JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fó posse ba adjuntu PJR, PR Lú Olo husu MP atu lori justisa ba ema hotu

Fó posse ba adjuntu PJR, PR Lú Olo husu MP atu lori justisa ba ema hotu

Prezidenti Repúblika (PR), Francisco Guterres ‘Lú Olo’, husu ba Ministériu Públiku (MP), atu lori justisa di’ak ba ema hotu, tanba justisa formal Timor-Leste (TL) kontinua infrenta hela problema.
Tuir, Xefe Estadu, justisa formal Timor-Leste ohin loron sei infrenta hela problema oi-oin.
“Justisa iha Timor Leste kontinua infrenta problema, husu ba Ministériu Públiku, liu-liu Prokuradór Jerál Repúblika no Adjunto Prokurador Jerál da Republika foun no estrutura tomak Ministériu Públiku tenke hamutuk hodi lori justisa di’ak ba ema tomak”, hatete Xefe Estadu, iha diskursu serimonia fó pose ba Adjuntu Prokurador Jerál Repúblika (PJR), iha Palásiu Prezidensial, Bairu Pite – Díli, Tersa (04/12/2018).
Nune’e mós, Adjuntu Prokurador Jerál Repúblika, Alfonso Lopes, agradese Prezidenti Repúblika nia konfiansa, no promete katak, sei hala’o knar ne’e ho responsabilidade no humildade.
“Ha’u agradese tebes ba konfiansa ne’e, ha’u asumi ho humilidade dever no hatudu responsabilidade bo’ot no todan ida ne’e”,promete, Adjunto PGR foun ne’e.
Adjuntu Prokuradór Jerál Repúblika (PJR) foun Alfonso Lopes husi terseira klase ne’e hetan nomeisaun husi Prezidente Repúblika, Francisco Guterres Lú Olo, hodi troka Adjunta Prokuradora Jerál Repúblika Zélia Trindade, ne’ebé nia mandatu remata iha fulan Setembru tinan ne’e.
Antes promove ba Adjunto Prokurador Jeral da Repúblika, Alfonso Lopes mós hala’o knar hanesan prokuradór iha Ministériu Públiku Distritál Suai, depois promove husi Konsellu Superior ba xefe prokurador iha Oecusi no promove fali ba Munisípiu Baucau,
Durante tinan tolu iha Munisipiu Baucau, promove hikas mai fali Dili nu’udar prokurador Distrital iha Díli. Eus

Lee hotu :   PR Lú Olo rekoñese mak AMP ■ AMP insiste ho bankada 3 iha PN

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA, Loron-3 Fulan-Dezembru Tinan-2018, Asuntu: PROBLEMA ELEKTRICIDADE IHA TIMOR LESTE

JORNAL NACIONAL GMNTV MEIU DIA, Loron-4 Fulan-Dezembru Tinan-2018

JORNAL NACIONAL GMNTV KALAN, Loron-3 Fulan-Dezembru Tinan-2018

Close