JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis PR Ramos Horta: Legaliza ka la legaliza GAM, la’os PR Lú Olo nia papel

Eis PR Ramos Horta:  Legaliza ka la legaliza GAM, la’os PR Lú Olo nia papel

Eis Prezidente Repúblika (PR), José Ramos Horta, hatete, atu legaliza ka la legaliza Grupu Arte Marsiál (GAM) hodi hala’o fali nia atividade la’os papel Prezidente Repúblika (PR), Francisco Guterres ‘Lú Olo nian, maibe papel ne’e ezekutivu ka Governu nian.

Eis PR Horta mos husu PR Lú Olo atu knsulta ho Konsellu Defeza  no Seguransa (KDS), atu análiza no buka abut lolos husi problema grupu arte marsiál ne’ebé mak akontese iha nasaun ne’e.

“Ha’u la hatene se momentu Prezidente Repúblika halo deklarasaun  halo konsulta no koordenasaun ho instituisoins hotu-hotu, instituisaun Defeza no Seguransa signifika Governu konsulta mós ho Soseidade Sivíl ne’ebé loron-loron liga ho grupu sira  iha komunidade ne’e. Ha’u la hatene, Prezidente Repúblika mak hatene. Mas importante tebes atu halo medida ida legaliza ka la legaliza, la’os papel Prezidente Repúblika nian, ne’e ezkutivu nian no Prezidente Repúblika fó nia opiniaun.  Maibe lolos Konsellu Defeza Seguransa koalia ba ida ne’e, primeiru  análiza  abut problema sira ne’e mai husi ne’ebé? Abut sosial ou buat  ruma polítiku karik? Sé Sosial, ita buka rezolve sosialmente, ekonómikamente. Sé polítiku, signifika iha  manipulasaun polítika. Entaun iha meius atu liga mós ho ida ne’e. Dala ruma abut ne’ebé sosial, liga mós ho polítiku. Portantu   primeiru  ita la’os halo desizaun ba legaliza ka la legaliza, primeiru análiza klean, ha’u fiar  instituisaun kompetente hanesan  Polísia  ho F-FDTL ho sira-nia servisu intelijensia  sira halo análiza tiha ona, entaun  haree tok relatóriu husi sira,  imi hanoin oinsa? Problema  ne’e tanba saida? Ne’e mak Prezidente Repúblika, Konsellu Seguransa Defeza ba komisaun Parlamentu Nasionál  ne’ebé liga ho defeza seguransa  para ita halo desizaun ida”,esplika eis Prezidente Repúblika, José Ramos Horta,  ba GMN Kinta (14/02/19) iha Kuartel Unidade Espesial Polísia Bairu-Pite Díli.

Lee hotu :   La diskuti MS, AMP konsidera PPN la konsistente ho deklarasaun

José Ramos Horta, la fó sala ba arte marisiál,  tanba  problema sira ne’e la’os artemarsiál hotu.

“Ha’u pessoalmente  ha’u la konsidera arte marisiál  hanesan  problema bo’ot ida, Estadu halo esforsu maka’as konverte sira  ba hanesan movimentu da paz tanba iha problema iha tinan hirak nia laran, ha’u  haree  ho matan, ha’u liga ho sira, la’os grupu arte marsiál hotu-hotu mak halo problema, maibe  ida ka rua mak halo problema ne’e akontese normal, kuandu  ita iha ema apoiante futebol, klubu ida bele iha apoiante rihun sanulu, sira ba haree jogu iha estádiu, sira nia klubu lakon, balun komesa provoka baku malu, entaun  la’os klubu futebol mak sala, maibe elementu sira ne’e, entaun  labele tau naran aat ba arte marsiál”,dehan laureadu nobel ba paz 1996 ne’e.

Tanba ne’e, José Ramos Horta, hatete, Estadu iha obrigasaun  atu haree oinsa, servisu didiak ho líder arte marsiál sira hodi buka problema sira durante ne’e akontese.

“Ha’u rona Governu loron hirak ne’e atu bolu líder sira hotu para haree dalan saida mak diak, sira bele sai forsa sosial ida pozitivu ba rai ida ne’e”,dehan José Ramos Horta.

Karik autoriza atividade GAM, Governu sei tau rekezitus rigorozu

Nune’e mos, Primeiru Ministru, Taur Matan Ruak, hateten, atu autoriza atividade Grupu Arte Marisál (GAM) sira nia atividade, governu sei tau rekezitus ida ne’ebé regirozu.

“Governu sente katak ida ne’e tempu, maibe ita tenke defini kritériu ne’ebe rigorozu lo’os karik ita autoriza, sira hotu-hotu tenke kumpri”,deklara, Primeiru Ministru ba Jornalista sira, Kinta (14/02/2019), hafoin enkotru ho Prezidenti Repúblika Francisco Guterres Lú Olo, iha Palasio Presidensial.

Lee hotu :   Papel media difikulta polítiku nain monopóliu lia los

Xefe Governu aprofunda kona-ba kriteirus ne’ebe regirozu parte tekniku sira mak sei define, la’os Primeiru Ministru mak difini, maibe emjeralmente instuituisaun no organizasaun hotu tenke kontribui ba estabilidade.

Xefe Governu ne’e dehan grupu sira nee la’os deit kontribui ba establidade no harmonia, kontribui mos ba seguransa, liu-liu kontribui ba dezemvolvimentu ekonomiku nasaun nian.

Taur Matan Ruak esplika, objetivu prinsipal nasaun tomak nian mak oinsa hadia ita nia moris, oinsa kria opurtunidade, oinsa iha kompitensaun, tanba moris Timor oan sira nian la’os lor-loron hanesan ne’e hela deit.

Xefe Ezekutivu ne’e dehan tan, tinan ba tinan ninia idade aumenta no mehi ida deit katak hakarak ita nia oan sira, bei óan sira nia moris diak liu ita nian, hanesan ita nian diakliu ita nia inan – aman sira nian.

Tanba ne’e atu alkansa objetivu sira ne’e tenke kontribuisaun sidadaun hotu nian hanesan uluk luta ba ukun-an, hotu-hotu hamrik no agora ba dezemvovimentu nasaun, nasaun hotu-hotu hamrik liu-liu ba joven sira.

Governante ne’e dehan, futuru la’os ba katuas sira, tanbe ne’e joven sira labele blokea sira nia dalan rasik.

Veteranu FALINTIL ne’e mos dehan. governu halo esforsu hotu atu hadia mekanismu no regulamentu sira para viabiliza tensaun ida ne’e, naturalmente opiniaun ida ne’e kuaze jenaralizadu.

Opiniaun ne’e jeneraliza hahú kedas husi Prezidenti Repúblika no Parlamentu Nasional, Governu autoriza grupu arte marsiais sira tenke kumpri kriteiru sira.avi/eus

Add to Comments Here!!!!

error: Content is protected.
Secured By miniOrange
You might also like:
Desizaun MEJD hapara funsionáriu kontratadu 273 viola regra

Konfederasaun Sindikatu Timor-Leste (KSTL) konsidera desizaun...

PJR haruka notifikasaun ba Xanana, CNRT konsidera la’o sala dalan

Prezidenti bankada partidu Congresso Nacionál de...

Kompañia divita group rejeita abandona projetu dada eletrisidade

Sorry, this entry is only available...

Close