artigu 88.˚ (Promulgasaun no Vetu) iha númeru 1. Iha prazu loron tolunulu nia laran, hahú hosi simu diploma naran ida husi Parlamentu Nasionál atu promulga hanesan lei, Prezidente-Repúblika bele promulga eh uza direitu vetu nian, hodi husu apresiasaun foun kona-ba lia-tatoli ne’e ho fundamentu; 2. Maka Parlamentu Nasionál, iha prazu loron sianulu nia laran, konfirma karik votu tuir maioria absoluta Deputadu sira-nian, ne’ebé serbisu hela, Prezidente-Repúblika sei promulga diploma ida-ne’e, iha prazu loron 8 nia laran, hahú husi loron ne’ebé nia simu; 3. Ne’e mós sei presiza, maioria baluk-tolu rua (2/3) Deputadu sira-ne’ebé prezente, no tenke liu maioria absoluta Deputadu sira-ne’ebé serbisu hela, atu konfirma diploma sira-ne’ebé iha matéria Artigu 95 nian; 4. Iha prazu loron haatnulu nia laran sura husi simu diploma naran ida Governu nian atu promulga, Prezidente-Repúblika bele promulga eh uza ninia direitu vetu, hodi hakerek ba Governu fó-hatene nia vetu katak sá. Eus

Lee hotu :   Governu la tolera uza ID falsu trata ukun nain

Add to Comments Here!!!!

error: Content is protected.
Secured By miniOrange
You might also like:
PN husu povu tau konfiansa ba PNTL

Reprezentante povu iha uma fukun Parlamentu...

Alkatiri konsidera VIII Governu laiha poder Estadu ■La partisipa iha debate ne’ebé Xanana sei halo

Eis Primeiru Ministru (PM), VII Governu...

Komemora 28 Novembru, PR Lú Olo: Povu kontinua moris ki’ak no mukit

Prezidenti Republika (PR),Francisco Guteres Lú Olo,...

Close