JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri:Oecussi la’os projetu opozisaun no maioria nian ■ Ró Haksolok sei mai TL

Mari Alkatiri:Oecussi la’os projetu opozisaun no maioria nian ■ Ró Haksolok sei mai TL

Prezidente Autoridade  Rejiaun Administrativa Espesiál Oecussi Ambeno (RAEOA) no Zona Espesiál Ekonomia Sosiál Merkadu (ZEESM), Mari Alkatiri, hateten, mega projetu Oecussi la’os projetu opozisaun ka maioria nian, maibé projetu Estadu nian ne’ebé presiza ema hotu nia kontribuisaun.

Prezidente Autoridade RAEOA-ZEESM, Mari Alkatiri hato’o lia hirak ne’e iha nia dikursu seremonia lansamentu Planu Estratejiku RAEOA tinan 2019-2023, iha Salaun Solidariedade Sosiál Palaban Oecussi, Sesta (24/05/2019).

Prezidente Autoridade  RAEOA-ZEESM ne’e afirma, mega projetu ne’e Estadu nian tanba ne’e ema hotu tenke sai na’in no partisipasaun ativa ba dezenvolvimentu tuir demokrasia partisipativa la’os reprezentativu.

“Povu tomak iha direitu atu partisipa iha prosesu dezenvolvementu, tanba povu tomak tenke sente katak na’in ba prosesu nasionál dezenvolvementu, e direitu atu hetan benefisiu husi dezenvolvementu, e ne’e mak dezafiu ba ita hotu. Autoridade rejionál tenke metin, para akompaña ritmu ida ne’e, para aban bainrua ita hotu adopta ekonomia sosiál de merkadu hanesan politika nasionál de dezenvolvementu, hau fiar sei iha koperasaun di’ak, e hau fiar Oe-Cusse ne’e la’os hanesan projetu opojisaun nian, e la foti mos Oe-Cusse ne’e hanesan projetu maioria nian, maibe estadu tomak no nasaun nian,” Prezidente Autoridade  RAEOA-ZEESM, Mari Alkatiri.

Líder nasionál ne’e afirma, planu estratéjiku ne’e mai husi elaborasaun ideias husi instituisaun hotu auotoridade lokál foinsa’e inklui komunidade iha suku sanulu resin ualu (18) iha Oe-Cusse.

Pillar sira ihaa planu estratéjiku rejional Oe-Cusse tinan 2019 to’o 2023  mak hanesan, iha área sosiál, ekonomia, infraestrutura, planeamentu urbanu, governasaun no modernizasaun institusionál.

Ró Haksolok sei mai TL

Prezidente Autoridade  Região Administrativa Especial de Oé-Cusse Ambeno (RAEOA) no Zona Espesiál Sosiál Merkadu (ZEESM), Mari Alkatiri hateten, Ró Haksolok sei mai Timor-Leste (TL) iha tempu badak hodi fó ksolok ba ema hotu.

Lee hotu :   [:pt]MJ Manuel louva servisu SNC ■Jorge Serrano:Prosesu sukat rai termina iha 2020[:id]MJ Manuel louva servisu SNC ■Jorge Serrano:Prosesu sukat rai termina iha 2020[:en]MJ Manuel louva servisu SNC ■Jorge Serrano:Prosesu sukat rai termina iha 2020[:tl]MJ Manuel louva servisu SNC ■ Jorge Serrano:Prosesu sukat rai termina iha 2020[:]

Maski Ró Haksolok to’o oras ne’e kontinua sai polémika iha públiku tanba liu ona tinan barak no gasta ona osan Estadu bar-barak maibé seidauk to’o mai Timor-Leste.

Maibé prezidente Autoridade  RAEOA no ZEESM, Mari Alkatiri hateten kestaun konaba Ró Haksolok ne’e problema iha empreza no la’os problema ho Timor-Leste tanba ne’e iha tempu badak Ró Haksolok sei to’o mai iha Timor hodi fó ksolok ba ema hotu.

Mari Alkatiri hato’o lia hirak ne’e hafoin lansamentu ba Planu Estratéjiku RAEOA tinan 2019-2023, iha Salaun Solidaridade Sosiál Palaban Oecusse, Sesta (24/05/2019), hodi hatán ba preokupasaun deputadu sira husi AMP ne’ebe kestiona ró haksolok liu ona tinan barak maibé seidauk to’o deit timor.

Ró Haksolok sei mai, ita sei haksolok hotu !, La iha problema, problema la’os go Timor-Leste, problema la’os ho rejiaun, problema ne’e empreza uluk ita entrega adjudika ba sira ne’e mak iha problema finaseiru, la’os ho rejiaun, la’os ho Timor-Leste. Foin lalais ministru transporte e komunikakoens ba vizita Ró refere, e Ró ne’e sei nafatin iha nia fatin, prosesa ne’e agora hein, empreza ne’e rezolve ninia jestaun, para depois atu haré atu la’o ba oin,” hateten Prezidente Autoridade  RAEOA, Mari Alkatiri.

Antes ne’e iha plenaria iha parlamentu nasionál deputadu sira husi bankada AMP kestiona no preokupasaun Ró Haksolok ne’ebe to’o agora seidauk mai Timor-Leste.

Entretantu kapasitasaun Ro Haksolok rasik iha sala ezekutiva ida ne’ebé naton ba ema nain 30, kamarote 10 hanesan toba fatin salaun luan boot naton ne’ebé bela akumula ema na’in 300 no mós bele tula kareta kiik hamutuk 22.

Lee hotu :   PN suspende KIP fiskaliza projetu 142

Maski nune’e Prezidente RAEOA-ZEESM seidauk esplika detalla bainhira mak ro haksolok ne’e to’o mai Timor. Ito

Add to Comments Here!!!!

error: Content is protected.
Secured By miniOrange
You might also like:
DIA 26/05/19 || GMNTV LIVE STREAM || JORNAL NASIONAL KALAN

DIA 25/05/19 || GMNTV LIVE STREAM || JORNAL NASIONAL KALAN

DIA 25/05/19 || GMNTV LIVE STREAM || JORNAL AS 12

Close