JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La liga Portugés, FRETILIN konsidera deputadu viola rejimentu PN

La liga Portugés, FRETILIN konsidera deputadu viola rejimentu PN

Deputada husi bankada FRETILIN, Josefa Álvares Pereira, preokupadu ho deputadu sira iha uma fukun Parlamentu Nasionál (PN), tanba konsidera sira viola rejimentu PN ninian ne’ebé mensiona katak, sesaun plenária iha loron Tersa sei uza lian Portugés, maibé maioria deputadu ko’alia lian Tetum, durante plenária iha loron Tersa (horiseik-red).

“Plenária ho lian Portugés ne’e di’ak, tanba parte ida ita bele promove lian ofisiál ne’ebé hatúr ona iha ita nia konstituisaun, nune’e hanesan ema polítiku no aprova lei, ita labele eziji de’it ba instituisaun sira de’it maka uza lian Portugés, maibé PN rasik mós tenki esforsu oinsa uza lian Portugés, hanesan mós promove lian ida ne’ebé ita uza iha Timor-Leste”, deputada bankada FRETILIN ne’e ba jornalista sira hafoin plenária, iha loron Tersa (22-01-2019).

Nia esplika, tuir regras no ajenda iha PN, kada fulan plenária ba sesaun lian Portugés ninian realiza iha Loron Tersa no durante plenária sesaun Portugés, deputadu sira obrigatóriu atu halo intervensaun ho lian Portugés, maibé realidade hatudu katak, sesaun Portugés deputadu sira kontinua ko’alia lian Tetum.

“Deputadu sira la’os la hatene ko’alia lian Portugés, maibé sira maka lakoi esforsu oinsa bele ko’alia iha PN, tanba maka wainhira profesora sira fó kursu lian Portugés, ita tenki buka meius oinsa maka bele esforsu-án ko’alia”, haktuir Josefa Pereira.

Tanba ne’e deputada bankada FRETILIN ne’e konsidera deputadu sira viola regras ne’ebé estabelese ona iha uma fukun PN, tanba konstituisaun RDTL rasik, artigu 13 hakerek lian ofisiál Timor-Leste maka Tetum no Portugés.

Maski nune’e, Segundu Vise Prezidenti PN, Luis Roberto, hateten, nia parte diriji meja ho lian Portugés, ho nune’e deputadu sira mós hato’o intervensaun uza lian Portugés, maibé tanba balun uza lian Portugés ladún di’ak, uza de’it lian Tetum.

Lee hotu :   PD prefere lideransa nasionál halo diálogu

“Ita nia deputadu balun halo intervensaun ho lian Portugés ladún di’ak, maibé ha’u autoriza halo intrevensaun ho lian Tetum, atu nune’e ita bele uza hotu lian ofisiál rua ne’e, tanba deputadu barak maka ko’alia lian Portugés sei jatuh bangun hela, maibé koko atu aprenda nafatin oinsa maka bele promove Portugés”, haktuir Luis.

Entretantu tuir rejimentu PN ninian desidi katak, kada semana plenária iha loron Segunda uza lian Tetum no iha loron Tersa uza lian Portugés.ety

Add to Comments Here!!!!

error: Content is protected.
Secured By miniOrange
You might also like:
Atu dezenvolve agrikultura, Governu realiza sensu agríkula

Fulan Marsu tinan 2019, Governu, liu...

Xina deporta tan traballadór ilegal Timor-oan 10 ■Senti tristi fila mai TL

Governu Xina deporta tan traballador ilegal...

PPN husu komisaun A aselera relatóriu LAK

Prezidenti Parlamentu Nasional (PPN), Arão Noe,...

Close