JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ho TC-BCTL diskute alterasaun lei atividade petróliferu

PN ho TC-BCTL diskute alterasaun lei atividade petróliferu

Komisaun C ho komisaun D Parlamentu Nasional (PN) , Kuarta-feira nee hala’o audensia ho Tribunal de Contas  (TC) no Banku Central Timor-Leste (BCTL),  hodi rona sira nia hanoin ba alterasaun lei Numeru 13/2005 konaba atividade petroliferu.

Audensia entre Tribunal de Contas no Banku Central Timor-Leste ho komisaun C no D Parlamentu Nasional diskute liu alterasaun ba lei Numeru 13/2005 konaba atividade petrolifera no artigu 22, konaba prosesu balun Tribunal de Contas la halo fiskalizasaun no preve.

Iha audensia ne’e buka dalan ida ne’ebe diak atu foti osan Dollar Amerikano Milaun 350 liu husi Banku Central Timor-Leste ou tama iha OJE 2019 hodi sosa asaun Conocophilips.

“Atu halo alterasaun ba lei No.13/2005 konaba atividade petroliferas no iha relasaun mos ita atu sosa asaun ConocoPhilips, ohin ami marka audensia ho Banku Central Timor-Leste ho Tribunal de Contas hodi haree ba asuntu legalidade ho Tribunal de Contas ninia ,tamba iha projetu de lei ne’ebe agora dadauk ami halo diskusaun iha artigu 22 que iha prosesu balun que Tribunal de Contas sei la halo fisklaizasaun de previa”, hatete Prezidente Komisaun D Parlamentu Nasional ne’ebe trata ba asuntu Ekonomia Dezenvolvimentu Deputada, Virgina Ana Belo, ba Jornalista sira iha uma fukun PN Kuarta (7/11).

Prezidente Komisaun D Parlamentu Nasional hatutan komisaun 2 husi PN hakarak rona husi parte 2 ne’e atu buka dalan ida ne’ebe mak diak atu foti osan U$350 Milhões ba selu aksaun ConocoPhilips 30%.

“Ami hakarak rona sira katak, ida ne’e bele ka lae ou ida ne’e fo garantia ba ita nia prosesu ba oin ka lae ,alende rona husi tribunal de contas rona mos husi Banku Central Timor-Leste oinsa banku sentral nia hanoin konaba alterasaun ida ne’e exemplu karik orsamentu $350 Milhoes ne’ebe atu hodi sosa asaun ConocoPhilips ne’e la tama iha Orsamentu Jeral Estadu ,maibe foti direitamente husi Banku Central Timor-Leste hodi sai hanesan invensimentu iha asaun ne’ebe ita sosa”, duvida Prezidente komisasaun D.

Lee hotu :   AMP INDIJITA TAUR MATAN RUAK BA PM 22 JUÑU SIMU POSSE

Nia esplika hanoin ne’ebe parte 2 ne’e diskute mak hanesan osan ne’e foti husi fundu hafoin  transfere direita ,tamba hatama iha OJE 2019 ne’e sai hanesan dispeza katak, gasta hotu hotu ona, maibe wanhira foti direita husi Banku Central mak investe sei sai hanesan invensimentu ,tamba liu tinan 5 bele hetan fali nia funan.

“Iha hanoin 2 hatama ba OJE depois maka ita haruka ba ou ita foti direita husi Banku Central Timor-Leste ,foti husi fundu mak ita transfere direita ,tamba iha vantagen ho desvantagen, se karik ita hatama iha OJE ne’e sai hanesan dispeza signifika ita gasta hotu hotu ona, maibe wanhira ita foti direita husi Banku Central foti husi fundu mak ita investe sai hanesan invensimentu depois de tinan 6 ka 7 ita sei hetan fali funan, ita sei hetan fali rendimentu balun ne’ebe sei tama”, hatete Virginia Ana Belo.

Tamba ne’e PN buka dalan, sira buka hela oinsa atu ida ne’ebe mak diak liu para ita foti osan $350 Millaun ne’e nune’e seidauk iha desizaun konaba atu foti osan liu husi ne’ebe ,tamba sei halo projetu depois sei halo diskusaun iha Parlamentu Nasional depois deside liu husi dalan ida ne’ebe los.

Nia hatutan importante mak ita tenki foti duni osan $350 Millaun ,tamba ita ninia time limite atu selu ne’e to’o loron 31 fulan Marsu tinan 2019 se laiha ita tenki selu tan funan ne’ebe por ano ou kada tinan ita selu osan U$5,1 signifika por dia ou kada loron ita tenki selu osan $48 Mil.

Tamba ne’e PN buka dalan ida ne’ebe lalais liu atu labele prejudika ita nia fundu ,tamba liu husi OJE 2019 sei tuir prosesu naruk liu-liu antes PR atu promulga kleur.

Lee hotu :   PN DESIDE ONA MEMBRU KEP

Iha fatin hanesan Prezidente Komisaun C  ne’ebe trata ba asuntu Finansas Publikas Parlamentu Nasional Deputada, Maria Fernanda Lay, hatete proposta alterasaun bele iha posibilidade atu muda fila fali ,bainhira iha diskusaun espesialidade ho jeneralidade.

“Ami bolu Tribunal de Contas ,tamba iha vistu premiu ne’ebe ami husu para injentu iha atividade komersial ida ne’e não quer dizer katak, la liu husi Tribunal de Contas ,klaru katak, iha proposta alterasaun bele iha posibilidade atu muda fila fali ,bainhira iha diskusaun espesialidade ho jeneralidade”,esplika Prezidente Komisaun C.

Nia realsa, Komisaun C sei halo sira nia relatoriu pareser ,iha loron 9 fulan Novembru tinan ne’e mak komisaun C aprova hodi submete ba Prezidente Parlamentu Nasional hodi nune’e Prezidente Parlamentu Nasional ajenda ba debate iha plenaria.tos

Add to Comments Here!!!!

error: Content is protected.
Secured By miniOrange
You might also like:
Governu aprezenta OJE 2019 ba Parlamentu Nasionál

Reuniaun Konsellu Ministru (KM), Kuarta (07/11/2018)...

PNTL garante seguransa ba selebrasaun 12 novembru

Komandu Polísia Nasional Timor Leste (PNTL)...

KM Aprova proposta dekretu lei 4

Konsellu Ministru ofisialmente aprova dekteru lei ...

Close