JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: AMP mantein lista membru Governu nain sia

PM Taur:  AMP mantein lista membru Governu nain sia

Primeiru Ministru (PM), Taur Matan Ruak, hateten, troka kandidatu membru Governu nain sia (9) ne’ebe seidauk simu posse la’os papel Primeiru Ministru nian, maibe desizaun mai husi Partidu. Tanba ne’e, Taur Matan Ruak deklara, dadaun ne’e Aliansa Mudansa ba Progresso (AMP) nafatin mantein lista membru Governu nain 9.

“Atu troka kandidatu sira ne’ebe seidauk simu posse la’os papel Primeiru Ministru nian, maibe primeiru ministru koalia ho Prezidenti Republika kona ba kandidatu sira ne’ebe iha, kona ba kandidatu foun tenke liga ba fali ami nia partidu iha prosesu ne’e mak Aliansa Maioria Parlamentar (AMP). Ami nia hanoin dadaun ne’e iha maka mantein kandidatu hirak ne’ebe iha no primeiru ministru kontinua koalia ho prezidenti republika”, hateten Primeiru Ministru, Taur Matan Ruak ba Jornalista sira hafoin partisipa seminário Loron Nasional Veteranus iha Centro Convenções Dili (CCD), Caicoli, Dili, Sabado (02/03/2019).

Xefi Governu ne’e mos garante katak, maske ministériu balu seidauk iha Ministru maibe sei ezekuta Orsamentu Jerál Estado 2019 ho diak, tanba rezultadu hatudu ona iha ezekusaun OJE 2018 no rezime duodecimal, ne’ebe hatudu rezultadu diak.

“Governu ne’e sei iha membru nain 12 maka seidauk toma posse, nain 3 ne’e dekretu prezidensial sei validu, maibe momento ne’eba sira la toma posse, tanba sira hakarak fo solidariedade no hakarak toma posse hamutuk. Tanba ne’e hau sei kontinua nafatin ho Prezidenti Republika para hare solusaun ba problema ne’e, hau atu dehan to’o agora ami seidauk hetan solusaun no espera katak tempu badak sei hetan solusaun hodi ajuda Governu bele hala’o nia seribisu ho diak”, haktuir Taur Matan Ruak.

Lee hotu :   PM Alkatiri mantein suspende jogus lotaria ho slot machine • MP atribui statutu arguido ba Manuel Vong ho Agusto Pereira

Xefe Ezekutivu nee afirma, remodelasaun bele akontese iha kualker momento, maibe antes atu halo remodelasaun presiza haree uluk rezultadu serbisu.

“Remodelasaun bele halo kualker momentu, maibe antes atu halo primeiru maka tenke haree uluk saída maka halo ona, halo diak ka lae, no halo iha ne’ebe, tanba foin tama mai sei hamrik hela iha odamatan dudu malu sai dadauk ne’e labele. Remodelasaun iha Governu ne’ebe deit bele halo, no Primeiru Ministru iha kompetensia tomak halo, maibe hau mos hakarak hateten katak hau nia Ministru, Vise no Sekretario Estado sira, maske membru Governu seidauk kompletu, maibe sira serbisu diak.

To’o oras ne’e, membru Governu ne’ebe seidauk toma posse mak mai husi Ministeriu Finansas, Ministeriu Saúde, Ministeriu Turismu, Comercio no Industria, Ministeriu Petrolio no Rekursu Minerais,  Ministeriu Seguransa, Ministru Administrasaun Estatal, Vise Ministru Negosio Estranjeiro no Koperasaun no Vise Ministru Agrikultura no Peskas. mia

Add to Comments Here!!!!

error: Content is protected.
Secured By miniOrange
You might also like:
Futuru veteranu entrega ba jerasaun foun ■Lere husu Governu valoriza nafatin

Sorry, this entry is only available...

PN husu ba PM Taur troka membru Governu rejeitadu

Vise Prezidente Parlamentu Nasionál (PN), Luis...

Lian halerik inan faluk Raquela husi laletek Ai-Aras Bobonaro

Iha idade walu nulu resin rua,...

Close