JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kestaun MEJD hapara funsionáriu 273, KSTL hato’o keixa ba PN

Kestaun MEJD hapara funsionáriu 273, KSTL hato’o keixa ba PN

Konfederasaun Sindikatu Timor-Leste (KSTL) hamutuk ho funsionáriu kazual 273 ne’ebé rekruta husi Ministériu Edukasaun (ME) iha tinan kotuk, hato’o keixa ba Parlamentu Nasionál (PN), kona-bá dezisaun Ministériu Edukasaun Juventude no Desportu (MEJD) hapara kontratu funsionáriu sira ne’e.

Konteudu husi keixa ne’e rasik atu husu klarifikasaun husi MEJD, para solusiona tiha kestaun hapara funsionariu kazual 273 ne’e, tanba sira konsidera desizaun MEJD hatudu prátika injustisa no la liu husi avaliasaun dezempeñu.

“Ami nia esforsu ne’ebé maka ami halo atu rezolve problema ho Ministra MEJD, Dulce de Jesus Soares, tanba durante ne’e laiha ona dalan atu rezolve problema kona-bá desizaun hapara kontratu funsionáriu kazual 273 ne’ebé ME rekruta”, imforma Sekretáriu KSTL, José Conceição da Costa ba jornalista sira, iha PN, Tersa (29-01-2019).

Nia esplika, razaun sira mai hasoru reprezentante povu iha uma fukun PN, atu buka solusaun ba problema refere, tanba laiha ona intensaun di’ak atu rezolve problema hapara kontratu funsionáriu kazual 273.

“Ami iha ne’e atu aprezenta kestaun ne’e, loloos governante ne’e bolu tiha ona iha semana kotuk, ne’e versaun husi MEDJ ninian, ami nian seidauk, tanba ne’e ami tenta komunika nafatin ho deputadu sira atu problema refere iha solusaun di’ak”, tenik Sekretáriu KSTL ne’e.

Maibé antes ne’e, Ministra Edukasaun Juventude no Desportu (MEJD), Dulce de Jesus Soares hateten, razaun fundamental MEJD la renova funsionáriu kazual 273 ne’ebé ME kontratu, tanba tuir lei KFP funsionáriu kazual ninia prazu servisu ne’e to’o fulan nén (6) de’it no la fó dalan atu funsionáriu kazual sira ne’e servisu durante tinan barak nia laran.

“Ha’u lakohi kontinua ida ne’e, tanba ne’e MEJD hola desizaun, maibé la halo renovasun ba kontratu no sei halo diagnóstika ida atu haree explora saida maka nesesidade ME ninian no polítika saida maka presiza servisu atu apoiu ME“, haktuir MEJD ne’e.

Lee hotu :   Garante paz iha EA, ParPol-CNE asina PUN

Antes ne’e mós, funsionáriu kazual 273 ne’e mós eziji ona ba MEJD, Dulce Soares, atu esplika razaun hapara sira nia servisu, tanba sira konsidera MEJD hapara sira laiha razaun no la liu husi avaliasaun desempeñu. ety

Add to Comments Here!!!!

error: Content is protected.
Secured By miniOrange
You might also like:
Eis PR Horta: Lalikan hanoin ba EA ■Laiha ema ruma fahe líder nasionál sira

Premiadu Nobel da Paz, José Ramos...

FRETILIN lamenta Xanana insulta PR Lú Olo

Bankada Frente Revolucionário do Timor-Leste Independente...

Implikasaun husi impase polítiku, Empreza 94 taka, Timor-oan 1000 lakon servisu

Kuaze tinan 2 ona Timor-Leste (TL)...

Close