JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PJR rekoñese notifikasaun ba Kalbuadi Lay la tuir lei ■FRETILIN:Karta Xanana ba PJR hanesan presaun

PJR rekoñese notifikasaun ba Kalbuadi Lay la tuir lei ■FRETILIN:Karta Xanana ba PJR hanesan presaun

Prokurador Jeral Repúblika (PJR), José Ximenes, rekoñese karta notifikasaun Ministériu Públiku ba Francisco Kalbuady Lay lá tuir lei konstituisaun no lei prosesu penal, tanba Konteudu husi karta notifikasaun ne’e haruka fali ba Kay Rala Xanana Gusmão atu fo autorizasaun ba Sekretáriu Jeral Partidu CNRT, Francisco Kalbuadi Lay, hodi dezloka ba Ministériu Públiku atu hatán ba prosesu inkéritu.
Atual Sekretáriu Jeral CNRT, Francisco Kalbuadi Lay , deskonfia suspeitu ba prátika krime Brankeamentu Kapital.
Karta notifikasaun ne’e, Prezidente CNRT Kay Rala Xanana Gusmão hetan notifikasaun ida husi Prokuradora Repúblika Lidia Soares, iha fulan Dezembru (2018), ne’ebé oras ne’e haknaar aan iha Gabinete Sentral ba kombate korupsaun no krime organizada.
“Ha’u lakohi komentariu por detallu, maibe ezemplu ita haruka karta ba dalarua, dalatolu lakohi mai ita haruka notifikasaun ba Parlamentu Nasional nia la servisu iha Parlamentu Nasional ha’u hanoin por konsiderasaun bele la prevista iha lei,” dehan PGR José Ximenes.
“Mais ita haruka, tanba hanesan dirijenti partidu haruka ba nia prezidenti, ha’u nia titular haruka ba para bele haree los ka lae, fou-foun ita haruka ba nia dala ida, dala rua no dala tolu hanesan ne’e depois ita haruka ba Parlamentu Nasional ikus mai Prezidenti Partidu atu haree , sein statutu la preve, lei kodigu prosesu penal lá preve”, dehan PGR José Ximenes ba jornalista sira, Tersa (12/02/2019), hafoin enkontru ho Prezidenti Repúblika Francisco Guterres Lú Olo.
Prokurador Jeral Repúblika José Ximenes aprofunda tan katak, Ministériu Públiku notifika hodi bolu dala ida, rua no dala tolu lamai iha medida seluk Ministériu Públiku bele buka ne’e lá viola buat ruma husi karta notifikasaun ne’e.
Antes ne’e mos, Carmelita Moniz, deputada bankada Congresu Nasional Rekonstrusaun Timorense (CNRT), nudar Membru Konsellu Majislatura, lamenta notifikasaun Prokuradora Jerál Republika haruka fali notifikasaun ba Prezidente Partidu CNRT.
Tuir lolos karta notifikasaun ne’e direita ba Francisco Kalbuadi Lay, tanba atu husu autorizasaun ne’e lalós, notifikasaun ne’e tenki ba ema ne’e la’os ba fali Prezidente Partido.
FRETILIN:Karta Xanana ba PJR hanesan presaun
Bankada Frente Revolucionário do Timor-Leste Independente (FRETILIN) iha Parlamentu Nasionál (PN), konsidera karta Prezidenti partidu Conselho Nacionál Reconstrução de Timor (CNRT), Kay Rala Xanana Gusmão ba Procuradória Geral da República (PGR) fó presaun ba órgaun judisiáriu.

Lee hotu :   Xanana ‘auzensia’ iha loron nasional veteranus, Alkatiri: Nia esperitu hamutuk ho povu

“Sé ita nia tribunal laiha ona kapasidade ka kompeténsia atu hala’o sira nia kna’ar, sé tan mak bele tesi lia? sé tan mak bele sai juíz hodi desidi entre sala no loos? sé…? ami refere ba karta ne’ebé Prezidenti AMP no Prezidente partidu CNRT, Kay Rala Xanana Gusmão hakerek karta ida ba Prokuradór Gerál da República (PGR), José da Costa Ximenes iha loron 18, fulan Janeiru, tinan ida ne’e”, Vise Xefi bankada FRETILIN, Francisco Miranda Branco liu husi plenária iha PN, Tersa (12-02-2019).

Nia akresenta, karta refere atu limita tribunal nia kompeténsia atu fiskaliza jestaun finansas públika, ne’e signifika mosu ona tentativa atu fó presaun ba PGR sira nia dezempeñu.

“Karta ne’e hanesan atu fó presaun ba órgaun judisiária sira, atu kestiona órgaun ida ne’e nia kompeténsia, kapasidade, no imparsialidade, ikus mai em fracasso órgaun ida ne’e. Tansá? karik tanba órgaun ida ne’e halo hela sira-nia servisu atu defende legalidade demokrátika no promove kumprimentu ba lei?”, haktuir Vise Xefi bankada FRETILIN ne’e.

Nia realsa, FRETILIN kondena tentativa hotu-hotu atu interfere, intimida no hafraku órgaun judisiáriu sira iha Timor-Leste, tanba aktu sira hanesan ne’e viola prinsípiu separasaun de poderes no mós tenta atu satan netik Ministériu Públiku (MP) no tribunal sira nia servisu.

Hatán ba kestaun ne’e, deputadu bankada CNRT, Carmelita Caetano Moniz responde, Prezidenti partidu CNRT, Xanana Gusmao nia karta ba PGR ne’e nu’udar intrevensaun husi partidu CNRT ba servisu profesionál ka servisu investigasaun prosesu judisiáriu MP no PGR nia servisu, nune’e la’os presaun.

“Karta ida ne’e nu’udar sidadaun bai-bain hato’o nia protesta no reklamasaun mós PGR konsidera nu’udar keixa ida ba PGR hodi halo prosesu inspesaun no investigasaun no ninia kna’ar atu tuir lei ne’ebé vigora. Ho karta notifikasaun husi MP ba Prezidenti partidu CNRT halo ami senti laran tristi no taridu, tanba nu’udar sidadaun la konkorda ho asaun PGR ne’e, ita bele konsidera hanesan persegisaun polítika tuir konstituisaun ba MP iha artigu 132, hateten MP reprezenta estadu exerse asaun penál asegura defeza ba meñor aujenti sira, defende legalidade demokrátika no promove lei nia komprimentu”, hateten Carmelita.eus/ety

Add to Comments Here!!!!

error: Content is protected.
Secured By miniOrange
You might also like:
DIA 12/02/19 || GMNTV LIVE STREAM || JORNAL NASIONAL KALAN

CPLP na GMN Edição 11 Fevereiro 2019

CPLP na GMN Edição 7 Fevereiro 2019

Close