JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN aseita diálogu solusiona impase polítiku rai-laran ■ Lakohi sai ai-tonka

FRETILIN aseita diálogu solusiona impase polítiku rai-laran ■ Lakohi sai ai-tonka

Sekretáriu Jeral Partidu FRETILIN, Mari Alkatiri, hateten, FRETILIN aseita atu halo diálogu ho lideransa sira seluk atu bele solusiona impase polítiku iha rai-laran.     

Sekretáriu Jeral Partidu FRETILIN, Mari Alkatiri, deklara asuntu ne’e hafoin halo abertura aprezentasaun orsamentu bazeia ba programa preparasaun planu annual 2020 ne’ebé hala’o iha Palaban-Oecusse, Tersa (30/04/2019).

Alkatiri deklara asuntu ne’e hodi hatan mensajen prezidente partidu CNRT, Kay Rala Xanan Gusmão, husi gravasaun video ne’ebé aprezenta iha seremonia aniversariu CNRT ba dala-12 foin lalais.

Eis Primeiru Ministru ne’e haktuir, FRETILIN sempre aseita dialogu atu solusiona impase polítiku rai laran, maibe laos modelu komanda husi leten.

“Ha’u laiha impase, ha’u ba mai Díli tuir ha’u nia hakarak, laiha impase e ha’u hakarak ba Díli, ba Díli, ha’u hakarak ba Oe-cusse, ba Oe-cusse. Uluk kuandu tenke iha diálogu, balu dehan lakohi diálogu, e agora sira mak hakarak diálogu, ita hein deit, tebes duni ka jogu ida karik, e FRETILIN sempre aseita diálogu, maibe diálogu laos TOP DOWN husi leten mak o manda lae !; ita tur hamutuk meza redonda, ita koalia”, deklara Mari Alkatiri.

Enkuantu konaba impase polítiku rai laran la’o kleur ona kuaze tinan rua liu ona, to’o ohin loron seidauk iha solusaun ba impase refere.

Lakohi sai ai-tonka

Sekretáriu Jerál Partidu FRETILIN, Mari Alkatiri, hateten FRETILIN lakohi sai ai tonka ba Aliansa Mudansa ba Progresu (AMP) enkuantu akontese remodelasaun iha VIII governu konstitusionál.

Sekretáriu Jeral Partidu FRETILIN, Mari Alkatiri deklara asuntu ne’e hafoin halo abertura aprezentasaun orsamentu bazeia ba programa preparasaun planu annual 2020 mak hala’o iha Palaban-Oecusse, Tersa (30/04/2019).

Alkatiri deklara asuntu ne’e relasiona ho isu remodelasaun no posibilidade involve membru partidu FRETILIN iha governu tuir mai hanesan esperensia hatudu ona iha sestu governu.

Lee hotu :   TR fo sai numeru sorteiu parpol kompete iha EA

Maibe,Alkatiri hateten, FRETILIN la’os hanesan oksijéniu atu salva ema moras grave no la’os hanesan banku de sangue ba ema presija ran nian, tanba ne’e prefere liu se mak ukun tenke to’o fim.

“FRETILIN la’os hanesan oksijéniu ba ema atu mate ona tau ba, la’os hanesan banku de sangue Ran, ema presija raun o tau deit ba, lae !; ne’e la’os FRETILN. FRETILIN partidu ida que bo’ot liu iha Timor-Leste ne’e, partidu ida que liberta rai ida ne’e, por tanto la’os banku de sange no la’os oksijenio, e se opozisaun ha’u la opozisaun, se mak ukun, ukun to’o fim,” hateten Sekretáriu Jerál FRETILIN, Marí Alkatiri.

Antes ne’e Pimeiru Ministru, Taur Matan Ruak deklara ona katak, sei halo remodelasaun ba oitavu governu.

Enkuantu sosiedade sivil no akademiku mos fo nia prespektiva katak, remodelasaun nudar alternativa ida atu solusiona impase polítiku rai laran. Ito

Add to Comments Here!!!!

error: Content is protected.
Secured By miniOrange
You might also like:
DIA 01/05/19 || GMNTV LIVE STREAM || JORNAL AS 12

DIA 01/05/19 || GMNTV LIVE STREAM || JORNAL NASIONAL KALAN

DIA 02/05/19 || GMNTV LIVE STREAM || DADER KMANEK

Close