JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN kontinua dúvida ho projetu iha Beasu

FRETILIN kontinua dúvida ho projetu iha Beasu

Deputadu sira husi bankada opozisaun FRETILIN iha Parlamentu Nasionál (PN), kontinua dúvidas ho projetu portu Beasu, ne’ebé Governu prosesa hela, tanba  konsidera sai rizku ba Estadu Timor-Leste (TL), hanesan projetu sira seluk ne’ebé falladu ona.

“Projetu portu Beasu, ba ami iha rizku bo’ot, atu sai hanesan projetu falladu sira seluk. Liu husi deklarasaun ida ne’e, husu Governu atu hatudu buat kona-ba kontratu sira ne’e ba Parlamentu Nasionál, hanesan órgaun fiskalizadora, hanesan konstituisaun RDTL hatúr ona. Ita tenki estuda didi’ak empréstimu hotu, fó atensaun ba biavilidade ekonómika, no mós ita-nia kapasidade atu selu fali dívidas sira ne’e. Bankada FRETILIN hakarak hatene, garantia saída mak Timor Gap fó ba doador sira, karik loron ruma ita labele selu dívidas ne’e?, ami lakohi TL hanesan nasaun seluk, ne’ebé labele selu dívidas, doador sira foti projetu hanesan sira nia rasik”, deklara deputadu FRETILIN, Francisco Branco, liu husi deklarasaun polítika iha plenária PN, Tersa(14/05/2019).

Branco afirma, Timor-Leste iha ona esperiénsia falladu barak ona ba projetu ne’ebé ajudikasaun direita, tanba ne’e, FRETILIN ezije Governu tenki aprezenta prosesu hotu ba Parlamentu Nasionál, nu’udar órgaun fiskalizador.

“ Bankada FRETILIN ezije tansparansia iha kontratu hotu, ho kompañia sira iha prosesu konstrusaun iha T L laran tomak. Foin dadauk liu ba, Governu liu husi Timor Gap, deside entrega projetu konstrusaun portu iha Beasu ba kompañia Xineza, kontratu ne’e sei kusta Estadu milloens USD 943,  no iha kontratu ida ne’e, empreza ne’e mak sei halo dezeñu no mós konstrusaun. Ita kostume tiha ona, fó ba kompañia sira mak halo dezeñu rasik nia BOQ, mega projetu ida hanesan ho babain ita halo tiha ona ne’e. Bankada FRETILIN nota preokupasaun bo’ot, ba prosesu ne’ebé mak Timor Gap ho Governu uza halo ajudikasaun bo’ot, prosesu ne’ebé laiha tranparansia no latuir sistema aprovizionamentu hodi defende ita-nia Estadu”, relata Branco.

Lee hotu :   PPN: LEI KADUKA SUSPENDE HOTU ■ V LEJISLATURA PRESIZA INISIATIVA LEI FOUN

Nia haktuir, esperiénsia sira ne’e hatudu bebeik ona katak, projetu sira ne’e halo subar de’it, la liu husi prosesu aprovizionamentu no tranparánsia, ikus mai sempre hamosu prejuízu ba Estadu.

“Ezemplu hanesan projetu jalan tol (auto estrada_red) iha Suai, ne’ebé seidauk to’o tinan ida, nakfera monu, portu temporáriu iha Hera, ne’ebé gasta to’o USD14 milloens, liu de’it husi ajudikasaun direita, falladu zero. Ezemplu ida fali, ajudikasaun direita mak, sosa ró haksolok falla, tanba laiha tranparansia no iha indikasaun katak, Governu ho Timor Gap foti preokupasaun adekuadu atu assegura interesse Estadu nian”, tenik Branco.

Hatan ba preokupasaun FRETILIN nian ne’e, Ministru reforma Lejizlativa no Asuntu Parlamentares, (MRLAP), Fidelis Magalhães hateten, kontratu ba projetu mariña iha Be-asu, nu’udar desizaun komersial, tanba ne’e, Governu sei uza rasik rezeitas husi investimentu ne’e mak sei selu hikas dívidas refere.

“Dezenvolvimentu iha fasilidade mariña, inklui portu iha Be-asu ne’e, ne’e desizaun komersial, ne’ebé osan ne’ebé hetan rasik husi ita-nia mina ne’e mak sei selu rasik, tanba ne’e la’os atu selu fali uza fundu mina rai. Ne’e hanesan dalan ida para atu hetan finansiamentu husi Xineza nian, depois investe no halo konstrusaun, no bainhira iha ona retornu mak selu fila-fali osan empréstimu ne’e. Ne’e desizaun ida ne’ebé parte Xina halo, hafoin haree duni katak, investimentu ida iha kosta sul, investimentu ida vale duni, ne’eduni, ne’e lahanesan ho pontu hirak ne’ebé deputadu sira temi, dehan BOQ ne’e lae”, resposta Fidelis.

Governante ne’e esklarese, kontratu no prosesu hotu, Governu seidauk bele aprezenta ba Parlamentu Nasionál, tanba governu presiza atrata tan asuntu balun ho investidor sira,

Lee hotu :   Antoninho Gonçalves troka Marcelina lidera CFJJ

Fidelis promete, bainhira termina, ezekutivu sira sei divulga informasaun refere ba PN.

“Hanesan ezekutivu, iha kna’ar no kompetensia balun, ne’ebé bainhira prosesu la’o seidauk bele partilla ho parlamentu, maibé bainhira nia tempu to’o, Governu sei informa ba PN. Ne’eduni prosesu hotu sei ita la’o mak ita divulga, entaun prosesu ne’e rasik labele la’o ba oin, tanba iha asuntus balun ne’ebé ita presiza trata lai ho investor sira ne’e, investor la senti konfortavel, bainhira prosesu ne’e seidauk la’o ita dovulga hotu ona, tanba ne’e negosiasaun komersial, ne’ebé nia lójika ne’e lahanesan ho investimentu públiku babain”, katak Magalhães.

Antes ne’e, Prezidente Timor Gap deklara ona ba públiku katak, investimentu iha kampu greater sunrise, possibilidade investimentu iha kampu greater sunrise ne’e, bele hatama ona reseitas iha tinan 5 ou 6 ba leten, nune’e bele selu ona empréstimu sira.say

Add to Comments Here!!!!

error: Content is protected.
Secured By miniOrange
You might also like:
DIA 15/05/19 || GMNTV LIVE STREAM || JORNAL AS 12

Khunto Preokupa TL laiha profesionais ba saude mental

Deputadu António Verdial husi bankada Khunto...

Komunidade sira ne’ebé hela iha área protezidu prontu sai

Maske  antes ne’e Governu monta ona...

Close