JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Relatóriu KIP nulu, Projetu 45 ameasadu lahetan pagamentu

Relatóriu KIP nulu, Projetu 45 ameasadu lahetan pagamentu

Prosesu ba Relatóriu fiskalizasaun projetu 142 ne’ebé prepara husi Komisaun Inkéritu Parlamentar (KIP) paradu ka nulu ona, tanba lakonsege halo apresisaun iha komisaun no enkamiña ba plenária durante tempu loron 30, hahú husi loron ne’ebé komisaun konklui nia relatório iha loron 22 fulan Marsu tinan 2019 ne’e.

Ho situasaun ne’e, projetu 45 husi projetu 142 ameasadu la hetan pagamentu, tanba laiha kontratu, tanba antes ne’e, Governu deklara katak, sei hein rekomendasaun husi relatóriu KIP hafoin halo pagamentu.

“KIP la ajuda rezolve problema emprezáriu sira nian, tanba Ministru MRLAP foin dadaun hateten, hein rekomendasaun husi KIP nian, maibé rekomendasaun ne’ebé ami halo la aprovadu,Parte ida deputadu AMP lakohi aprova, no parte seluk Governu AMP nian dehan hein rekomendasaun husi KIP nian, maibé tuir lei kuandu la aprova, rezultadu ne’e labele sai hanesan relatório hodi diskute iha plenária, sei 30 dias nia laran la lori ba plenária, signifika nulu. Governu dehan lakohi selu tanba hein komisaun nia rekomendasaun, maibé komisaun boikota malu, entaun komisaun nia relatório ho rekomendasaun la ba, Governu mós lakohi selu, ne’e signifika emprezáriu sira mak sai problema. Ami nia rezultadu ne’e hatudu katak, obra lubun ida mak empreza sira halo hotu ona uza sira  nia osan, projetu emerjensia balun 2016 nian, kontratu mak laiha tanba emerjensia, maibé sira halo hotu kedas”, relata Vise KIP, Adriano do Nascimento ba jornalista iha PN, Segunda (22/04/2019).

Deputadu bankada Partidu Demokrátiku ne’e afirma, rezultadu husi servisu ne’e konklui ona, maske la hetan apovasaun iha komisaun, tanba boikota malu, hodi la konsege enkamiña ba plenária atu diskute.

Lee hotu :   Mari Alkatiri: FRETILIN sei la mobiliza militantes hamonu Governu

“Atividade no relatóriu konkluidu, halo tiha hotu ona, no relatório ne’e mós hatama ona ba Prezidente Parlamentu Nasionál, maske deputadu sira husi AMP boikota, ne’eduni la aprova. Tuir lei KIP nian, kuandu relatóriu la aprova labele diskute iha plenária, entaun kolega sira husi AMP la mai halo diskusaun, ami nia tempu atu halo diskusaun no aprovasaun ne’e semana ida, ami diskute Segunda, Tersa to’o Kuarta meudia, depois de ida ne’e Kinta no Sesta sira (deputadu AMP) la mai ona, tanba desizaun polítika sira la tama halo aprovasaun”, informa Adriano.

Tuir Adriano, dalan úniku mak PPN tau konsiderasaun ba relatório refere hodi diskute, nune’e hodi rezolve emprezáriu sira-nia problema, maibé tuir lei ne’e labele diskuti iha plenária, tanba komisaun la aprova.

“Komisaun atu aprova, lei mós la fó dalan ona, tanba tuir lei komisaun servisu fulan rua, bele extende tan fulan ida, hodi to’o fulan tolu, fulan tolu hotu sei komisaun la hatama relatóriu, signifika nulu no konsidera komisaun servisu lahatene, maibé komisaun nia relatóriu iha, atu aprova ne’e mak boikota malu, maibé agora labele ona”, dehan Adriano.

Iha sorin seluk, deputadu PLP, Abel Pirez esklarese, relatório husi KIP ne’e rasik sei la fó impaktu ba prosesu pagamentu ba projetu hirak ne’e, tanba ADN iha nanis prosedimentu antes hari’i KIP.

“Laiha impaktu ba prosesu ne’ebé la’o hela, pagamentu ne’e depende ba verifikasaun husi ADN, ne’e laiha relasaun ho KIP nia servisu, tanba KIP nia servisu ne’e haree liu ba parte legalidade no parte polítika,  ne’eduni laiha impaktu, tanba prosedimentu atu halo pagamanetu ne’e ketak, prosedimentu ne’e la’o nafatin, la haree ba rezultadu KIP nian, no KIP nia servisu ne’e parte polítika”, relata Abel Pirez.

Lee hotu :   Sosa asaun ConocoPhillips no Shell, PM Taur: Governu hein desizaun TR

Deputadu AMP ne’e justifika, deputadu AMP sira la la marka prezensa iha komisaun hodi halo aprovasuan ba relatório KIP ne’e, tanba dadus no análiza KIP nia la natoon hodi konvense deputadu AMP atu aprova.

“ Ita-nia tempu atu dedika halo análiza hodi simu malu kona-ba interpretasuan ba lei no interpretasaun ba saída mak uluk ministériu sira halo ne’e, buat sira ne’e mak ami haree la natoon ba ami atu foti konkluzaun. Bazeia ba dadus sira ne’e mak ita halo konkluzaun, sei dadus de’it la natoon, interpretasuan ba lei mós ita lahanesan, ita labele foti desizaun, tanba ne’e kestaun Estadu nian, ita labele halimar ho ida ne’e, maibé realidade mak prosesu dadus ne’e la natoon no prosesu análiza ne’e asesor ida mak halo fó mai ami, hein atu aprova de’it, tanba ami dehan labele, loloos membru KIP sira mak halo análiza, tanba ita atu halo análiza ne’e bazeia ba dadus no interpretasuan ba lei sira ne’e, se interpretasaun mós lahanesan, oinsa mak ita atu obriga an ba halo konkluzaun, sa tan atu halo rekomendasaun, ne’e mak momento ne’eba ami lakonsegen hetan konkordansia hamutuk, tanba sei KAFI importante, momentu ne’eba ita tenki bolu mós Prezidente KAFI nian, ida ne’e de’it ita seidauk halo, oinsa mak ita atu hakat ona ba halo konkluzaun”, tenik Abel Pires.

Membru komisaun inkeritu parlamentar ne’e kompostu husi deputadu 11, no KIP ne’e rasik propoin husi bankada FRETILIN, hodi halo fiskalizasaun ba projetu 142 ne’ebé rejista iha KAFI nian.say

Add to Comments Here!!!!

error: Content is protected.
Secured By miniOrange
You might also like:
DIA 23/04/19 || GMNTV LIVE STREAM || DADER KMANEK

DIA 22/04/19 || GMNTV LIVE STREAM || JORNAL NASIONAL KALAN

DIA 22/04/19 || GMNTV LIVE STREAM || GRANDE ENTREVISTA/NEGÓCIO KIIK SUSTENTA CRESIMENTO EKONÓMIKU

Close