JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Naimori: Povu mak sai vítima la’os CNRT

Naimori: Povu mak sai vítima la’os CNRT

Konselleiru másimu partidu Kmanek Haburas Unidade Nasionál Timor Oan (KHUNTO), José dos Santos Naimori Bukar, hatete, kandidatu membru VIII Governu na’in sia (9), ne’ebé sei pendente no maioria husi partidu CNRT, la’os partidu ne’ebé lideradu husi Kay Rala Xanana Gusmão ne’e mak sai vítima ka AMP, maibé povu Timor-Leste mak sai vítima ba impase polítiku ida  ne’e. 

Tuir Naimori, povu mak sai vítima, tanba ezekutivu la kompletu hodi implementa programa ba povu nia moris.

“ Ne’e la fó impaktu ba koligasaun AMP, maibé fó impaktu ba Estadu, tanba se bainhira laiha ministériu ida ho nia ministru ka sekretáriu Estadu no vise, oinsa nia bele jere ministériu nia osan ne’e ho di’ak, tuir ministériu no povu nia hakarak, buat sira ne’e abandona hela servisu Estadu nian ne’e, tanba ita labele tau hela buat ida hanesan ne’e, sei kontinua nafatin buat ida hanesan ne’e. Buat ne’ebé liu tiha ona, ita hotu hanoin ba oin, ba interesse nasaun no povu ne’e atu di’ak liu tan, bele moris iha situasaun ne’ebé livre. Maun Xanana ko’alia ida ne’e, atu bele hafanun Governu, para oinsa, liu-liu ita-nia Primeiru Ministru atu bele rezolve membru Governu ne’ebé seidauk kompletu, hodi ko’alia ho Prezidente Repúblika hodi halo diálogu”,dehan Naimori.

Naimori afirma,  Prezidente Repúblika hein hela, bainhira mak atu halo diálogu ho nia kona ba interesse ne’ebé di’ak ba nasaun ida ne’e.

“Maibé buat hotu tenki liu husi ita-nia Primeiru Ministru, nia mak halo negosiasaun ho ita-nia Prezidente Repúblika,  nune’e ita-nia Prezidente Repúblika bele iha hanoin hodi fó tomada de posse ona ba membru pendente sira ne’e, para labele abandona tan instituisaun públiku sira ne’e hodi atende povu nia moris”, relata José Naimori iha nia rezidensia Surikmas Díli, Kuarta (01/5/2019) ne’e.

Lee hotu :   PPN Arão: Iha alternativu rua sosa asaun Shell

Naimori haktuir, koligasaun AMP ne’e ida de’it, tanba ne’e, husi membru partidu sira ne’ebé mak maioria iha governasaun, sei la iha impaktu ruma ba koligasaun.

“AMP ne’e ida de’it, tanba ne’e, PLP mak maioria mós la sala, inklui Khunto ho CNRT mak maioria mós la sala, partidu opozisaun mak mai mós la sala, tanba ita hotu interesse ida de’it, atu halo dezenvolvimentu ba povu ida ne’e, tanba la signifika husi PLP mak mai atu fó impaktu ne’e la’e, ita hotu ida de’it, hodi dezonvolve Estadu ne’e ho di’ak”, tenik Naimori.

Líder másimu partidu KHUNTO ne’e akresenta, partidu Khunto prontu koopera, bainhira mosu diálogu atu inklina pessoal balun husi partidu opozisaun nian, liu-liu partidu FRETILIN iha governasaun AMP, Tanba interesse Estadu no povu nia di’ak.

 “Buat koopera malu ne’e importante liu iha nasaun ida ne’e, la signifika tenki koligasaun hamutuk mesak hodi forma Govermu, maibé presiza partidu hotu apoia malu, opozisaun ka koligasaun, tanba atu lori nasaun ne’e ba oin, presiza ita hotu hamutuk, la’os tanba FRETILIN opozisaun, ita tenki dok husi sira, polítika ne’ebé di’ak la’os hanesan ne’e, ita hotu iha sentidu Estadu, interesse ba Estadu no nasaun ida ne’e, ita hotu presiza hamutuk, ida mak di’ak liu, tanba nasaun ne’e ita hotu nian, la’os ema ida nian de’it. Ita halo polítika ne’e, atu lori nasaun ne’e ba oin, no atu lori povu ne’e sai husi nakukun ba naroman, halo polítika para atu iha planu ida ne’ebé di’ak, para bele fó moris ba povu”, katak Naimori.

 Konselleiru KHUNTO ne’e garante katak, koligasaun AMP no governasaun AMP ne’e sei kontinua dura to’o mandatu remata, tanba interesse povu no Estadu ne’e.

Lee hotu :   FRETILIN KONVIDA PARTIDU HOTU SERVISU HAMUTUK

Naimori mós konsidera koligasaun AMP la hanesan ho koligasaun sira seluk, tanba AMP mosu antes hari’i Governu.

 “Ha’u haree katak, buat ida Governa ne’e la fasil, ohin ita forma Governu, aban ita sai husi Governu ne’e, buat ida ke todan tebes ba polítiku, no todan tebes ba povu nia moris, tanba ne’e, koligasaun ida ne’e, nia durasaun tenki to’o tinan lima, tanba ne’e la fasil, tanba koligasaun ida agora ne’e la hanesan ida uluk, tanba AMP mosu uluk tiha mak forma Governu”, esklarese Naimori Bukar.

Antes ne’e, Prezidente Partidu CNRT, Kay Rala Xanana Gusmão, liu husi nia gravasaun iha aniversáriu partidu CNRT nian, hatete, CNRT sai vítima iha impasse polítika, no sakrifika aan iha koligasaun AMP, tanba maioria membru husi CNRT mak la simu posse.say

Add to Comments Here!!!!

error: Content is protected.
Secured By miniOrange
You might also like:
FRETILIN aseita diálogu solusiona impase polítiku rai-laran ■ Lakohi sai ai-tonka

Sekretáriu Jeral Partidu FRETILIN, Mari Alkatiri,...

DIA 01/05/19 || GMNTV LIVE STREAM || JORNAL AS 12

DIA 01/05/19 || GMNTV LIVE STREAM || JORNAL NASIONAL KALAN

Close