JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP ejize PR justifika lista pendente

PLP ejize PR justifika lista pendente

Bankada PLP iha Parlamentu Nasionál (PN) ejize Prezidente Repúblika, Francisco Guterres ‘Lú Olo’ atu justifika razaun pendente lista kandidatu membru VIII Governu nne’ebé to’o agora seidauk simu posse.

“Hafoin mosu impasse polítika, no deside eleisaun antesipada, AMP nafatin sai vensedor, maibe PR kontinua buka meius oi-oin, hodi halo impedimentu ba kandidatu membru VIII Governu, ho razaun membru sira ne’e iha indikasaun involve asaun korupsaun.

Se bele karik nai Prezidente, presiza aprezenta notifikasaun espesial ida ba akandidatu membru VIII Governu pendente sira, atu nune’e povu no sosiedade organziasaun ka grupu, família sira bele apár no komprende ho sira nia aktus ba korupsaun.”hateten deputadu PLP, Sabino Soares Guntur liuhosi deklarasaun polítika iha plenaria Segunda(27/05/2019) ne’e.

Deputadu ne’e konsidera, dezenvovlimentu no sustentabilidade ne’eb’e nu’udar preokupasoens ba Xefe estadu nia diskursu iha komemorasuan 20 de Maiu ba dala 17, ne’e kauza husi desizaun Xefe estadu rasik.

“Relasiona ho diskursu nai PR nia, ne’ebé kestiona no tau preokupasoens ba prosesu dezenvovlvimentu no sustentabilidade, ba moris di’ak,

Maibe PR mós presiza konsiente katak, mai mós kauza husi desizaun Prezidente nian rasik, Ne’ebé iha tinan rua tutuir malu, 2017-2918 ne’eb’e fó impaktu ba orsamentu jerál estadu nian.

Relasiona ho desizaun PR nian tinan rua tutuir malu, viola tebes valores demokrasia no multi partidarizmu, katak valores demokrasia ka maioria ka minoria folin laek tebes.

Tuir loloos PR nia ezistensia no funsionamentu nia objetivu mak nu’udar Prezidente ba estadu no povu ida, nu’udar prezidente mós ba partidu ne’ebé lakon no manan,

Nune’e mós ba ema ne’ebé independente, nu’udar PR mós hanesan símbolu unidade nasionál, xave ba dezenvolvimentu nasionál, xave ba sistema governativa no dezenvolvimentu nasionál no sistema demokrasia sufraziu universal hodi asegura no garante objetivu estadu, atu atinji  prosesu libertasaun nasional total no kompleta iha futuru.

Lee hotu :   PR deside EA, Alkatiri kontenti ''Povu konfia liu Xanana, Taur-Naimori

Tanba ne’e presiza ezerse papel importante sira ne’e, nu’udar estadu direitu demokrátiku,”dehan deputadu Guntur.

Deputadu PLP sujere,a tu xefe estadu hado’ok sentimentu partidarizmu, tanba partidu nu’udar instrumentu hodi liberta povu nia moris.

“ Nai prezidente nu’udar veteranus ida, labele tau demais sentimentu partidarizmu, tanba ne’e hanesan meiu no instrumentu estratéjiku ida, hodi luta libertasaun ba povu.

Ne’ebé komando da luta integra ona ba planu no vizaun estratéjiku iha funu naruk nia determinsaun, Tanba sa kuaze tinan rua tutuir malu, lakoopera ho maluk veteranu hanesan Xanana ho Taur Matan Ruak ne’ebé antigamente nu’udar komando ba luta, iha faze rezistensia, armada no polítika,

Maibe kauza valores demokrasia, veteranu muda nu’udar funu na’in nian valores mihis tiha.

Ida ne’e joventude no povu nia preokupasoens, atu labele dezenvolve aktus ida ne’e, hodi halo abut ba estadu RDTL ne’e nakdoko ba bebeik,”afirma Guntur.

Hatán ba kestaun ne’e, deputadu Fretilin, Antonio Bianco hateten, Primeiru Minsitru mak iha kompetensia kona-bá kestaun kandidatu membru governu ne’e, tanba ne’e nia parte sujere ba Deputadu AMP atu husu PM rezolve asuntu refere.

“ Lista governu pendente ne’e liga de’it ba PM ho Xefe estadu, ita bele koalia nusa maibe ne’e kompetensia órgaun ida-ida nian,”dehan Deputadu Fretilin ne’e.

Entretantu, kandidatu membru oitavu governu ne’ebé seidauk simu pose mak hanesan, Sergio Lobo, Virgilho Smith, Helder Lopes, José Turquel, Jacinto Rigoberto, Tomas Cabral, Amandio Benevides,inklui membru hirak ne’ebé rejigna an husi lista hanesan, Kay Rala Xanana Gusmão, Francisco Kalbuadi Lay, no António Verdial.Say

Add to Comments Here!!!!

error: Content is protected.
Secured By miniOrange
You might also like:
Autoridade RAEOA laiha prátika ba governasaun diak ■FRETILIN: Bolu PM Taur esplika iha plenária PN

Bankada CNRT iha Parlamentu Nasionál (PN)...

DIA 27/05/19 || GMNTV LIVE STREAM || GRANDE ENTREVISTA/DESENVOLVIMENTO FFTL HO NIA DESAFIO

DIA 27/05/19 || GMNTV LIVE STREAM || JORNAL NASIONAL KALAN

Close