JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kontinua pendente eleisaun ba komisáriu KAK

PN kontinua pendente eleisaun ba komisáriu KAK

Parlamentu Nasional (PN), iha Segunda (14/1/19), kansela tan eleisaun ba komisáriu Komisaun Anti Korupsaun (KAK), tanba deputadu sira hakarak halo konfirmasaun prontidaun ba kandidatu ne’ebé Governu propoin mai iha PN.

Maibé tuir ajenda ne’ebé aprova husi rezultadu enkontru líder bankada iha semana kotuk, desidi ona loron Segunda (horiseik-red) sei halo eleisaun hodi hili komisáriu KAK, tanba komisáriu KAK, Aderito Tilman ninia mandatu remata ona iha tinan kotuk.

“Hanesan hotu-hotu hatene katak kandidatu ne’ebé Governu aprezenta ona iha fulan Agostu, tinan 2018, iha reuniaun líder bankada, hau dehan ajenda pendente mak ida ne’e, ajenda ohin (14/01) atu halo votasaun, maibé deputadu bankada sira hakarak konfirma fali atu hatene loloos kandidatu sira ne’e sei mantein ka la’e”, Prezidenti PN, Arão Noe ba jornalista sira hafoin plenária iha PN.

Nia esplika, PN sei haruka karta ida ba Governu, liu-liu Primeriu Ministru (PM), Taur Matan Ruak, atu halo konfirmasaun ba kandidatu komisáriu KAK ne’ebé maka Governu sei propoin mai iha PN.

“Prosesu ne’e, ami kumpri ba sujestaun bankada sira nian, ami sei haruka karta ba PM, Taur Matan Ruak atu konfirma kandidatu ne’ebé maka Governu propoin, sé rezultadu husi karta ne’e maka iha klareza aban (ohin-red), tama ajenda halo votasaun”, haktuir Xefi Órgaun Lejislativu ne’e.

Arão Noe akresenta, PN kumpri dever haruka karta konfirmasaun Governu, kona-bá kandidatu ne’ebé maka Governu sei haruka mai PN, maibé tuir lei Governu maka propoin kandidatu, tanba PN nia funsaun maka halo votasaun.

Entretantu kandidatu ne’ebé antes ne’e, Governu propoin maka hanesan Aderio Antonio Tilman no Sergio Hornay, maibé dezde  komisáriu KAK Adérito antónio Tilman remata nia mandatu iha loron 15, fulan Jullu, tinan 2018, to’o agora seidauk iha komisáriu KAK maka substitui. ety

Lee hotu :   PM Taur: Labele fó presaun ba PR promulga OJE 2019

Add to Comments Here!!!!

error: Content is protected.
Secured By miniOrange
You might also like:
Fornese kombustível ba sentru elétrika rua, Governu estende kontratu ETO-Sacom Energy

Reuniaun Extraordinariu Konsellu Ministru, Segunda (14/1/19),...

ULTIMA HORA GMNTV, Loron-14 Fulan-Janeiru Tinan-2019, POSTO SAUDE ERMERA LA IHA BEE MOS

DADER KMANEK GMNTV, Loron-14 Fulan-Janeiru Tinan-2019

Close